Noticias

Noticias y actualidad del Grupo Cuevas

Archivos

Rosada á galega

15 Xullo, 2015

Rosada á galega

Rosada á galega

Información nutricional:

Kcal: 418,5
Proteínas: 29,3%
Hidratos de carbono: 36,6%
Lípidos: 34,1%

Ingredientes

  • 150 g rosada
  • 1 (150g) pataca
  • 40 g chícharos
  • 20 g cebola
  • 2 dentes (10g) allo
  • 2 culleradas (20mL) aceite oliva
  • 5 g pemento doce
  • 1 folla loureiro
  • sal ao gusto

Instruccións

Tempo preparación: De 20 a 30 minutos

Cocer en auga con laurel e cebola as patacas cortadas en rebandas grosas. Ós 8 min. engadir o peixe e cocer de 7 a 8 minutos máis dependendo do grosor. Á parte, preparar unha salsa co aceite, allo e pemento doce. Servir a rosada enriba das patacas acompañado por chícharos cocidos á parte e a salsa de allo por riba.

Vantaxes:
A rosada é un peixe branco, e como tal presenta un baixo contido graxo. Ademais é rica en proteínas de alto valor biolóxico e posúe diferentes vitaminas e minerais. Destaca o seu contido en vitaminas do grupo B. Pero, a cantidade destas vitaminas non é relevante se se compara coa que conteñen alimentos ricos nestes nutrientes (cereais integrais, legumes, verduras de folla verde, fígado e carnes en xeral). En relación ós minerais, posúe potasio, fósforo e magnesio, aínda que todos eles están presentes en cantidades medias se se comparan coas contidas na maior parte dos peixes.

Inconvenientes:

Espinacas con queixo e noces

Espinacas con queixo e noces

Espinacas con queixo e noces

Información nutricional:

Kcal: 467,7
Proteínas: 27,2%
Hidratos de carbono: 13%
Lípidos: 59,8%

Ingredientes

  • 150 g espinacas
  • 1/2 vaso (100mL) leite desnatado
  • 50 g queixo fundir
  • 10 g queixo relado
  • 15 g noces peladas
  • 6 g fariña
  • 1 cullerada (6mL) aceite oliva
  • noz moscada
  • pementa branca
  • sal ao gusto

Instruccións

Tempo preparación: De 20 a 30 minutos

Limpar e cocer as espinacas de forma tradicional. Escorrer e reservar. Preparar unha bechamel: quentar o aceite, engadir a fariña e remover, engadir o leite quente e deixar que ferva desfacendo posibles grumos. Engadir o queixo á bechamel para que se funda e a continuación as espinacas. Mesturar ben e agregar as noces. Servir cubrindo de queixo relado.

Vantaxes:
As espinacas son unha fonte importante de minerais como o magnesio, potasio, calcio, fósforo e sodio. Conteñen importantes cantidades de ácido fólico, e de betacarotenos, precursores da vitamina A, que actúan contra o envellecemento celular. Tamén son ricas en vitamina C e E, de acción antioxidante, e vitaminas do grupo B. Ademais, apenas conteñen graxas. Son unha das hortalizas con maior nivel de proteínas e a proporción de fibra é considerable.

Inconvenientes:
O ferro de orixe animal absórbese máis facilmente ca o vexetal. Polo tanto, para un bo aporte de ferro é necesario o consumo de alimentos de orixe animal.

Escalopíns de tenreira á pementa

Escalopíns de tenreira á pementa

Escalopíns de tenreira á pementa

Información nutricional:

Kcal: 462,4
Proteínas: 31,8%
Hidratos de carbono: 20%
Lípidos: 48,2%

Ingredientes

  • 150 g tenreira tapa
  • 75 mL caldo carne
  • 50 g arroz
  • 30 g champiñóns
  • 20 mL nata
  • 1 dente (5g) allo
  • 1 cullerada (5mL) aceite oliva
  • pementa branca
  • sal ao gusto

Instruccións

Tempo preparación: De 20 a 30 minutos

Facer escalopíns de 50g moi finos, salpementar e marcar na prancha volta e volta. Facer a salsa: refogar os champiñóns laminados no aceite con allo picado. Engadir o caldo de carne e deixar reducir á metade. Incorporar a nata e a pementa. Deixar cocer uns minutos e dar o toque de sal. Presentar os escalopíns cubertos con salsa e arroz ó forno de gornición.

Vantaxes:
A Tenreira Gallega é a primeira carne de vacún con control integral e certificado de garantía. A carne procedente do vacún é un alimento completo e esencial para unha dieta sa e equilibrada, e destaca polo seu elevado contido proteico. Estas proteínas son altamente dixeribles e de gran valor biolóxico. Ademais é rica en vitaminas do grupo B e en minerais como fósforo, magnesio e ferro.

Robaliza ao Ribeiro

Robaliza ao Ribeiro

Robaliza ao Ribeiro

Información nutricional:

Kcal: 374,8
Proteínas: 45,2%
Hidratos de carbono: 31,5%
Lípidos: 23,3%

Ingredientes

  • 150 g robaliza
  • 1 (100g) pataca
  • 60 mL caldo peixe
  • 60 mL Ribeiro
  • 6 g fariña
  • 1 cullerada (6mL) aceite oliva
  • perexil
  • sal ao gusto

Instruccións

Tempo preparación: De 20 a 30 minutos

Limpar a robaliza e filetear. Sazonar con sal e marcar lixeiramente na prancha. Facer a salsa de Ribeiro: refogar a fariña no aceite sen que se queime e engadir o caldo de peixe quente e o Ribeiro fervido (para que lle marche o alcol). Salgar. Debe quedar como unha bechamel lixeira pero máis escura. Cocer a pataca en rebandas á parte e colocar a robaliza sobre a pataca e cubrir coa salsa. Cubrir con perexil.

Vantaxes:
A robaliza é un peixe branco, cun aporte de lípidos moi baixo. Isto, ligado ó subministro de proteínas de alto valor biolóxico, fai deste peixe un dos alimentos con maior valor nutritivo. Destaca o seu contido en vitaminas do grupo B, capaces de regular o aproveitamento dos nutrientes enerxéticos. Aporta minerais como potasio, fósforo, ferro, sodio e magnesio, substancias que interveñen na regulación do sistema nervioso, na actividade muscular, no equilibrio de auga na célula, na formación de ósos e dentes, nos procesos de obtención de enerxía e no sistema dixestivo.

Macarróns á carbonara

Macarróns á carbonara

Macarróns á carbonara

Información nutricional:

Kcal: 488,3
Proteínas: 10,2%
Hidratos de carbono: 24,8%
Lípidos: 64,9%

Ingredientes

  • 80 g pasta
  • 1/2 vaso (100mL) leite desnatado
  • 40 g entrefebras
  • 6 g fariña
  • 5 g queixo relado
  • 1 cullerada (5mL) aceite oliva
  • noz moscada
  • pementa branca
  • ao gusto sal

Instruccións

Tempo preparación: De 20 a 30 minutos

Cocer a pasta en auga fervendo con sal o tempo que nos indique o fabricante. Refrescar e escorrer. Separadamente, preparar unha bechamel con entrefebras; quentar o aceite nun cazo, engadir as entrefebras en dados, incorporar a fariña removendo con coidado de non tomar cor. Engadir o leite quente. Remover con variña ata que ferva e espese lixeiramente. Engadir sal, pementa e noz moscada ó gusto. Mesturar a salsa coa pasta e cubrir con queixo relado.

Vantaxes:
As principais características da pasta son o seu grande aporte en hidratos de carbono de absorción lenta (amidón) e en proteínas (glute), e o seu baixo contido en graxas. Ademais, ten a vantaxe de que é moi fácil de cociñar. Este prato tamén contén leite, que é un dos alimentos máis completos. Entre os seus compoñentes atopamos vitaminas A, C, e do grupo B, riboflavina e niacina; ademais, de ferro, calcio, e proteínas. O seu consumo habitual diminúe nun 60% o risco de contraer cancro de mama, grazas á lactosa. O seu contido en calcio fai que sexa indispensable para evitar a osteoporose, e o seu contido vitamínico fai que o seu consumo habitual supla un terzo das nosas necesidades diarias.