Pombiños ao espeto

15 Xullo, 2015

Pombiños ao espeto

Plato

Segundo prato

Ingredientes

Racións: 1 persona

3 g Allo
80 g Castaña
10 g Manteiga
160 g Pombiño
0.5 g Sal

Instruccións

Úntanse os pombiños con manteiga e un dente de allo. Engádeselles sal e ásanse ao espeto. Como gornición, acompáñanse de castañas asadas ou cocidas.

A carne de pombiño está constituída maioritariamente por auga, proteínas e graxa. Se se trata dun exemplar novo ten unha maior cantidade de auga e menos graxa e proteínas. Apenas contén hidratos de carbono. Por outra banda, é rica en vitaminas do grupo B. Ademais, as castañas considéranse un bo acompañamento da carne de caza, como é neste caso o pombiño. As castañas conteñen moi poucas calorías e polo seu gran contido en hidratos de carbono son moi enerxéticas.

Pementos morróns con cachelos

Plato Primeiro prato

Ingredientes

Racións: 1 persona

5 g Aceite de oliva
100 g Pataca
160 g Pemento morrón
1 g Sal
3 g Vinagre

Instruccións

Asaremos os pementos enteiros con sal e aceite. Unha vez feitos abrímolos á metade e limpámolos. Servímolos (esparexidos con seu zume e cun chorriño de vinagre) con patacas.

O pemento é orixinario de América e as súas sementes introduciunas en España Cristóbal Colón, tras o descubrimento do continente americano. Os pementos son un alimento cun elevado contido en auga, apenas teñen graxas e tamén proporcionan poucas proteínas pero son unha fonte importante de vitaminas e minerais, unha das máis xenerosas en vitamina C (en maior proporción nos pementos vermellos), ademais de conter carbohidratos e fibra. Nesta receita acompáñanse de patacas cocidas (cachelos) que nos dan enerxía debido ao seu contido en hidratos de carbono.

Pementos recheos de arroz

Plato Primeiro prato

Ingredientes

Racións: 1 persona

8 g Aceite de oliva
5 g Allo
30 g Arroz
0.20000000298023224 g Azafrán
40 g Cebola
10 g Fariña
30 g Ovo
10 g Jamón de York
5 g Manteiga
0.30000001192092896 g Noz moscada
0.5 g Pementa negra
150 g Pemento verde
0.20000000298023224 g Sal

Instruccións

Fritimos en manteiga de porco unha cebola e o xamón, posteriormente engadimos tamén o arroz e a auga, e déixase cocer. Retírase antes de que o arroz chegue ao seu punto óptimo. Unha vez frito o arroz, rebózase en ovo e fariña e énchense os pementos, xa cortados á metade e limpos de semente e rabo. Frítense nunha tixola. Á parte, dóurase unha cebola picada e engadímoslle fariña e caldo, sazonando todo con noz moscada, pementa, azafrán e sal. Dáselle un fervor e bótase nunha cazola, onde están os pementos colocados. Cocemos a lume lento ata que estean tenros.

O pemento presenta un baixo contido calorífico e apenas contén graxas. É unha boa Fonte de fibra, o que mellora o tránsito intestinal. Contén vitamina C, sobre todo o pemento vermello que ten efecto antioxidante e intervén na formación de coláxeno, glóbulos vermellos, ósos e dentes. Entre os minerais que contén, destaca o potasio necesario para transmisión do impulso nervioso e a actividade muscular. O arroz proporciona enerxía polo seu contido en hidratos de carbono. Polo seu contido en fibra é eficaz contra o estrinximento e reduce o nivel de colesterol. Actúa beneficiosamente sobre a presión arterial, debido ao potasio que ten e ao seu baixo contido en sodio polo que benefician a persoas hipertensas.

Pementos recheos de carne

Plato Primeiro prato

Ingredientes

Racións: 1 persona

15 g Aceite de oliva
5 g Allo
30 g Cebola
20 g Filete de porco magro
20 g Filete de tenreira
30 g Ovo
5 g Leite desnatado
0.20000000298023224 g Noz moscada
10 g Pan
10 g Pan relado
1 g Perexil
0.20000000298023224 g Pementa negra
150 g Pemento vermello
0.5 g Sal
40 g Tomate
10 g Viño branco
30 g Cenoria

Instruccións

Nunha tixola con aceite fritimos a cenoria, o tomate e a cebola. Unha vez que isto colla cor, agregamos o viño branco e o pan relado e deixamos cocer a lume suave. Mentres, limpamos os pementos, eliminando o rabo e as sementes, e cortámolos pola metade. Douramos o perexil co resto da cebola e botámoslle a carne picada, o sal, a noz moscada e a pementa. Utilizamos o miolo de pan bañado en ovo e leite para encher o fondo dos pementos. Despois, cortamos en círculo o resto do pemento para utilizalo de tapa uníndoo cun escarvadentes. Unha vez que estean fritidos os pementos, colocámolos nunha tarteira de barro e engadímoslles o caldo con viño branco que preparamos ao principio.

O pemento vermello presenta un baixo nivel de calorías pero contén unha gran cantidade de fibra e vitaminas C que ten función antioxidante e A que prevén enfermidades oculares. A carne que enche os pementos danlle ao prato proteínas, cun contido graxo e de calorías baixo, así como vitaminas do grupo B, destacando a B1, indispensable no funcionamento do sistema nervioso. Ademais contribúe no crecemento e no mantemento da pel. A carne tamén é unha boa fonte de ferro que axuda a previr a anemia.

Polo asado con mazás con patacas asadas

Plato Segundo prato

Ingredientes

Racións: 1 persona

10 g Aceite de oliva
3 g Allo
10 g Manteiga
90 g Mazá
90 g Pataca
2 g Perexil
110 g Polo
0.5 g Sal

Instruccións

Adóbase o polo co perexil, co allo e co sal machados no morteiro, cóbrese de manteiga e ponse a forno moderado coas mazás e coas patacas lixeiramente fritas en anacos grosos.

O polo é unhas das carnes máis consumidas a nivel mundial, tanto polas súas excelentes propiedades nutricionais coma pola súa textura e sabor suave. Pertencen ao grupo das aves de curral e ten a carne branca aínda que pode presentar unha cor amarelenta se se alimentou con millo. A súa versatilidade na cociña permite cociñalo de múltiples formas e acompañalo de case calquera gornición.

Noticias

Archivos