Pato ao estilo Ribadeo

15 Xullo, 2015

Pato ao estilo Ribadeo

Plato

Segundo prato

Ingredientes

Racións: 1 persona

5 g Aceite de oliva
10 g Caldo de verdura
3 g Manteiga
50 g Nabo
5 g Laranxa
120 g Pato
0.5 g Pementa negra
0.5 g Sal
10 g Viño branco
10 g Vodka

Instruccións

Douramos o pato cortado con manteiga, despois poñémolo a cocer en caldo ata alcanzar a redución en forma de salsa e reservamos. Para a elaboración da salsa de laranxa, primeiro acaramelamos o azucre, despois engadimos o vodka e flambamos ata que alcance un ton alaranxado, momento no que engadimos o zume de laranxas amargas, previamente espremido, con algunha casca. Esparexemos o pato coa salsa de laranxa e servimos acompañado de nabos, tal como suxiren algúns autores.

Crese que esta receita é a que deu orixe ao que posteriormente foi o famoso pato á laranxa. Este prato preparábase nas casas burguesas da vila de Ribadeo, na fronteira entre Lugo e Asturias ata mediados do século XX. Facíase nesta vila xa que na ría de Ribadeo abundaban os patos e, nese val, había grandes plantacións de laranxeiras.

Parrulo con puré de abelás e salsa de arandos

Plato Segundo prato

Ingredientes

Racións: 1 persona

2 g Allo
25 g Arando
20 g Abelá
10 g Cebola
5 g Limón
5 g Manteiga
25 g Nata
50 g Pataca
100 g Pato
0.5 g Perexil
0.5 g Pementa negra
0.5 g Sal

Instruccións

En primeiro lugar, preparar a salsa tras poñer a cocer, por unha parte, os arandos cun pouco de limón e, por outra, dourar a cebola picada cun pouco de manteiga. Mesturar todo o conxunto. Seguidamente, preparar o puré de abelás tras engadir as abelás finamente picadas a un puré de patacas preparado con manteiga e nata líquida. Finalmente, poñer á grella as peitugas de parrulo adobadas con allo e perexil ata que estean ben douradas por ambas as dúas partes. Presentar o prato dispoñendo os tres ingredientes un ao lado do outro sen mesturalos.

A carne de pato caracterízase polo seu elevado contido en graxas polo que a súa cantidade de calorías tamén é elevada. Debido a estas características non é moi axeitado para persoas obesas ou que seguen unha dieta de adelgazamento. Posúe gran cantidade de proteínas, ferro e fósforo. A carne de pato combina moi ben cos froitos secos, neste caso as abelás que teñen unha gran cantidade de graxas, ademais son unha boa fonte de magnesio, cobre e vitamina E. Os arandos son ricos en fibra e vitamina C. Tanto as abelás como os arandos son bos antioxidantes.

Percebada galega

Plato Primeiro prato

Ingredientes

Racións: 1 persona

1 g Loureiro
51.75 g Percebe
1 g Sal

Instruccións

Para a preparación dos percebes botámolos nunha cazola con auga, loureiro e sal e deixámolos cocer. Consumímolos, ao rematar a cocción, mentres estean quentes.

En Galicia podemos atopar percebes ao longo de toda a costa, desde Ribadeo ata A Guarda. O percebe non sempre estivo tan valorado como na actualidade. Hai máis de 100 anos, na Costa da Morte, as familias pobres preparaban "caldeirada de percebe" xa que o marisco se consideraba comida de pobres. Cabe destacar que o percebe sempre se distinguiu do resto de mariscos xa que tiña un valor engadido que era a súa dificultade de recolección.

Perdices á cazadora con patacas

Plato Segundo prato

Ingredientes

Racións: 1 persona

5 g Aceite de oliva
5 g Allo
10 g Brandy
20 g Champiñón
0.5 g Loureiro
10 g Touciño entrefebrado
120 g Pataca
150 g Perdiz
0.5 g Perexil
0.5 g Pementa negra
10 g Touciño
0.5 g Tomiño
10 g Viño branco
30 g Cenoria

Instruccións

Douramos o touciño nunha tixola onde, despois duns minutos, botaremos as perdices xunto co allo, coa cebola, co touciño entrefebrado, cos champiñóns e coa cenoria. Condimentamos con perexil, loureiro, tomiño, sal e pementa. Bañamos con brandy e viño branco, isto dálle ao prato un sabor característico. Unha vez que temos todos os ingredientes incorporados á mestura, cociñamos lentamente. As patacas podemos precocelas á parte e engadilas na metade de proceso de cocción para que adquiran mellor sabor.

A perdiz é unha ave de caza apreciada pola súa carne. Considerase máis saborosa se a ave é adulta. De feito, coa idade a súa carne adquire un sabor máis intenso e unha cor vermella escura. A súa cantidade nutritiva é moi importante. A súa cantidade de calorías é similar ao do polo posto que proporciona ao organismo unhas 100 cal por cada 100 g. A perdiz contén unha elevada cantidade de vitaminas, entre as que destacan as pertencentes ao grupo B e tamén de sales minerais como o calcio, o ferro e o potasio. Este prato á cazadora xa era común no século XX.

Percebes en paxe con cachelos

Plato Segundo prato

Ingredientes

Racións: 1 persona

5 g Aceite de oliva
1 g Loureiro
100 g Pataca
51.75 g Percebe
1 g Sal

Instruccións

Introducimos nunha cazola, que conteña auga fría con sal, as patacas cortadas en toros con pel e o loureiro. Engadimos os percebes cando rompa a ferver a auga e unha vez que volva ferver déixanse cocer 5 min. Presentamos nun cesto de vimbio tras engadirlles un pouco de aceite.

Este prato preparábase cando os percebes non tiñan o valor económico nin gastronómico que teñen hoxe en día. Os percebes destinábanse ao consumo familiar das propias persoas mariscadoras que os collían. Consumíanos nunha fonte, de forma comunal. Cocíanse xunto coas patacas que eran a súa principal gornición.

Noticias

Archivos