Repolo refogado con xamón

15 Xullo, 2015

Repolo refogado con xamón

Plato

Primeiro prato

Ingredientes

Racións: 1 persona

5 g Aceite de oliva
5 g Allo
25 g Xamón curado
15 g Leite desnatado
0.5 g Pemento doce
125 g Repolo
0.5 g Sal

Instruccións

Lávase o repolo e córtase en xuliana. Ponse a cocer cun pouco de auga e mais o leite, o aceite e o sal ata que estea terno. Escórrese e resérvase. Nunha tixola, ponse a cullerada de aceite, refógase o xamón e os allos picadiños, antes de que comecen a tomar cor, incorpórase o repolo, dáselle unhas voltas e engádese o pemento, refógase un pouco máis e sérvese quente.

O repolo é rico en auga, o que fai que teña un baixo contido en calorías. Así é adecuado para incluír en dietas de adelgazamento. Ademais, contén fibra que axuda a regular o tránsito intestinal. O repolo é rico en potasio. Este é un mineral necesario para a transmisión e a xeración do impulso nervioso e para a actividade muscular normal. É ademais rico en xofre, fundamental para a pel e as articulacións. Axuda a combater as infeccións pectorais e é un potente antibacteriano. Contén, ademais, ácido fólico, vitamina C e betacaroteno.

Repolo recheo de vitela

Plato Segundo prato

Ingredientes

Racións: 1 persona

10 g Aceite de oliva
5 g Allo
50 g Cebola
120 g Filete de tenreira
30 g Pemento verde
100 g Repolo
10 g Viño branco
30 g Cenoria

Instruccións

Introducimos o repolo, antes de escaldalo, en auga e vinagre. Reservamos. Sofritimos a cebola, o allo, a cenoria e o pemento ata que adquira un ton dourado a cebola e, nese momento, botamos a agulla de tenreira en anacos grandes. Regamos con viño e aderezamos con sal e pementa ao gusto. Cocemos 1 h a lume moi lento, ata que estea moi branda a carne. Enrolamos as follas de repolo co refrito e coa carne desfeita. Servimos quente.

O repolo ten un alto contido de auga polo que a contribución de calorías ao prato é baixa. Tamén contén fibra, potasio, cantidades apreciables de calcio e magnesio, e un alto contido de vitamina C. É hipoglucemiante, é dicir, fai descender o nivel de azucre en sangue dos diabéticos. Por outro lado, a vitela ou carne de tenreira contén proteínas de alto valor biolóxico, ademais de minerais como o ferro de doada absorción, cinc e selenio e vitaminas A, B6, B12, D e E.

Requeixo con mel

Plato Postre

Ingredientes

Racións: 1 persona

15 g Azucre
200 g Leite cru
10 g Mel

Instruccións

Deixar repousar o leite durante un día, nun lugar temperado, para que forme nata por enriba. Resérvase á parte a nata. Unha vez callado todo o leite, escórrese nun coador cun pano. Bótase nunha cunca e bátese coa nata que retiramos e o azucre. Servimos con mel por enriba, opcional.

Antigamente o requeixo foi un derivado lácteo moi apreciado. Obtíñase deixando actuar á natureza, deixando o leite nunha pota de barro para que callase de forma natural e engadíaselle limón para facilitar a súa coagulación. En moitas ocasións, engadíaselle mel e, excepcionalmente, azucre. Tamén era moi habitual en Galicia que se consumise xunto ao lar.

Refogado de chícharos con lagostinos

Plato Primeiro prato

Ingredientes

Racións: 1 persona

5 g Aceite de oliva
5 g Allo
10 g Caldo de peixe
40 g Cebola
80 g Chícharo
5 g Fariña
60 g Ovo
30 g Lagostino
50 g Pataca
0.5 g Sal

Instruccións

Poñer nunha cazola a auga, o sal e a pastilla de caldo. Cando comece a ferver, incorporamos os chícharos e as patacas, mondadas e picadas en tacos, déixanse cocer uns 15 min. Nunha tixola, ponse o aceite e, cando estea tépedo, incorporamos a cebola picada moi fina e o allo. Unha vez dourada, engadimos os lagostinos pelados e partidos pola metade e, tamén, as cabezas. Dóuranse un pouco e, a continuación, bótaselles a fariña, sofrítese un pouco e engádeselles o viño branco, déixase que reduza un pouco, a continuación bótanse os chícharos e as patacas, dándolles unhas voltas. Engádeselles o caldo dos chícharos, déixanse reducir e, a continuación, engádense os ovos. Mestúrase todo moi ben, e cando o ovo estea un pouco feito estará listo para servir.

Os chícharos son unha boa fonte de fibra que axuda a reducir o nivel de colesterol e a mellorar o tránsito intestinal. Tamén conteñen proteínas que son importantes na dieta de persoas vexetarianas. Destaca o seu contido en vitamina B1 ou tiamina, que é moi importante para o sono, o estado de ánimo e o apetito. Pola súa parte, os lagostinos, ricos en proteínas supoñen unha importante contribución de iodo, imprescindible para a síntese das hormonas tiroides. O seu contido en colesterol e en purinas é elevado polo que non son aconsellables para persoas que seguen unha dieta baixa en ácido úrico.

Rodaballo á galega

Plato Segundo prato

Ingredientes

Racións: 1 persona

20 g Aceite de oliva
1 g Allo
150 g Pataca
1 g Pemento doce
200 g Rodaballo
1 g Sal

Instruccións

Preparamos unha allada con allo, aceite, e pemento doce. Reservámola para engadir ao peixe cando estea cocido. Botamos en auga fervendo xunto co rodaballo unhas patacas e un anaco de pemento verde que foron pasados con anterioridade por unha tixola cun pouquiño de aceite.

Cabe destacar que Galicia é pioneira no cultivo do rodaballo, aínda que tamén podemos atopar rodaballo salvaxe na zona do Gran Sol e nas rías galegas. O rodaballo é un peixe moi apreciado pola súa carne fina e a súa textura agradable. O rodaballo é un peixe semigraxo. Destaca o seu contido en ácido fólico que prevén a anemia e os trastornos dixestivos. Respecto aos minerais, destaca o potasio necesario para o sistema nervioso e a actividade muscular, posúe fósforo que intervén no sistema nervioso, na actividade muscular e en procesos de obtención de enerxía.

Noticias

Archivos