Lebre á cazadora

15 Xullo, 2015

Lebre á cazadora

Plato

Segundo prato

Ingredientes

Racións: 1 persona

10 g Aceite de oliva
0.5 g Azafrán
50 g Cebola
6 g Fariña
150 g Lebre
120 g Pataca
0.5 g Pemento picante
30 g Pemento verde
0.5 g Sal
30 g Tomate

Instruccións

Extraemos da peza o fígado, rebozámolo en azafrán e fariña e desfacémolo coa axuda dun garfo, ou calquera outro utensilio de cociña, formando unha pasta e reservamos. O resto da peza torámola e dourámola xunto co tomate, coa cebola, co pemento e acompañámola cunha folliña de loureiro. Despois duns minutos, bótaselle o pemento e a fariña torrada. Tras a mestura vertemos a auga e cocemos. Parta da auga da cocción engadímola, ao final, á pasta de fígado que engadiremos ao guiso proporcionándolle así un sabor característico á perdiz e ás patacas, que aínda que estas se precociñan á parte, xusto neste momento incorporámolas ao guiso.

A lebre está dentro do grupo de caza de pelo. A mellor época para a lebre é o outono e a principios do inverno, cando está permitida a caza. Ten a carne rosada e trátase dunha carne magra e branda, polo que a lebre presenta un contido baixo en calorías. Este prato de lebre á cazadora é unha receita típica castelá e úsase como gornición unhas porcións de pan frito.

Lombo de porco ao azafrán

Plato Segundo prato

Ingredientes

Racións: 1 persona

10 g Aceite de oliva
1 g Azafrán
50 g Cebola
1 g Loureiro
120 g Lombo de porco
90 g Pataca
0.5 g Sal
20 g Viño branco

Instruccións

Douramos o lombo de porco cortado en anacos pequenos, previamente adobado con sal e allo en po. Reservamos o lombo de porco e, no aceite sobrante, fritimos a cebola ben picada. Pelamos e cortamos as patacas en anacos pequenos e fritímolas. Engadimos ao lombo de porco unha folla de loureiro, o viño e o azafrán e mesturámolo todo. Botámoslle as patacas e deixamos facer ata que perda parte do líquido e nos quede a salsa.

O lombo de porco polo seu baixo contido graxo considérase unha carne magra polo que é adecuado para incluír en dietas de adelgazamento que requiran cantidades de proteínas. É rico en vitamina B1. É recomendable en períodos de embarazo ou de convalecencia, xa que hai maior desgaste desta vitamina. Cabe destacar o seu contido en antioxidantes e ácidos graxos omega 3 polo que axuda a previr enfermidades cardiovasculares. As patacas proporcionan enerxía ao prato grazas aos seus hidratos de carbono e debido ao nivel de potasio que teñen. Son beneficiosas en casos de hipertensión arterial. Tamén destaca o seu contido en fósforo que intervén na formación e no mantemento dos ósos e no desenvolvemento dos dentes e en magnesio que favorece a relaxación, por iso se recomenda en tratamentos de estrés e depresión.

Lombo de corzo á prancha

Plato Segundo prato

Ingredientes

Racións: 1 persona

10 g Aceite de oliva
140 g Corzo
120 g Pataca

Instruccións

Maceramos, unicamente en aceite, os medallóns de lombo non moi grosos. Unha hora e media despois botámolos na prancha quente. Recoméndase non salgar antes desta operación senón facelo ao darlle a volta aos medallóns.

O corzo cázase nas zonas montañosas, sobre todo na provincia de Ourense e Lugo, xa que no resto de Galicia a súa presenza diminúe. A época de caza vai desde outubro ata xaneiro. A carne de corzo é magra polo que a súa cantidade de calorías é baixa; non obstante, contén cantidades elevadas de colesterol. Contén ferro e fósforo e importantes cantidades de magnesio e potasio. É un alimento especialmente indicado para as persoas que padecen anemia.

Lombo de tenreira

Plato Segundo prato

Ingredientes

Racións: 1 persona

9 g Aceite de oliva
2 g Allo
50 g Chícharo
10 g Limón
160 g Lombo de tenreira
5 g Manteiga
100 g Pataca
1 g Pemento doce
1 g Sal
20 g Viño branco

Instruccións

Refregar o lombo cun adobo previamente preparado con allo, pemento, sal, zume de limón e aceite. Asar o lombo así preparado tras engadir na fonte un pouco de manteiga, as patacas previamente douradas na tixola (sen que se cheguen a facer de todo) e un chorro xeneroso de viño branco (que se repetirá se se seca en exceso). O prato complétase tras incorporar, pouco antes de retirar do forno, os chícharos fervidos.

O lombo de tenreira contén unha alta cantidade de cinc que combate a fatiga e axuda no proceso de crecemento. Destaca o seu contido en vitamina B6, o que o fai moi recomendable en casos de diabete, depresión e asma. A vitamina B5 axuda a reducir o colesterol, ademais de ser adecuada para combater o estrés. A pataca posúe hidratos de carbono e vitamina C. Os chícharos, pola súa banda, posúen un elevado valor en proteínas, hidratos de carbono e graxas, polo que son moi enerxéticos. Son unha boa fonte de fibra, o que fai que produzan sensación de saciedade, e posúen ferro que prevén a anemia.

Robaliza con escamas douradas

Plato Segundo prato

Ingredientes

Racións: 1 persona

15 g Aceite de oliva
5 g Allo
180 g Robaliza
1 g Manteiga
100 g Pataca
1 g Perexil
0.5 g Pementa branca
1 g Sal
10 g Viño fino (Xerez, Manzanilla)

Instruccións

Filetear a robaliza separando os lombos da cabeza, das espiñas e da cola. Preparar un caldo limpo de peixe cocendo as partes do peixe que separamos cun pouco de cebola, cunha folla de loureiro, cun pouco de viño fino e cun pouco de sal. Pasar o caldo de peixe por un coador. Fritir, parcialmente, a pataca en toros tras engadir á tixola uns allos para que tome sabor a pataca. Dispoñer nunha fonte de asar, untada en manteiga, os lombos de robaliza, lixeiramente salgados, coa pel cara á fonte. Despois, cubrilos completamente coas patacas case fritidas ordenadas coma se se tratase das escamas. Por último, engadir ao conxunto o caldo limpo de peixe e asar ata que as patacas estean ben douradas.

A robaliza é un peixe moi apreciado polo seu suave sabor e as súas escasas espiñas. Ten un contido en graxa baixo polo que se pode considerar un peixe magro. Constitúe unha fonte importante de minerais como o ferro (en menor contido que na carne), cinc e fósforo. En canto a vitaminas, destaca o contido en vitamina B3 ou niacina que participa no metabolismo dos hidratos de carbono, lípidos e proteínas. A pataca destaca polo seu alto contido en hidratos de carbono, minerais como o potasio e a auga. Os hidratos de carbono son de absorción moi lenta o que provoca maior sensación de saciedade no noso organismo e atribúe unha gran cantidade de enerxía.

Noticias

Archivos