Crema fría de nécoras

15 Xullo, 2015

Crema fría de nécoras

Plato

Primeiro prato

Ingredientes

Racións: 1 persona

2 g Aceite de oliva
5 g Allo
30 g Arroz
0.20000000298023224 g Azafrán
5 g Caldo de peixe
3 g Manteiga
30 g Nécora
50 g Pataca
0.20000000298023224 g Pementa negra
30 g Porro
30 g Tomate
15 g Viño branco

Instruccións

Cocer as nécoras no caldo de peixe. Escorrer, separar a carne de corpos e patas e reservala. Ferver o caldo coas cascas e cos restos das nécoras, xunto coa pataca torada, os porros, previamente salteados con manteiga, o tomate, o aceite de oliva, o allo picado, o azafrán, o viño branco, a manteiga, a pementa moída e o arroz. Deixar que coza, durante 20 min, a lume vivo. Pasar pola trituradora. Poñer a lume medio e incorporar a crema de leite; deixar uns minutos máis ata obter unha consistencia cremosa. Rectificar de sal. Deixar que se arrefríe, bater de novo e gardar no frigorífico. Ao servir, mesturar coa carne de nécora esmigallada.

As nécoras teñen un contido baixo de graxas. A súa contribución proteica é elevada, e ao igual que acontece con outros mariscos e o de purinas tamén. As persoas con problemas de gota deben evitar o seu consumo. O tomate é un grande antioxidante polo seu contido en vitamina C e tamén é rico en cobre e potasio o que beneficia a persoas hipertensas. O porro, ao igual que o tomate, tamén contén potasio que é idóneo para persoas con problemas reumáticos, gota e enfermidades de ril. Ao ser unha fonte de fibra actúa como un laxante natural. Presenta unha boa cantidade de vitamina C. As patacas conteñen enerxía polo seu contido en hidratos de carbono. Tamén conteñen vitamina C e fibra.

Crema fría de patacas e porros

Plato Primeiro prato

Ingredientes

Racións: 1 persona

20 g Nata
60 g Pataca
0.5 g Pementa negra
90 g Porro
0.5 g Sal

Instruccións

Cortamos os porros en catro anacos e as patacas en dous. Poñemos nunha cazola auga con sal, as hortalizas, o medio limón e quéntase ata ebulición, momento no que se baixa o lume e se deixa cocer, lentamente, durante media hora aproximadamente. Unha vez feito, sácaselle o limón e déixase arrefriar. Pasamos a verdura polo triturador e mesturámola coa auga da cocción, alcanzando unha mestura lixeira. Engadimos a nata e poñemos a mestura ao lume ata que rompa a ferver, aderezamos con sal e pementa e deixamos arrefriar para servir.

Os porros son moi axeitados para persoas que seguen dietas de adelgazamento polas súas propiedades: teñen moi poucas calorías, son diuréticos polo seu contido en potasio, o que fai eliminar líquidos e laxantes pola fibra. Destaca o seu contido en vitamina C e do grupo B. As patacas tamén teñen vitamina C e potasio, o que fai que esta crema sexa adecuada para persoas con hipertensión arterial.

Croquetas caseiras

Plato Primeiro prato

Ingredientes

Racións: 1 persona

5 g Aceite de oliva
12.5 g Faldra de tenreira
2.5 g Fariña
5 g Ovo
27.5 g Leite
5 g Pan relado
10 g Polo
1 g Sal

Instruccións

Ponse a tixola, no lume, co aceite. Unha vez un pouco quente (bastante antes de botar fume), apártase a tixola e vaise botando cunha cullerada de madeira a fariña á tixola, movéndoa ata que se vexa que se fai masa. Ponse, novamente, a tixola no lume, non forte, e engádeselle o leite pouco a pouco, sen parar de mover a masa ata que esta estea cocida e consistente. Entón, engádeselle o sal e a carne picada. Déixase cocendo, na tixola, sen parar de movela ata que se espese. Unha vez espesa a baléirase nunha fonte e déixase arrefriar. Bátense os ovos á parte. Unha vez fría facemos anaquiños, dáselle forma de croqueta. As croquetas móllanse no ovo batido e úntanse de pan relado. Vanse colocando, nunha fonte, e están listas para fritir cando se queira. Frítense as croquetas en bastante aceite quente que as cubra. Cando se poñen douradas, sácanse.

As croquetas son orixinarias de Francia pero en España son moi populares. Consómense habitualmente como aperitivo. Deben consumirse con moderación por persoas con sobrepeso ou con problemas de colesterol xa que a fritura que require o seu cociñado fai que conteñan máis calorías. A carne de polo e de tenreira proporcionan proteínas, ferro de doada absorción que axuda a combater a anemia, cinc que é un bo antioxidante; fósforo que intervén na formación e no mantemento dos ósos, no desenvolvemento dos dentes e potasio que axuda a persoas que sofren retención de líquidos.

Crêpes de centola

Plato Primeiro prato

Ingredientes

Racións: 1 persona

3 g Aceite de oliva
5 g Cebola
35 g Centola
15 g Cereixa
5 g Coñac
0.20000000298023224 g Chile
20 g Fariña
40 g Ovo
25 g Leite desnatado
5 g Manteiga
10 g Nata
0.20000000298023224 g Pementa branca
0.20000000298023224 g Sal
25 g Tomate
6 g Cenoria

Instruccións

En primeiro lugar, faremos as filloas mesturando a fariña coa cervexa e mais 150 cc de leite, engadimos os ovos, batemos ben e condimentamos cun chisco de sal e pementa. Derretemos a manteiga, nunha cunca, e preparamos un anaco de algodón co que iremos mollando a tixola onde imos facer as filloas. A lume medio, mollamos a tixola co algodón e vertemos, cun cazo, un pouco da mestura e cando se empece a desprender polos bordos dámoslle a volta. Continuamos, así, ata rematar a masa depositándoas sobre un prato. A continuación, prepárase unha salsa americana para marisco refogando a cebola e a cenoria en aceite, cando empece a tomar cor engádeselle o tomate e a pementa de Caiena. Rectifícase de sal e engádeselle a centola esmigallada, cando estea no seu punto, á mestura e énchese co coñac e préndese lume ata reducir a salsa uns minutos. Esta mestura distribúese sobre as filloas e enrólanse. Póñense nunha fonte de forno, énchense cun pouco de nata líquida e póñense, un momento, a gratinar. Sérvese quente.

A centola contén proteínas e é rica en cinc que facilita a asimilación e o almacenamento da insulina. Ademais, é beneficiosa para o sistema inmunitario. Tamén destaca o seu contido de iodo que axuda a regular o colesterol e a procesar os hidratos de carbono. Ao igual que acontece no resto dos mariscos, polo contido de purinas da centola desaconséllase o seu consumo en persoas que sofren gota ou hiperuricemia. A masa das filloas contén enerxía polo seu contido en hidratos de carbono e, así, aumenta as calorías do prato.

Croquetas de acelga

Plato Primeiro prato

Ingredientes

Racións: 1 persona

5 g Aceite de oliva
140 g Acelga
40 g Cebola
30 g Fariña
40 g Ovo
0.5 g Pementa negra
0.5 g Sal

Instruccións

Lávanse as acelgas, en abundante auga, e córtanse. Ponse a ferver a acelga en auga con sal. Sácase e escórrese ben. Tritúrase co batedor e logo engádense os ovos, o sal a cebola cortadiña, o sal e a pementa, ata que se faga unha crema ben densa. Ir agregando, pouco a pouco, a fariña para espesar a crema. Cunha culler grande, ir engadindo, nunha tixola, sobre o aceite ben quente e fritilas. Servilas quentes.

As acelgas son moi recomendables para incluír en dietas de adelgazamento xa que producen saciedade pola súa riqueza en fibra. Teñen poucas calorías e non conteñen nada de colesterol. O contido en graxas é moi baixo. Son ricas en calcio polo que preveñen enfermidades cardiovasculares ao diminuír os niveis de colesterol no sangue, e en potasio que favorece a eliminación de líquidos. ademais, son beneficiosas para persoas hipertensas. En canto a vitaminas, destaca a presenza de folatos, vitamina C e betacaroteno ou provitamina A.

Noticias

Archivos