Noticias

Noticias y actualidad del Grupo Cuevas

Archivos

Polbo á brasa

15 Xullo, 2015

Polbo á brasa

Polbo á brasa

Ingredientes

Racións: 1 persona

  • 10 g Aceite de oliva
  • 5 g Allo
  • 150 g Polbo
  • 4 g Sal

Instruccións

Cortar o polbo en dúas metades lonxitudinais (catro metades se é moi grande), condimentar con sal gordo e botámolo enriba das brasas xa preparadas. Bótaselle, unha vez listo, o aceite cos allos previamente dourados.

Esta sinxela forma de preparar o polbo fíxose moi habitual nos últimos anos en numerosos restaurantes. En Portugal esta receita coñécese como "polbo a mestre lagareiro", ou sexa, polbo ao estilo do bodegueiro xa que era un prato típico en época de vendima cando as cuadrillas se recollían e a cea tiña que ser potente con proteínas para poder traballar ao día seguinte.

Polbo en caldeirada

Polbo en caldeirada

Polbo en caldeirada

Ingredientes

Racións: 1 persona

  • 20 g Aceite de oliva
  • 5 g Allo
  • 50 g Cebola
  • 100 g Pataca
  • 1 g Pemento doce
  • 50 g Pemento vermello
  • 180 g Polbo
  • 1 g Sal

Instruccións

Procedemos a ferver a auga con sal e cunha cebola, unha vez chegue a ebulición, metemos o polbo tres veces seguidas e retirámolo, enseguida, co fin de conseguir que se enrosquen as patas e finalmente deixámolo cocer. Unha vez que estea cocido colocámolo noutro recipiente e no que se coceu o polbo introducimos as patacas para a súa cocción. Mentres, fritimos o polbo picado en anacos nunha tixola con aceite quente, unha vez que estea fritido o polbo engadimos, na mesma tixola, un allo, unha cebola e pemento vermello ata que estean dourados, momento no que engadimos un chisco de pemento. Finalmente, presentamos o polbo xunto coas patacas.

É un prato típico da Costa da Morte. O polbo é rico en sales minerais, vitamina B e presenta unha cantidade mínima de graxa. É unha boa fonte de calcio que prové rixidez e fortaleza aos ósos e prevén enfermidades cardiovasculares entre outras funcións. Cabe destacar que contén un aminoácido denominado taurina, moi importante xa que regula a presión sanguínea, reduce o colesterol e as graxas naturais do sangue, axuda á diminución de coágulos e prevén enfermidades cardiovasculares.

Polbo estilo Arousa

Polbo estilo Arousa

Polbo estilo Arousa

Ingredientes

Racións: 1 persona

  • 20 g Aceite de oliva
  • 10 g Allo
  • 70 g Cebola
  • 120 g Pataca
  • 1 g Pemento doce
  • 1 g Pemento picante
  • 220 g Polbo
  • 0.5 g Sal

Instruccións

Nunha pota ponse auga a ferver. Somérxese o polbo tres veces, de maneira que os tentáculos se enroscan. A terceira vez déixase o polbo na auga fervendo e cocíñase durante uns 45 min (depende do peso do polbo). Para comprobar o punto de cocción pícase cun escarvadentes. Unha vez feito, apágase o lume e déixase o polbo na auga de cocción para que non arrefríe. Nun pouco de auga da cocción do polbo cócense unhas patacas. Mentres, faise nunha tixola un rustrido de cebolas picadas con aceite e un pouco de sal que servirá para cubrir o polbo, unha vez cortado, e as patacas, xa na fonte.

Esta forma de preparar o polbo xurdiu na illa de Arousa e tamén na illa de Ons. É moito menos popular que o coñecido “polbo á feira" que se consumía nos días sinalados, como os de feira. Ao contrario, o polbo estilo Arousa consumíase diariamente nas illas como sustento de mariñeiros e ao ir acompañado de patacas, cebola nunha especie de refrito, era un prato que presentaba máis calorías e saciaba máis.

Polbo estilo illa

Polbo estilo illa

Polbo estilo illa

Ingredientes

Racións: 1 persona

  • 9 g Aceite de oliva
  • 140 g Pataca
  • 1 g Pemento doce
  • 250 g Polbo
  • 0.5 g Sal

Instruccións

Botamos nunha cazola auga e, cando rompa a ferver, metemos o polbo. Engadímoslle as patacas toradas tras media hora de cocción. Cortamos o polbo cunhas tesoiras, salgámolo e presentámolo coas patacas cocidas e coa allada.

Como o seu propio nome indica, este xeito de preparar o polbo é típico das illas de Ons e de Arousa. Este prato consumíase con frecuencia polas persoas mariñeiras e a diferenza co famoso "polbo á feira" é que as patacas se cocen xunto co polbo. O polbo contén iodo que axuda a regular o funcionamento da hormona tiroidea e calcio, que axuda os ósos a ter rixidez e fortaleza e a regular o nivel de colesterol en sangue. O seu contido en colesterol é baixo. As patacas pola súa parte proporcionan enerxía polo seu contido en hidratos de carbono e vitamina C que a posúen en cantidade comparable coa que conteñen moitas froitas e hortalizas.

Torta de requeixo galega

Torta de requeixo galega

Torta de requeixo galega

Ingredientes

Racións: 1 persona

  • 10 g Azucre
  • 2 g Coñac
  • 30 g Fariña
  • 10 g Ovo
  • 15 g Leite desnatado
  • 2 g Fermento
  • 1 g Limón
  • 2 g Manteiga
  • 35 g Requeixo
  • 16 g Iogur

Instruccións

Batemos nun recipiente, enerxicamente, os ovos con azucre de maneira que consigamos que o volume inicial se multiplique por dous, momento no que engadiremos o iogur e o leite. Continuamos batendo a mestura durante un par de minutos. Engadimos no recipiente a fariña co fermento e a rela dun limón. Deseguido, botamos o requeixo e un chorriño de coñac que achegará á torta un sabor e un aroma característico. Volvemos bater a mestura, esta vez xa case completa, para evitar a creación de grumos que poidan afectar a aparencia e a textura do produto final. Vertemos nunha fonte, previamente untada con manteiga e cuberta de fariña, e enfornamos a unha temperatura de 190 ºC.

Esta é unha torta moi típica en Galicia. Tamén se chama torta de requeixo. Ten un suave sabor a queixo e agradable ao padal. O ingrediente principal da torta é o requeixo que se obtén ao callar o leite. É un alimento proteico moi completo, ideal para o crecemento polo seu alto contido en calcio e tamén para épocas de esforzo polo fósforo que contén. O requeixo é ben tolerado por toda clase de persoas xa que contén poucas graxas.