Noticias

Noticias y actualidad del Grupo Cuevas

Archivos

Lacón asado

15 Xullo, 2015

Lacón asado

Lacón asado

Ingredientes

Racións: 1 persona

  • 10 g Aceite de oliva
  • 5 g Allo
  • 200 g Lacón
  • 3 g Ourego
  • 100 g Pataca
  • 5 g Pemento doce
  • 20 g Viño branco

Instruccións

Elabórase un adobo para cubrir o lacón composto de allos picados, ourego, sal, pemento doce e aceite. Co fin de que o lacón se impregne mellor deste adobo fánselle unhas perforacións ata o nivel do óso. Despois déixase repousar unhas horas e métese no forno prequentado, déixase asar durante unha hora. Cando pase media hora de asado engádeselle un vaso de viño branco.

É un prato venerado en toda Galicia pero o lacón de Lugo entra na categoría de excepcional. Esta pata dianteira do porco ten, na actualidade, indicación xeográfica protexida en Galicia pero xa na antigüidade se consideraba un manxar que se reservaba para ocasións especiais. O lacón asado, polo xeral, sérvese en rebandas e con patacas, e goza da apreciación popular.

Lacón con grelos

Lacón con grelos

Lacón con grelos

Ingredientes

Racións: 1 persona

  • 65 g Chourizo
  • 70 g Grelo
  • 120 g Lacón
  • 115 g Pataca

Instruccións

Cocer o lacón previamente desalgado en auga abundante. Nesa mesma auga, unha vez retirado o lacón, cócense as patacas, os grelos e o chourizo.

O consumo de lacón tivo grande arraigamento en Galicia. No inicio, este prato consumíase durante o Carnaval xa que é a época dos grelos. Na actualidade, consómese durante todo o inverno, desde novembro ata febreiro, pero estivo moi ligado en moitas zonas de Galicia a datas moi especiais como o día de Noiteboa ou o domingo de Carnaval.

Lamprea ao estilo da miña avoa

Lamprea ao estilo da miña avoa

Lamprea ao estilo da miña avoa

Ingredientes

Racións: 1 persona

  • 10 g Aceite de oliva
  • 5 g Allo
  • 0.5 g Canela
  • 50 g Cebola
  • 0.5 g Cravo
  • 150 g Lamprea
  • 50 g Pan
  • 20 g Pan relado
  • 1 g Perexil
  • 0.5 g Pementa branca
  • 0.5 g Sal
  • 20 g Zume de laranxa

Instruccións

Ao cortar a lamprea reservamos o sangue. Nunha tarteira, ponse a lamprea xunto co seu propio sangue, ademais da cebola, dos allos, do perexil, da pementa, do cravo, do pan relado, do zume de laranxa e do aceite. Cociñámolo a lume lento e, una vez feito, sérvese en fonte de barro con torradas de pan feitas no forno.

A lamprea adoita remontar os ríos para desovar, momento no que se produce a súa captura. En tempos pasados, un tanto por cento moi importante da lamprea que se capturaba consumíase seca, é dicir, curada, acompañada de verdura e incorporada mesmo ao cocido. O resto da lamprea consumíase guisada. A receita evolucionou cociñándoa co seu sangue, cebola, perexil e viño tinto e hoxe é un dos pratos característicos de Galicia, desde decembro a marzo.

Lagosta cocida

Lagosta cocida

Lagosta cocida

Ingredientes

Racións: 1 persona

  • 10 g Aceite de oliva
  • 30 g Cebola
  • 127.6500015258789 g Lagosta
  • 1 g Loureiro
  • 30 g Pemento vermello
  • 1 g Sal
  • 10 g Vinagre

Instruccións

Retiramos da peza as patas, a cola e a cabeza e cocemos en auga, preferiblemente de mar, segundo o peso. A relación tempo/peso é a seguinte: 20 min/kg de exemplar.

No século XV, o valor que se lle daba á lagosta en Galicia era moi baixo. Podémola atopar ao longo de toda a costa galega, desde a mariña lucense ata A Guarda en Pontevedra, aínda que as máis grandes son as das Rías baixas. A lagosta ten unha carne tersa e preta. Antigamente comíase cocida, por iso era pouco valorada, pero coa introdución en Galicia das salsas e das maionesas empezouse a preparar deste xeito nas casas señoriais e burguesas.

Lagostinos cocidos con maionesa

Lagostinos cocidos con maionesa

Lagostinos cocidos con maionesa

Ingredientes

Racións: 1 persona

  • 80 g Lagostino
  • 0.5 g Loureiro
  • 20 g Maionesa
  • 0.5 g Sal

Instruccións

Nunha cazola botamos auga, loureiro e sal e deixamos que rompa a ferver. Cando ferva a auga botamos os lagostinos. Deixámolos cocer 15 ou 20 min.

Os lagostinos presentan un baixo contido en graxas e calorías pero teñen unha cantidade considerable de colesterol, como acontece coa maioría dos crustáceos, polo que as persoas que sofren hipercolesterolemia deben consumilo ocasionalmente. Son ricos en sales minerais, especialmente ferro, cinc, potasio e iodo. Presentan unha elevada cantidade de purinas polo que non son aconsellables en persoas que sofren gota. Dada a súa alta cantidade de proteínas, os lagostinos son un alimento que se recomenda especialmente para o desenvolvemento muscular sobre todo durante a infancia, a adolescencia e o embarazo.