Cóctel quente de cigalas

15 Xullo, 2015

Cóctel quente de cigalas

Plato

Primeiro prato

Ingredientes

Racións: 1 persona

10 g Aceite de oliva
25 g Cabaciña
30 g Cebola
1 g Ceboliño
75 g Cigala
0.5 g Sal
3 g Vinagre
70 g Cenoria

Instruccións

Preparar, en primeiro lugar, un caldo de marisco tras cocer, exclusivamente, as cabezas das cigalas con sal. Seguidamente, cocer a cebola, as cenorias e a cabaciña nese caldo. Finalmente, pelar as colas das cigalas e poñelas a refogar cos vexetais anteriores ben escorridos e engadir, tamén, na tixola unhas gotas de vinagre.

A cigala é un crustáceo e, de todos eles, é o que ten menos calorías e tamén menos graxas, aínda que estas son poliinsaturadas que se coñecen como omega 3 e son beneficiosas para previr enfermidades cardiovasculares. Cabe destacar o seu contido en proteínas de alto valor biolóxico, non obstante o seu contido en colesterol, fai que as persoas con hipercolesterolemia deban moderar o seu consumo. Contén cantidades significativas de vitamina B3 que axuda a reducir o colesterol. Tamén destaca o seu contido en vitamina B5 que resulta beneficiosa para combater o estrés. Tamén contribúe a reducir o colesterol.

Cóctel de peixe

Plato Primeiro prato

Ingredientes

Racións: 1 persona

20 g Aceite de oliva
5 g Allo
25 g Cebola
32 g Ovo
80 g Pescada
5 g Perexil
25 g Pemento vermello
25 g Pemento verde
80 g Peixe sapo
10 g Vinagre

Instruccións

Metemos nunha cazola con auga e sal a pescada e o peixe sapo e deixámolos cocer. Unha vez cocidos, escorrémolos e desmiuzámolos en anaquiños. Por outro lado, cocemos os ovos e unha vez cocidos deixámolos arrefriar. Picamos a cebola, os allos, os pementos, o perexil e o ovo cocido, engadimos ao peixe e botámoslle o sal, o vinagre e o aceite.

Este prato, cuxa orixe non está moi clara, converteuse nun típico do Nadal nos últimos anos. Pode elaborarse con peixe ou marisco. É un prato axeitado para incluír en dietas de adelgazamento debido as poucas calorías e graxa que ten. É un alimento que proporciona proteínas e é rico en minerais esenciais para o bo funcionamento do organismo, como o magnesio, sodio, potasio, e fósforo.

Salpicón de polo escabechado

Plato Primeiro prato

Ingredientes

Racións: 1 persona

40 g Cebola
1 g Loureiro
0.5 g Pementa negra
75 g Polo
0.5 g Romeu
10 g Vinagre
10 g Viño branco
30 g Cenoria

Instruccións

Nunha tixola, fritimos os dentes de allo, cando comecen a tomar cor metemos o polo despezado. Deixámolo dourar e retirámolo para metelo nunha pota acompañándoo dunha cenoria enteira pero planada, unha cebola de igual maneira, o loureiro, a pementa negra, o romeu e o viño branco mesturado con vinagre de viño. O polo debe quedar cuberto por completo. Déixase cociñar durante 15 min. Retírase do fogón e déixase macerar desta maneira, durante unha semana. Para preparar o prato, ponse un leito de leituga cortada en xuliana e sobre esta o polo cortado en tiras, ademais servimos a cebola e a cenoria cociñadas co polo e debidamente cortadas. Pódese aderezar co mesmo caldo de escabeche ou poñer unha salseira con algunha salsa diferente.

A carne de polo é unha boa fonte de proteínas. Considérase unha carne magra xa que o seu nivel de graxas non é moi elevado e esta atópase principalmente na pel. Contén vitaminas predominantemente do grupo B. A vitamina B3 transforma os alimentos en vitaminas. A vitamina B6 intervén na formación de glóbulos vermellos. Prevén a anemia grazas a cantidade de ferro e ácido fólico que posúe. É unha carne de doada dixestión e presenta unha baixa cantidade de colesterol.

Sardiñas en escabeche

Plato Primeiro prato

Ingredientes

Racións: 1 persona

10 g Aceite de oliva
5 g Allo
3 g Fariña
0.5 g Loureiro
0.5 g Pemento doce
90 g Sardiña
0.5 g Tomiño
10 g Vinagre

Instruccións

Rebozamos en fariña e fritimos as sardiñas, despois reservámolas nunha fonte de barro. Preparamos un refogado co aceite da fritura anterior (se o desexamos) para o que empregaremos allos, tomiño, loureiro, pemento e vinagre. Bañamos coa mestura as sardiñas da cazola e servimos a temperatura ambiente.

A carne da sardiña é escura, máis ben graxa e saborosa. A sardiña é o peixe que máis cantidade de vitamina A e D contén. Unha forma de preparación habitual é en escabeche ou enlatada. É fonte de calcio e fósforo e pódese presentar como prato principal ou entremés.

Sardiñas fritidas

Plato Primeiro prato

Ingredientes

Racións: 1 persona

5 g Aceite de oliva
90 g Sardiña

Instruccións

Fritir as sardiñas en aceite quente.

A sardiña é un peixe azul que podemos atopar ao longo de toda a costa española. A mellor época para a súa captura é entre xullo e novembro pero está dispoñible todo o ano. As sardiñas teñen un bo sabor e elevado rendemento alimenticio: conteñen o 21% de proteínas, o 4% de graxas e o 75% de auga, ademais de incluír vitaminas A, D, B, B2 e minerais moi diversos, como o sodio, o potasio, o calcio, o magnesio, o ferro, o fósforo e o xofre. Constitúe unha fonte natural de ácidos graxos omega 3 que contribúen a previr enfermidades cardiovasculares e accidentes cerebrovasculares.

Noticias

Archivos