2 Xullo, 2015
Dúas empresas que teñen en común o seu gusto polo exquisito e que se achegan aos 150 anos, a ourensana Cuevas e a alicantina Valor, sorprenderon durante esta semana coa degustación gratuita de chupitos quentes de chocolate. Dende un coche de època, estacionado durante todo o día ás portas dos supermercados Aquié e Aquí, fixeron posible que moitos clientes probasen o que un dos afortunados calificou como “o soño dos amantes do chocolate”.
12 Xuño, 2015
Frunatur, a empresa do Grupo Cuevas especializada na distribución de froitas e hortalizas, conclúe o ciclo de visitas programadas con colexios da provincia para fomentar os hábitos saudables e a alimentación sa. Durante os últimos meses, centenares de nenos dos primeiros cursos tiveron a oportunidade de participar en talleres experimentais e coñecer todo o proceso que seguen as froitas, as hortalizas e as verduras desde que se recollen ata que chegan ao consumidor. Na súa visita recibiron explicacións sinxelas sobre as vantaxes saudables que reporta o consumo destes produtos, e aprenderon tamén como se almacenan e como se conservan á temperatura e humidade adecuadas, ademais de participar en casos prácticos de pesaxe, clasificación e envasado e gozar dunha zona de exposición na que puideron tocar e consumir a froita en diferentes preparados.
Os primeiros resultados reunidos sen pretensións científicas mostran unha clara preferencia dos escolares polos plátanos e as mazás, como froita habitual, e polas cereixas como froita de tempada. O kiwi, a pera e a sandía son sinaladas como as que menos gustan; e plátanos, mazás, cereixas e amorodos como as máis consumidas. Destaca que non todos os colexios mostran os mesmos rangos de resposta, aínda que hai tendencias compartidas.
Ver imaxe
18 Maio, 2015
Supermercados Aquié convocan o seu tradicional Concurso de Debuxo Infantil que ten como tema: A que sabe o verán?. Poderán participar todos os nenos menores de 12 anos que presenten un debuxo antes do 30 de xuño.
Bases do concurso
4 Maio, 2015
Ignacio Balboa entrevista a Artur Yuste, director xeneral de Grupo Cuevas, sobre pasado, presente e futuro deste grupo empresarial.
Minuto 21:45
"Din os que saben de economía en Galicia que os de Ourense son catedráticos nisto da economía e que non se ofenda ningún empresario de ningunha das outras catro provincias galegas pero é certo. Hai unha tradición de emprendemento, de traballo, de tradición, de empresas familiares… ben, que lles vou contar a vostedes que non saiban. Hai unha empresa que xa leva uns aniños que empezou sendo unha pequena cousa e hoxe converteuse nun grupo empresarial cun montón de diferentes áreas de negocio e que a min me gustaría que vostedes coñecesen un pouquiño mais a fondo. Estoume a referir a Grupo Cuevas e para preguntarlle a alguén de Grupo Cuevas chamamos a Artur Yuste"
Escoitar programa