Dourada á prancha

15 Xullo, 2015

Dourada á prancha

Plato

Segundo prato

Ingredientes

Racións: 1 persona

5 g Aceite de oliva
5 g Allo
140 g Dourada
1 g Chile
100 g Pataca
3 g Perexil
0.5 g Sal
3 g Vinagre

Instruccións

Salgamos a dourada e, coa pel cara a arriba primeiro, estendémola sobre unha prancha. Lista a dourada encherémola cun chorriño de vinagre. Mentres, douramos nunha tixola con aceite un pouquiño de chile e allo para botar sobre a peza. Engadiremos, ademais, un pouco de perexil para condimentar de xeito máis completo o prato.

A dourada recibe este nome porque ten unha raia dourada entre os ollos. Cando se trata de peixe de piscifactoría, como é a maioría que atopamos nos mercados, convértese nunha raia gris ou negra. É un peixe de carne branca e firme e considérase exquisita. Pódese cociñar de múltiples formas pero á prancha é un sinxelo e rápido xeito.

Doce de leite

Plato Postre

Ingredientes

Racións: 1 persona

30 g Azucre
0.5 g Canela
7 g Galleta
30 g Leite

Instruccións

Cocemos lentamente o leite co azucre e coa canela ata alcanzar unha cor e unha textura consistente. Temperamos e servimos xunto con galletas para completar o prato.

A orixe desta sobremesa sitúase en Arxentina ou Uruguai, onde é bastante típico. Introducírono en España os emigrantes. É unha sobremesa bastante sinxela de elaborar e, ademais, moi versátil xa que se usa de moitas maneiras. O compoñente principal desta sobremesa é o leite, o azucre, o bicarbonato de sodio e a esencia de vainilla para intensificar o seu sabor. O leite posúe principalmente hidratos de carbono e proteínas de moi boa calidade, ademais de calcio. Débese de consumir con moderación xa que contén colesterol e graxas. Non é moi recomendable para persoas obesas, con sobrepeso ou trastornos lipidémicos, así como triglicéridos e colesterol alto.

Empanada de xoubas

Plato Segundo prato

Ingredientes

Racións: 1 persona

10 g Aceite de oliva
25 g Cebola
55 g Fariña
15 g Ovo
7 g Fermento
25 g Pemento vermello
1 g Sal
50 g Xouba

Instruccións

Recheo: prepárase o recheo da empanada facendo un guiso en aceite cos pementos, coa cebola cortados en xuliana e coas xoubas cortadas. Masa: prepárase co aceite sobrante de guisar o recheo (100 cc), co fermento de panadaría, 125 cc de leite morno, 125 cc de auga morna, 350 g de fariña e sal. Trabállase a masa coas varas ata que se despegue da cunca que se estea a usar e despois, manualmente, durante 10 min. Déixase repousar, media hora, e estírase en dúas partes co rolo. Colócase a metade da masa sobre unha fonte de forno engraxada. Pícase a masa cun garfo e esténdese sobre ela o recheo. Cóbrese coa outra metade da masa, que tamén se pica cun garfo e se lle fai un burato no medio, a xeito de cheminea. Sélanse as dúas partes, adórnase con restos da masa e enfórnase durante media hora a 180 ºC.

É moi habitual atopar ao longo de toda Galicia multitude de pratos onde estas pequenas sardiñas son as protagonistas. Trátase dun peixe azul que contén ácidos graxos omega 3 que reducen os niveis de colesterol. Presentan un alto contido en auga. A sardiña é tamén unha boa fonte de nutrientes, especialmente de vitaminas A, D e calcio. A dixestión e a utilización metabólica é moi boa. Está desaconsellada para persoas que padezan gota polo seu contido en purinas.

Empanada de bacallau

Plato Segundo prato

Ingredientes

Racións: 1 persona

15 g Aceite de oliva
50 g Bacallau fresco
30 g Cebola
55 g Fariña
15 g Ovo
7 g Fermento
25 g Pemento vermello

Instruccións

Douramos nunha tixola con aceite o bacallau esmiuzado, a cebola e o pemento cortados en xuliana. Reservamos o aceite para utilizar na elaboración da masa. Para facer a masa botamos nunha cunca grande sen asas a fariña, facemos un oco no centro ao que lle engadiremos a auga morna, o sal, o fermento e o aceite reservado do recheo. Amasamos ben todo ata que se despegue das mans. Deixamos repousar un anaco para que colla volume e volvemos amasar. Metemos o recheo na masa e enfornamos 30 min a 180 ºC.

Esta sinxela empanada era habitual nos días de Coresma e tamén en Semana Santa en Galicia. O valor de calorías desta empanada é elevado polo que a deben consumir con moderación as persoas que seguen dietas de adelgazamento. O bacallau destaca pola súa alta cantidade de proteínas e é rico en calcio, polo que é un alimento óptimo para o crecemento que fortalece os ósos e prevén a osteoporose. Tamén é rico en fósforo que é necesario para o bo funcionamento do cerebro. Tamén posúe potasio que facilita a eliminación de líquidos e beneficia as persoas hipertensas, ademais de iodo que é necesario para o bo funcionamento da glándula tiroide. De maneira adicional, proporciona vitaminas do grupo B e liposolubles.

Empanada de bonito

Plato Segundo prato

Ingredientes

Racións: 1 persona

15 g Aceite de oliva
50 g Bonito
25 g Cebola
55 g Fariña
15 g Ovo
7 g Fermento
25 g Pemento vermello
1 g Sal

Instruccións

Douramos en aceite o bonito cortado en cachos (se se trata de bonito en conserva engadímolo á hora de encher a empanada unha vez feita a masa), a cebola e os pementos picados en xuliana. Para elaborar a masa mesturamos o fermento, a auga morna, a fariña, o sal, o leite morno e o aceite no que douramos o recheo. Amasamos ben ata que se desprenda con facilidade das mans. Introdúcese o recheo na masa e métese ao forno 30 min a 180 ºC.

Esta é unha das empanadas máis elaboradas, coñecidas e consumidas de Galicia. O contido de calorías desta empanada é elevado polo que se debe consumir con moderación por persoas que seguen dietas de adelgazamento. O bonito destaca pola alta cantidade de proteínas que contén, polo que é adecuado o seu consumo durante a infancia, a adolescencia e o embarazo. Nestas etapas é necesaria unha proporción maior deste nutriente. O alto contido de vitamina B3 do bonito fai que sexa un alimento beneficioso para o sistema circulatorio e, ademais, pode axudar a reducir o colesterol. O bonito, pola súa elevada cantidade de vitamina E, ten propiedades antioxidantes.

Noticias

Archivos