Medallóns de xamón de xabaril bañados

15 Xullo, 2015

Medallóns de xamón de xabaril bañados

Plato

Segundo prato

Ingredientes

Racións: 1 persona

15 g Aceite de oliva
4 g Azucre moreno
0.5 g Cravo
150 g Xabaril
5 g Mostaza
40 g Laranxa
0 g Rela de laranxa
0.5 g Romeu
0.5 g Sal
0.5 g Salvia
15 g Zume de laranxa

Instruccións

Macerar a véspera, na neveira, a carne cunha salsa previamente elaborada tras ferver o zume de laranxa, a rela de laranxa, o azucre, a mostaza, o cravo en po e as herbas (se se ten présa 1 h de maceración pode ser suficiente). Seguidamente, fritir a carne e, cando estea feita, engadir o líquido de maceración na tixola. Quentar a lume lento ata que reduza o líquido.

A tempada de caza de xabaril vai de mediados de outono a finais de inverno, época na que se consome esta carne magra. O seu contido proteico é elevado. O seu contido en calorías e colesterol é menor que o da carne de vacún e porco. A súa graxa é de boa calidade e, ademais, destaca o seu elevado contido en ácido oleico, aínda que tamén posúe cantidades apreciables dos ácidos graxos poliinsaturados linoleico e linolénico aos que se lles atribúen propiedades cardiosaudables. Contén vitaminas do grupo B, B12 e B9, que posúen propiedades antianémicas, reguladoras do metabolismo e con acción protectora cardiovascular, e tamén retinol e vitamina A. Destaca o seu elevado contido en calcio, ferro doadamente asimilable, magnesio, cinc e selenio. Este último é antioxidante.

Mexillóns en escabeche

Plato Primeiro prato

Ingredientes

Racións: 1 persona

20 g Aceite de oliva
5 g Allo
50 g Cebola
1 g Loureiro
30 g Limón
62.5 g Mexillón
0.20000000298023224 g Pemento doce
0.20000000298023224 g Pemento picante
1 g Pementa negra
1 g Sal
15 g Vinagre
20 g Viño branco

Instruccións

Preparamos o escabeche poñendo, brevemente, a ebulición unha mestura de allos fritos, loureiro, pementa en gran, viño branco e vinagre. Cociñamos ao vapor os mexillóns nunha cazola con cebola e cun limón en toros. Unha vez abertos e temperados, retiramos as valvas, vertemos o escabeche sobre os mexillóns e servimos.

O escabeche naceu como método de conservación dos alimentos. Trátase dunha herdanza árabe. O mexillón ten un baixo contido en graxas e, debido ao seu contido en ferro, é idóneo para previr a anemia. Contén ácidos graxos omega 3 para previr enfermidades cardiovasculares. Hai que destacar o seu alto contido en selenio, grande antioxidante que prevén a dexeneración celular, protexe contra enfermidades cutáneas e protexe o sistema cardiovascular.

Mexillóns en salsa

Plato Primeiro prato

Ingredientes

Racións: 1 persona

20 g Aceite de oliva
2 g Allo
2 g Azafrán
50 g Cebola
25 g Fariña
62.5 g Mexillón
5 g Perexil
1 g Sal
20 g Viño branco

Instruccións

Para a elaboración da salsa botamos nunha cazola un pouco de aceite, engadimos a cebola, o allo e o perexil, posteriormente, engadimos a fariña para conseguir que espese e o viño branco. Se a salsa resultante nos queda demasiado espesa podemos conseguir que quede máis líquida se engadimos máis viño ou a auga que nos quedase despois de cocer os mexillóns. Por último, engadimos o azafrán.

Galicia é o principal produtor mundial de mexillóns. Son innumerables as bateas ao longo de todas as rías galegas; entre elas destaca a ría de Arousa que é a que concentra unha maior produción de mexillóns xa que alí están tres de cada catro bateas das que hai en toda Galicia. O mexillón considérase, hoxe en día, un manxar que se pode cociñar de múltiples formas. O mexillón en salsa está presente en moitas ocasións enlatado, con multitude de salsas diferentes.

Mexillóns en vinagreta

Plato Primeiro prato

Ingredientes

Racións: 1 persona

20 g Aceite de oliva
50 g Cebola
62.5 g Mexillón
50 g Pemento vermello
1 g Sal
5 g Vinagre

Instruccións

Primeiro cócense os mexillóns ao vapor. Para a elaboración da salsa vinagreta mestúrase unha culler de vinagre por catro de aceite e emulsiónase ben. Toramos a cebola e o pemento vermello en anacos moi pequenos e mestúrase co vinagre e co aceite, déixase repousar e, finalmente, vértese a salsa sobre os mexillóns xa cocidos.

O mexillón é un bivalvo que vive nas tranquilas augas das rías, fixado ás rochas ou adherido ás cordas das bateas. As bateas trouxéronse probablemente de Francia, a mediados do século XX e enseguida se estendeu o seu uso polas rías galegas. Estas están presentes na ría de Arousa e, ademais, en todas as Rías Baixas; a súa presenza é menor na ría de Muros e Noia e na de Ares-Betanzos.

Mexillóns guisados

Plato Primeiro prato

Ingredientes

Racións: 1 persona

15 g Aceite de oliva
2 g Allo
50 g Cebola
62.5 g Mexillón
5 g Perexil
1 g Pemento doce
1 g Pemento picante
25 g Viño branco

Instruccións

Sofritimos na base dunha cazola cebola, despois introducimos os mexillóns cociñados ao vapor previamente. Por último, engadimos á mestura o perexil, o allo enteiro, o sal, o pemento doce e picante, un chorriño de viño e auga. Deixamos pasar uns minutos e retiramos do lume cando se alcance o punto óptimo da mestura.

É un prato lixeiro pero completo, polo tanto, é adecuado para incluír en dietas de adelgazamento. Os mexillóns apenas proporcionan calorías á nosa dieta, non obstante achégannos unha boa cantidade de minerais como o iodo que é indispensable para o bo funcionamento da glándula tiroide, axuda o crecemento, mellora a axilidade mental e queima o exceso de graxa. Tamén son fonte de ácidos graxos omega 3 polo que son apropiados para persoas hipertensas e con risco de padecer enfermidades cardiovasculares.

Noticias

Archivos