Noticias

Noticias y actualidad del Grupo Cuevas

Archivos

Nabos á crema

15 Xullo, 2015

Nabos á crema

Nabos á crema

Ingredientes

Racións: 1 persona

  • 5 g Aceite de oliva
  • 5 g Azucre
  • 10 g Caldo de verdura
  • 10 g Fécula de millo
  • 20 g Ovo
  • 5 g Manteiga
  • 83 g Nabo
  • 20 g Nata
  • 1 g Perexil

Instruccións

Cortamos os nabos en catro anacos e fervémolos durante polo menos 5 min. Tras isto, retirámolos e escorrémolos. Pasámolos por unha tixola con aceite e manteiga quente á vez que os esparexemos de sal e azucre. Metémolos, tras esta operación, nunha tarteira que conteña o caldo para cocelos, a lume lento, ata consumir o líquido. Engadimos ademais a nata neste paso. Mesturamos, á parte, o leite coas xemas dos ovos e coa fécula de millo, botámola mestura sobre os nabos e removemos ata conseguir espesar a salsa evitando que ferva.

O nabo xa se consumía na Idade Media. Apreciábano moito os gregos e os romanos. Contén gran cantidade de auga e fibra polo que é moi axeitado para incluír en dietas de adelgazamento. A presenza de xofre que contén é moi axeitada para persoas que padecen enfermidades dexenerativas. Contén vitamina C polo que ten poder antioxidante. A nata que se engade aos nabos proporciona graxas e calorías. Tamén ten unha gran cantidade de vitamina A que axuda á formación e ao mantemento de dentes sans e tecidos brandos e óseos, ademais das membranas, das mucosas e da pel.

Navallas

Navallas

Navallas

Ingredientes

Racións: 1 persona

  • 5 g Allo
  • 10 g Limón
  • 10 g Manteiga
  • 62 g Navalla
  • 5 g Perexil
  • 0.5 g Sal

Instruccións

Pasamos as navallas por unha tixola untada con manteiga. Rapidamente, sacámolas e aderezamos con limón, sal, perexil e allo.

Podemos atopar navallas ao longo do Atlántico e tamén no mar Mediterráneo. As que se atopan en fresco no mercado galego proceden das rías galegas. A súa carne é moi apreciada, sobre todo se se consome fresca. As navallas son uns moluscos cun contido moderado en proteínas. Conteñen moi pouca cantidade de graxas ao igual que outros moluscos. Resultan unha fonte modesta de vitaminas do grupo B, A e D. Ademais, destaca pola súa contribución de minerais, na que o fósforo que intervén na formación e no mantemento dos ósos e no desenvolvemento dos dentes; o ferro que axuda a combater anemias. Dentro das vitaminas destaca a B12 ou cobalamina cuxa cantidade é moi superior á diaria recomendada, e a súa carencia pode producir anemias e enfermidades intestinais e gástricas.

Nécora cocida

Nécora cocida

Nécora cocida

Ingredientes

Racións: 1 persona

  • 0.5 g Loureiro
  • 81 g Nécora
  • 0.5 g Sal

Instruccións

Cocer simplemente durante media hora as nécoras con loureiro e sal, retiralas e deixalas arrefriar antes de servir.

A nécora pódese atopar no Cantábrico e Galicia pero tamén en augas do Mediterráneo. A arte de pesca utilizada desde a antigüidade para capturar as nécoras son as nasas de nécora ou nasas de camarón que son gaiolas de madeira nas que se deposita un cebo como reclamo. A nécora é un crustáceo rico en proteínas que mostra un contido moi baixo de graxas. Destacan na súa composición principalmente vitaminas do grupo B e vitamina E. As primeiras regulan procesos como a formación de glóbulos vermellos e producen hormonas sexuais e síntese de material xenético. Mentres que a vitamina E, liposoluble, actúa como antioxidante. Os minerais que se atopan na súa carne son principalmente magnesio, sodio, potasio, iodo e fósforo.

Orellas de entroido

Orellas de entroido

Orellas de entroido

Ingredientes

Racións: 1 persona

  • 15 g Aceite de oliva
  • 2 g Azucre
  • 20 g Fariña
  • 5 g Ovo
  • 1 g Fermento
  • 4 g Licor doce (Anís)
  • 2 g Manteiga
  • 0 g Rela de limón
  • 1 g Sal

Instruccións

Batemos unha mestura de ovos, azucre e unhas gotas de anís. Mesturamos a fariña co fermento e amasamos un pouco. Despois facemos un oco no medio onde vertemos o batido anterior e ademais botaremos a auga prequentada e a manteiga en estado líquido. Unha vez amasada a mestura anterior, fraccionámola en anacos e estirámolos ben coa axuda dun rolo ou algún utensilio de cociña similar. Enfariñar a superficie de traballo para esta operación. Recortamos, en formas variadas, as tiras de masa resultantes. Fritimos en aceite abundante. Servimos con azucre por enriba, opcionalmente.

Este é unha sobremesa típica galega que se consome especificamente como o seu nome indica na época do Carnaval. O Carnaval ten a súa orixe en tempos ancestrais. Esta celebración estaba moi ligada á alimentación posto que se celebraba xusto antes de empezar a Coresma, período en que predomina o xaxún. O Carnaval era un xeito de consumir toda a carne de porco que se puidese antes de comezar a Coresma. A zona onde se celebran os carnavais con maior intensidade é a provincia de Ourense. Esta é unha sobremesa moi típica do seu carnaval. A orella de carnaval é unha masa frita, moi sinxela de preparar, que recibe o seu nome polo parecido con esa parte da anatomía.

Orella cocida

Orella cocida

Orella cocida

Ingredientes

Racións: 1 persona

  • 75 g Orella de porco
  • 3 g Pemento picante
  • 1 g Sal

Instruccións

Cocer, simplemente, a orella previamente lavada e desalgada durante a véspera. Presentala cortada en anacos, salpementada e cun chorro de aceite de oliva.

A orella de porco atópase englobada dentro dos produtos chamados miúdos. Os romanos, os bizantinos e os visigodos consideraban os produtos miúdos como carnes exquisitas. É moi frecuente encontrala como tapa en moitos lugares de España. A orella de porco presenta unha boa proporción de proteínas pero con calidade inferior a outras carnes. Caracterízase por ter unha alta porcentaxe de colesterol e textura cartilaxinosa tamén. A orella proporciona ferro, fósforo, cinc e vitaminas A e B12, pero contén gran cantidade de purinas relacionadas co aumento de ácido úrico no organismo polo que se desaconsella en persoas que padezan gota.