Garavanzos con chourizo

15 Xullo, 2015

Garavanzos con chourizo

Plato

Primeiro prato

Ingredientes

Racións: 1 persona

5 g Aceite de oliva
5 g Allo
20 g Cebola
30 g Chourizo
45 g Garavanzo
1 g Loureiro
20 g Pataca
1 g Pemento doce
5 g Touciño

Instruccións

Botamos os garavanzos nunha cazola e, cando a auga empece a ferver, engadimos tamén unha folla de loureiro, o chourizo torado e un anaco de touciño. Preparamos un refrito composto de aceite, pemento doce, cebola e allo e engadímolo á cazola dos garavanzos, un pouco antes de que estes se rematen de cocer.

O consumo do garavanzo remóntase á prehistoria. O valor de calorías do garavanzo é maior que o resto da media dos legumes. Ten un alto valor nutritivo e axuda a reducir o colesterol. É unha boa fonte de hidratos de carbono, o que proporciona enerxía e ao ser de asimilación lenta fai que alivien a sensación de fame durante máis tempo. Por outra banda, o chourizo ten un elevado contido graxo e case non contén hidratos de carbono. Destaca pola súa contribución de sodio polo que non é adecuado para persoas que sofren hipertensión e enfermidades cardiovasculares.

Rapante fritido

Plato Segundo prato

Ingredientes

Racións: 1 persona

25 g Aceite de oliva
145.60000610351562 g Rapante
10 g Fariña
95 g Pataca
1 g Sal

Instruccións

Rebozar o rapante en fariña e fritir nunha tixola aceite abundante. Servir o peixe acompañado cunhas patacas cocidas previamente.

O rapante é un peixe de forma plana, branco e moi saboroso. Hai dous tipos de rapantes: o rapante do norte que é propio das augas atlánticas e o rapante de catro manchas que é común do mar Mediterráneo. É un peixe con baixo contido en graxa. Destaca o seu contido en fósforo e selenio cuxa cantidade case chega á metade diaria recomendada. En canto ás vitaminas, destaca a B12, desta contén máis da metade da cantidade diaria recomendada. Esta vitamina non está presente nos vexetais polo que é un peixe moi recomendado para vexetarianos.

Garavanzos de mar

Plato Primeiro prato

Ingredientes

Racións: 1 persona

5 g Aceite de oliva
40 g Lura
7 g Caldo de peixe
30 g Cebola
30 g Gamba
60 g Garavanzo
30 g Paus de cangrexo
1 g Perexil
0.20000000298023224 g Sal
50 g Tomate
9 g Viño branco

Instruccións

Faise o sofrito co tomate, a cebola picada, as pastillas de caldo de peixe e un chorro de viño. Engádense as luras, o cangrexo, as gambas e bótase un chisco de sal. Déixase cocer a lume lento, 20 min. Engádense os garavanzos e remóvese todo ben. Cócese, a lume lento, outros 20 min e déixase repousar uns minutos antes de servir.

Os garavanzos teñen un alto contido en fibra o que axuda a evitar o estrinximento e a reducir o colesterol. Tamén contén hidratos de carbono de asimilación lenta, o que fai que proporcione sensación de saciedade durante máis tempo e beneficia a persoas diabéticas. Son unha fonte de ferro, calcio e magnesio e o seu alto contido proteico compárase ao das carnes e peixes. As luras que acompañan os garavanzos teñen un alto nivel de colesterol que unido ao seu contido de sodio non os fai moi recomendables para persoas con hipercolesterolemia. Son fonte de proteínas de alto valor biolóxico. As gambas son ricas en fósforo, sodio e iodo pero polo seu nivel de colesterol tampouco as deberían consumir con frecuencia persoas con gota ou hipercolesterolemia.

Sopa fría de lumbrigante

Plato Primeiro prato

Ingredientes

Racións: 1 persona

5 g Aceite de oliva
5 g Allo
30 g Lumbrigante
40 g Cabaciña
59 g Cebola
60 g Pan
0.5 g Pementa negra
20 g Pemento verde
0.5 g Sal
60 g Tomate
10 g Vinagre

Instruccións

Poñemos a cocer o lumbrigante, nunha tarteira con auga, durante 10 min unha vez que ferva auga. Tras arrefriar, extraemos toda a carne do animal, as cascas fervémolas para facer un caldo que despois empregaremos para empapar algo de pan. Á parte, metemos no batedor os tomates, a cabaciña, a cebola, o pemento e o allo. Pódeselle engadir tamén aceite e o pan remollado. Bótase sal e vinagre. Déixase repousar unhas horas e vólvese a bater. Unha vez feito isto, e deixándoo repousar unhas horas máis, picamos a carne do lumbrigante e servimos frío.

O nivel de graxas do lumbrigante é moi baixo pero pola contra o nivel de colesterol que presenta é elevado, como acontece co resto de crustáceos. Destaca a súa cantidade de iodo, necesario para a síntese das hormonas tiroideas. Tamén destaca a presenza da vitamina B5 que axuda a reducir o nivel de colesterol e, tamén, axuda a combater o estrés. Polo contido en purinas do lumbrigante desaconséllase o seu consumo en persoas que sofren gota. Tamén é rico en sodio, polo que non é adecuado para persoas hipertensas. Pola súa parte, o tomate, polo seu contido en licopenos, é un bo antioxidante, evitando o envellecemento. O seu contido en calorías é moi baixo. É moi rico en potasio, mineral necesario para a transmisión e xeración do impulso nervioso e para unha normal actividade muscular.

Grelos refogados

Plato Primeiro prato

Ingredientes

Racións: 1 persona

10 g Aceite de oliva
2.5 g Allo
25 g Chourizo
125 g Grelo
6 g Manteiga
0.5 g Sal

Instruccións

Cocemos os grelos en auga e manteiga. Reservamos. Á parte, douramos, nunha tixola, os allos co chourizo para, logo, engadir os grelos cocidos. Removemos todo xunto e servimos.

Os grelos presentan un baixo contido en calorías polo que son adecuados para incluír en dietas de adelgazamento. Son ricos en ácido fólico e vitaminas C e K, esta última liposoluble intervén no proceso de coagulación do sangue. Tamén son boa fonte de vitamina A que prevén enfermidades nos ollos, fortalece o sistema inmunitario e ten propiedades anticancerosas. En canto ao chourizo que acompaña aos grelos ten un contido en calorías elevado polas graxas que contén e, ademais, contén proteínas e sodio polo que non é aconsellable para persoas hipertensas.

Noticias

Archivos