3 Maio, 2015
Moitas veces tomamos como referencia exemplos de fóra da nosa provincia para poder mellorar a nosa situación económica. Por desgracia, en Ourense aínda subsiste o estigma de que o que vén de lonxe é o mellor e o que temos preto ou o que facemos aquí vale moito menos.
Nestes momentos existe un claro interese por fomentar todo aquilo que rodea o emprendemento e as novas iniciativas empresariais. É a provincia de Ourense terra de emprendedores? Podería pensarse que non, e que o que se estila é que emprendan outros. Non obstante, a pouco que analicemos esta realidade, podemos encontrar exemplos de grandes emprendedores.
Este sería o caso de Grupo Cuevas, que iniciou a súa actividade empresarial en 1867, sendo a primeira empresa española que creou unha fábrica de marrón glacé. A diversificación deste grupo empresarial foi unha constante nos últimos anos, pero sempre tendo como punto de referencia a explotación dun produto tan noso como a castaña. Este grupo empresarial exporta marrón glacé a 26 países nos 5 continentes e contribuíu a crear a "marca Ourense" en todo o mundo.
Alberto Vaquero García. Profesor de economía aplicada.
A Región, suplemento Euro, 3 de maio de 2015, páxina 11.
28 Abril, 2015
O establecemento que inaugura a alianza estratéxica entre Cuevas e SPAR é un supermercado de proximidade que abrirá as súas portas, o 29 de abril, en Vilarchao (Coles), no ámbito da cidade de Ourense.
A insignia SPAR-Cuevas chegará en 2015 a outras quince localidades galegas, con supermercados que terán entre 120 e 300 metros cadrados de superficie.
O plan de negocio considera o despregamento dunha rede comercial formada por máis de 150 establecementos -entre franquías e locais propios- no horizonte de oito anos.
La Región, 29 de abril de 2015, páxina 10.
La Voz de Galicia, 29 de abril de 2015, páxina 33.
El Correo Gallego, 30 de abril de 2015, páxina 16.
Ampliar noticia
5 Abril, 2015
Do fero ourizo que inicialmente a protexe, ao suave envoltorio termoselado co que se acaba recubrindo: da castaña ao marrón glacé, obra un doce milagre, que transforma o froito da árbore do pan nun delicado manxar.
Abeiradas ao silencio dos soutos nos que pacientemente esperan pola súa recolleita, dificilmente poderían imaxinar as castañas o xiro que o destino ten para elas preparado. Esta xornada, as cámaras do equipo do programa “Callejeando” sortearán lume e vapor, a máis severa conxelación mesmo, para deixarse mergullar nos doces xaropes que durante unha semana transformarán o corazón da castaña, e que co glaseado final, supoñerán o paso final desta crisálida do reino vexetal.
La Región, 5 de abril de 2015, páxina 12.
Telemiño, 5 de abril de 2015, programa Callejeando.
29 Marzo, 2015
É un dos principais referentes no sector da alimentación de Ourense. O Grupo Cuevas está a piques de cumprir 150 anos e á fronte da nave, como director xeral, está Artur Yuste, (Almatret, Lleida, 1979). Tocoulle lidiar cos anos malos da crise pero non só logrou manter á boia o grupo, senón que ademais acaba de asinar un acordo para expandir en Galicia a marca Spar.
Cal é o segredo para que Cuevas logre manterse? Como valora un empresario como vostede a situación económica de Ourense? Algunha vez tentáronlle para a política? Que opina da política local? O cliente ourensano é distinto ao do resto de cidades?. Artur Yuste responde a estas e outras preguntas nunha ampla entrevista.
A Voz de Galicia, 29 de marzo de 2015, Edición Ourense, páxina 7.
27 Marzo, 2015
Un grupo de estudantes de Técnicas de Comercialización da UBO (Université de Bretagne Occidentale) visitan Ignacio das Cuevas S.A. como complemento á súa formación en loxística.
Grupo Cuevas apostou sempre pola innovación e as novas tecnoloxías. No ano 2004 implantou un dos ERPs líderes do sector da distribución alimentaria: o ERP Microsoft Dynamics Ax. O seguinte paso consistiu en adaptar o ERP a un avanzado Business Inteligence (QlikView), capaz de desenvolver en tempo real a análise e tratamento de datos e cadros de mando. Tamén no ano 2004, Grupo Cuevas converteuse na sexta empresa europea en dotar á súa plataforma loxística dun sistema de xestión por voz (3I Voice).
Ver imaxe
Web Universidade
