Refogado de polo á oriental

15 Xullo, 2015

Refogado de polo á oriental

Plato

Segundo prato

Información nutricional:

Kcal: 648,6
Proteínas: 40,9%
Hidratos de carbono: 14,8%
Lípidos: 44,3%

Ingredientes

150 g peituga polo
1/2 vaso (150 mL) caldo polo
50 g arroz
30 g cenoria
25 g pemento vermello
20 g cebola
2 dentes (10g) allo
5 g salsa soia
caiena
sal ao gusto

Instruccións

Tempo preparación: De 20 a 30 minutos

Cortar o polo en dados e deixar en adubo coa soia un par de horas. Nun "wok" ou tixola con aceite moi quente dourar o polo e reservar. Nese mesmo aceite refogar a caiena e hortalizas cortadas en tiras. Cando as hortalizas estean "al dente" engadir de novo o polo e quentar. Acompañar de arroz branco ó forno.

Vantaxes:
A carne de polo é boa fonte de proteínas, con aminoácidos esenciais de fácil dixestión. Caracterízase polo seu baixo contido en graxas, e a pouca que presenta prevén contra enfermidades cardiovasculares. Predominan vitaminas do grupo B, tales como a niacina, piridoxina, roboflavina tiamina ou ácido fólico. Tamén é rica en minerais como potasio, ferro e fósforo.

Arroz cremoso de setas

Plato Primeiro prato

Información nutricional:

Kcal: 547
Proteínas: 26,3%
Hidratos de carbono: 22,2%
Lípidos: 51,5%

Ingredientes

80 g arroz
100 g setas
1/2 vaso (150 mL) caldo carne
25 g cebola
10 mL nata
1 dente (5g) allo
5 g queixo relado
1 cullerada sopeira (10mL) aceite oliva
sal ao gusto

Instruccións

Tempo preparación: De 30 a 40 minutos

Refogar o allo e a cebola picados en aceite. Engadir as setas, deixando evaporar a auga. Incorporar o arroz e a continuación o caldo con sal en volume 2,5 veces máis que de arroz. Retirar ós 18 minutos e engadir a nata removendo lixeiramente. Cubrir con queixo relado.

Vantaxes:
O arroz é rico en hidratos de carbono, fundamentalmente amidón, contén vitaminas do grupo B, fósforo e potasio. O arroz é un alimento positivo para a prevención e mellora dalgunhas patoloxías como a hipertensión e a hipercolesterolemia, polo seu baixo contido en sodio. As setas conteñen un 90% de auga, hidratos de carbono e fibra, polo que se recomendan en dietas de adelgazamento. Son ricas en vitaminas do grupo B, potasio, fósforo, iodo, calcio, e outras substancias beneficiosas para o organismo.

Filete de rapante á galega

Plato Segundo prato

Información nutricional:

Kcal: 359,3
Proteínas: 30,4%
Hidratos de carbono: 28,5%
Lípidos: 41,0%

Ingredientes

150 g filete rapante
1 (100g) pataca
20 g chícharos
10 g cebola
2 dentes (10g) allo
3 culleradas (15mL) aceite oliva
sal ao gusto
pementón doce

Instruccións

Tempo preparación: De 20 a 30 minutos

Cocer en auga con loureiro e cebola, as patacas cortadas en rebandas grosas. Ós 8 min. engadir o peixe e cocer 5 minutos máis dependendo do grosor. Por separado, preparar unha salsa co aceite, allo e pementón. Servir o rapante enriba das patacas acompañado por chícharos cocidos á parte e a salsa por riba.

Vantaxes:
O rapante é un peixe branco de moi baixo contido graxo. Aporta proteínas dun elevado valor biolóxico, pero o seu contido neste nutriente é inferior ó da maioría de peixes. En relación ás vitaminas, destaca a presenza da B6 e B9. En canto ós minerais cabe destacar o contido de fósforo, potasio, magnesio e iodo, aínda que as súas cantidades non son moi elevadas comparándoas coas presentes noutras especies.

Lombo de porco á laranxa

Plato Segundo prato

Información nutricional:

Kcal: 902,1
Proteínas: 26,9%
Hidratos de carbono: 12,3%
Lípidos: 60,8%

Ingredientes

120 g lombo porco
1/2 vaso (120 mL) caldo carne
1 pequena (100g) laranxa
50 g puré pataca
50 mL leite desnatado
50 mL viño branco
10 g cenoria
10 g porro
10 g cebola
1 cullerada (5mL) licor Cointreau
5 g maicena
1 cullerada (5mL) aceite oliva suave
sal ao gusto

Instruccións

Tempo preparación: De 20 a 30 minutos

Colocar o lombo ou cinta de lombo nunha placa de forno e acompañar dunha bresa de hortalizas (ceboria, cebola, porro e anacos de laranxa). Introducir no forno e asar ata que estea tenro dando a volta á metade de cocción e engadindo viño branco. Retirar do forno e coar a salsa por un chinés engadindo caldo de carne. Ferver e engadir un chorriño de licor e espesar con maicena se fose necesario. Acompañar con puré de pataca e cubrir coa salsa.

Vantaxes:
A carne de porco contén todas as substancias minerais esenciais para o organismo (excepto o calcio). Destaca o seu aporte de ferro hemo, facilmente absorbible. A carne de porco non aporta vitaminas liposolubles, fóra das vísceras como o fígado, rico en vitamina A e D. Si contén vitaminas do complexo B, excepto o ácido fólico.

Inconvenientes:
O porco dixírese con bastante máis dificultade que outras carnes, sendo o seu consumo pouco adecuado para nenos e persoas maiores. Tampouco se aconsella para hipertensos e para persoas con exceso de colesterol. Polo seu elevado índice de graxa aconséllase un consumo prudente e medido.

Crema de champiñóns

Plato Primeiro prato

Información nutricional:

Kcal: 230,8
Proteínas: 13,0%
Hidratos de carbono: 45,8%
Lípidos: 41,2%

Ingredientes

100 g champiñóns
1/2 vaso (100 mL) auga
1/2 vaso (100mL) leite desnatado
75 g pataca
35 g porro
1 cullerada sopeira (10mL) aceite oliva
ceboliño
sal ao gusto

Instruccións

Tempo preparación: De 30 a 40 minutos

Refogar en aceite o porro e a pataca en láminas sen que tome cor. Engadir o leite e a auga deixando cocer 15 min. Triturar e pasar por chinés. Dar punto de sal e cubrir coa ceboliña.

Vantaxes:
O champiñón é un dos fungos máis consumidos debido ás súas propiedades remineralizantes e organolépticas. Non presenta un gran contido en minerais, pero si presenta unha gran variedade dos mesmos. Contén, ademais, pequenas cantidades de vitamina A, C, D e B1. O contido calórico deste alimento é baixo, sendo moi adecuado en dietas depurativas ou para perder peso. O seu aporte de fibra non soluble favorece un efecto saciante. Aporta un contido en graxas moi baixo sendo estas moi saudables (ácido linoleico). E o seu contido en selenio confírelle un efecto antioxidante.

Noticias

Archivos