Ostras en escabeche

15 Xullo, 2015

Ostras en escabeche

Plato

Primeiro prato

Ingredientes

Racións: 1 persona

20 g Aceite de oliva
5 g Allo
1 g Loureiro
55 g Ostra
1 g Pementa negra
1 g Sal
10 g Vinagre
10 g Viño branco

Instruccións

As ostras frítense en aceite unha vez se extraídas das cunchas. Unha vez fritidas retíranse e resérvase o aceite. Para elaborar o escabeche engádeselle á auga, o vinagre, o viño branco, a pementa, o loureiro e o sal. No aceite reservado das ostras dóuranse os dentes de allo. Cando estean dourados agrégaselles un pouco de viño branco e retíranse. Cando perda temperatura engádeselle esta salsa ao escabeche e emulsiónase todo ben. Logo, déixase cocer a lume lento. Botáselle o escabeche sobre as ostras.

En Galicia coméronse tradicionalmente ostras. Ademais de comelas crúas consumíanse en escabeche colocándoas nos barrís que o contiñan. Xa no século XV, nos mercados, o seu prezo era algo elevado. Hoxe en día, o cultivo da ostra predomina ao longo das Rías Baixas, en Carril ou na illa de Cortegada, xa que os bancos naturais foron desaparecendo co aumento do seu consumo.

Ostras fritas

Plato Primeiro prato

Ingredientes

Racións: 1 persona

20 g Aceite de oliva
10 g Fariña de millo
15 g Limón
38 g Ostra

Instruccións

Rebozar con fariña a vianda das ostras e fritilas en abundante aceite ben quente. Presentalas, ao gusto, cunhas gotiñas de zume de limón.

Crese que este prato é de orixe medieval. Xurdiu como método de conservación para transportar as ostras desde as costas galegas ata as casas señoriais repartidas por España. Presentan un alto valor nutritivo. As ostras conteñen un elevado nivel de colesterol polo que persoas con problemas de hipercolesterolemia deben moderar o seu consumo. A ostra é rica en proteínas. Tamén son moi ricas en vitamina D, vitamina B12, ferro, iodo, selenio e cabe destacar a cantidade de cinc que é antioxidante e, ademais, é importante para a formación dos ósos e forma parte da insulina.

Paella de marisco

Plato Segundo prato

Ingredientes

Racións: 1 persona

10 g Aceite de oliva
15 g Agulla de tenreira
3 g Allo
65 g Arroz
35 g Berberecho
2 g Lura
5 g Cebola
50 g Cigala
5 g Gamba
10 g Chícharo
10 g Feixó
30 g Lombo de porco
45 g Mexillón
10 g Pemento vermello
60 g Polo
1 g Sal
15 g Tomate
20 g Viño branco

Instruccións

Sofritimos os ingredientes de xeito escalonado. Primeiro o pemento xunto co tomate, despois engadimos as carnes de tenreira e polo e seguidamente as luras. Finalmente, botamos os mexillóns e os berberechos previamente cocidos. Deixamos que se sofrita todo xunto 5 min máis. Engadimos ao rustrido o arroz xunto co sal e co colorante alimentario. Tras uns minutos, procedemos a bañar a mestura coa auga de cocción (preferiblemente usaremos aquela auga procedente de cocer os mexillóns e os berberechos). Unha vez que comece a ferver colocamos o marisco en forma de adorno enriba de todo o anteriormente dito. O prato estará listo tras 20 min a lume medio.

O protagonista principal deste prato é o arroz, boa fonte de carbohidratos e base ideal que combina perfectamente con outros alimentos. É moi doado de dixerir, xa que a diferenza doutros cereais carece dunha proteína chamada glute que ocasiona serios trastornos dixestivos nalgunhas persoas (enfermidade celíaca). Os mariscos que acompañan ao arroz proporcionan poucas graxas e estas presentan ácidos graxos omega 3 moi beneficiosos para a saúde cardiovascular. Tamén conteñen ferro, calcio e fósforo.

Pastel de castañas

Plato Postre

Ingredientes

Racións: 1 persona

39 g Azucre
0.5 g Canela
35 g Castaña
8 g Chocolate
5.5 g Clara de ovo
0 g Licor doce (Anís)
3 g Mel

Instruccións

Cocemos as castañas. Despois, coas castañas facemos un puré e engadímoslle o anís, o azucre, o mel e o chocolate relado. Cocemos a lume baixo. Vertemos o puré, unha vez temperado, sobre un molde de compota e dámoslle forma piramidal. Para rematar, botamos encima as claras de ovo batidas a punto de neve e esparexemos con azucre e canela.

As castañas foron parte da alimentación humana e dos animais domésticos desde tempos inmemoriais. Hoxe en día utilízanse para elaborar multitude de sobremesas. A castaña é o froito seco que menos contido graxo posúe. O seu constituínte principal son os hidratos de carbono, polo que son moi enerxéticas cando están secas, mentres que en fresco polo seu gran contido de auga, o seu valor calorífico é baixo. Destaca a presenza de potasio que favorece as persoas que sofren retención de líquidos e en ferro que axuda a previr a anemia. O seu alto contido en ácido fólico e antioxidantes convérteas nun alimento cardiosaudable.

Pastel de coliflor gratinada

Plato Primeiro prato

Ingredientes

Racións: 1 persona

100 g Coliflor
15 g Fariña
60 g Ovo
15 g Jamón de York
3 g Manteiga
15 g Nata
0.5 g Noz moscada
0.5 g Pementa negra
15 g Queixo emmental
0.5 g Sal

Instruccións

Limpar a coliflor, retíraselle a masa e ponse a cocer con auga e un pouco de sal durante 20 min. Derreter a manteiga nunha cazola, agregar a fariña e, despois, pouco a pouco, a nata sen deixar de remover. Engadir a noz moscada e a pementa. Bater os ovos e incorporalos á salsa xunto co xamón. Escorrer ben a coliflor, mesturala coa salsa e engadir o queixo cortado en anaquiños. Engraxar e forrar unha fonte redonda de forno e verter a mestura. Alisar a superficie e poñer no forno a 190 ºC, uns 40 min. Retirar do forno, deixar repousar un pouquiño e verter sobre unha fonte.

O coliflor contén moi poucas calorías e é unha boa fonte de fibra e vitamina C, beneficiosa para a vista, pel, oído e aparato respiratorio. En canto ao seu contido en minerais, destaca a presenza de potasio e fósforo. Por outro lado, o ovo que leva este pastel dános proteínas de moi alto valor biolóxico. O ovo é tamén unha fonte importante de minerais como o selenio, potasio, fósforo, iodo, cobre, manganeso, fluor e cinc. O queixo emmental que se engade proporciona unha elevada cantidade de proteínas necesarias para o desenvolvemento muscular. Tamén contén calcio, cinc e fósforo.

Noticias

Archivos