Filloa con recheo de crema

15 Xullo, 2015

Filloa con recheo de crema

Plato

Postre

Ingredientes

Racións: 1 persona

2 g Azucre
10 g Fariña
2 g Fariña de millo
10 g Ovo
15 g Leite
10 g Leite desnatado
0 g Rela de limón
5 g Xema de ovo

Instruccións

Mestúrase o ovo co azucre, engadindo a fariña, posteriormente, e procurando unha completa disolución desta. Vertemos o leite sobre o conxunto. Unha vez homoxeneizada a mestura, lévase á tixola, xa quente, cun chisco de aceite. Ao rematar, unha vez formada a filloa, énchese con crema.

A filloa con recheo de crema está, hoxe en día, dentro da categoría das sobremesas pero na antigüidade era un alimento principal para a familia. A filloa estaba feita con sangue do porco da matanza pero tamén había unha variedade que se facía con fariña de cereal, que podía ser de millo nas bisbarras nas que predominaba este cereal ou de trigo que era máis habitual nas bisbarras do interior de Galicia.

Fritadas de bacallau

Plato Primeiro prato

Ingredientes

Racións: 1 persona

10 g Aceite de oliva
80 g Bacallau fresco sen sal
35 g Fariña de trigo
32.5 g Ovo

Instruccións

Fervemos o peixe en auga e, unha vez fervido, desfacémolo coas mans ou coa axuda dun garfo para obter unha pasta. Á parte, batemos as xemas dos ovos e mesturámolas con fariña. Despois, xuntamos esta masa coa pasta de bacallau e engadímoslle as claras dos ovos, previamente batidas a punto de neve. Fritimos a masa resultante en aceite quente.

O bacallau é un peixe que presenta un baixo contido graxo polo tanto, un baixo nivel de calorías, pero nesta receita estes niveis aumentan pola fritura. É unha fonte de proteínas de alto valor biolóxico doadas de dixerir, e, ademais, as espiñas son doadas de retirar. Entre os minerais que contén destaca a presenza de potasio que é un mineral necesario para o bo funcionamento do sistema nervioso e a actividade muscular. Tamén contén fósforo que está presente en ósos e dentes. Intervén no sistema nervioso e na actividade muscular, e participa en procesos de obtención de enerxía.

Galiña ao sal

Plato Segundo prato

Ingredientes

Racións: 1 persona

10 g Aceite de oliva
140 g Galiña
90 g Pataca
60 g Pemento verde
2 g Sal

Instruccións

A preparación deste prato é moi sinxela, consiste simplemente en asar directamente a galiña cuberta, na súa totalidade, por unha capa de sal no forno a alta temperatura. Cunha hora adoita ser suficiente. Unha vez asada a galiña e, tras retirar todo o sal, sérvese nunha fonte. Utilizar de gornición unhas patacas previamente cocidas e uns pementos fritidos.

A galiña provén dunha especie silvestre do galo que pertencía ao subcontinente Indio. Introduciuse en Galicia. Nun principio, non se consideraba unha ave de curral senón un animal exótico. A carne de galiña é rica en proteínas. Trátase dunha carne magra polo que o seu contido en graxa é baixo, e a maior parte desta está na pel. Presenta un alto nivel de colesterol. En canto aos minerais é rica en cinc que intervén na función inmunitaria, e ferro que intervén na formación da hemoglobina e dos glóbulos vermellos, así como tamén na actividade encimática do organismo.

Galiña estufada con noces

Plato Segundo prato

Ingredientes

Racións: 1 persona

5 g Aceite de oliva
5 g Allo
50 g Cebola
130 g Galiña
1 g Loureiro
25 g Noz
90 g Pataca
1 g Perexil
30 g Viño branco
20 g Xema de ovo

Instruccións

Unha vez torada a galiña, fritímola lixeiramente nunha cazola xunto cos allos, coa cebola e cun pouco de aceite. Despois, engadimos un chorro de viño branco e loureiro, baixamos a lume suave e deixamos durante 2 h. Preparamos un adobo con cebola, allo, noces, perexil torado e xemas de ovo, cando falte un cuarto de hora para que se cumpran as 2 h de cocción lenta da galiña engadimos este adobo e deixamos 15 min e xa está lista para servir.

A galiña é a femia adulta do galo. A súa carne é graxa e fibrosa e é habitual preparar caldos e sopas con ela. Antigamente, cando a comida escaseaba, preparábanse as patas e as cristas acompañadas de salsas. A composición da galiña é moi similar á do polo. Cando se prepara sen pel convértese nunha carne magra xa que gran parte da graxa está nela polo que se fai axeitada para dietas hipocalóricas. Cabe destacar que o seu contido en colesterol é aproximadamente o dobre que a carne de porco ou vaca. É fonte de ferro, fósforo, cinc e potasio. Entre as vitaminas contén as do grupo B.

Galo de Vila de Cruces

Plato Segundo prato

Ingredientes

Racións: 1 persona

10 g Aceite de oliva
5 g Allo
40 g Caldo de polo
0 g Colorante
180 g Galo
120 g Pataca
1 g Perexil
40 g Pemento vermello
40 g Pemento verde
1 g Sal
40 g Viño branco

Instruccións

Primeiro cortamos o galo en toros, despois deixarémolo permanecer polo menos un día en adobo con viño branco, cebola, perexil, allo, sal e aceite de oliva. Durante outras dúas horas cocerémolo a lume lento nunha cazola de barro bañado en caldo, viño branco, aceite, pementos vermello e verde, cebola e allo.

O galo desta vila pontevedresa críase en condicións de semiliberdade no curral, desta forma quérese conseguir que se críe como antigamente nas casas campesiñas. Esta forma de cría, imitando á de antano, consiste en que se alimenta sobre todo con cereais, sen ningún tipo aditivos, ao aire libre. Isto fai que a súa carne sexa moi apreciada e conteña moi pouca graxa. Consómese nas grandes celebracións, como a do Nadal.

Noticias

Archivos