Noticias

Noticias y actualidad del Grupo Cuevas

Archivos

Coello estufado

15 Xullo, 2015

Coello estufado

Coello estufado

Ingredientes

Racións: 1 persona

  • 10 g Aceite de oliva
  • 5 g Allo
  • 200 g Coello
  • 30 g Chícharo
  • 1 g Loureiro
  • 150 g Pataca
  • 40 g Pemento vermello
  • 40 g Pemento verde
  • 0.5 g Sal
  • 50 g Tomate
  • 20 g Viño branco
  • 30 g Cenoria

Instruccións

Prepárase un adobo no morteiro con perexil, allo, sal e pementa e úntase moi ben con el o coello. Colócase nunha bandexa de forno na que se fai unha cama de cebola, manteiga, cravo e loureiro. Dáselle unhas voltas nesta salsa e métese ao forno a lume medio ata que estea dourado. Ábrese, un momento, o forno e báñase o coello con viño branco en abundancia e aprovéitase para colocar as patacas cortadas en dados para que se cociñen na salsa e no viño. Remátase a cocción a lume lento para conseguir unha carne tenra, substanciosa e saborosa.

O coello presenta unha carne magra, é dicir, con menor proporción de graxa e cun baixo contido en calorías. É unha importante fonte de minerais, tales como o fósforo, e vitaminas do grupo B, como a vitamina B3, beneficiosa para o crecemento e o desenvolvemento, ao mesmo tempo que destaca o seu baixo contido en sodio permitindo que se poida cociñar sen engadir sal. Trátase dunha carne de fácil dixestión. Este prato no que o coello se cociña estufado é unha das formas máis estendidas de cociñar o coello.

Coello en escabeche

Coello en escabeche

Coello en escabeche

Ingredientes

Racións: 1 persona

  • 10 g Aceite de oliva
  • 5 g Allo
  • 200 g Coello
  • 1 g Loureiro
  • 150 g Pataca
  • 1 g Sal
  • 10 g Vinagre
  • 40 g Viño branco

Instruccións

Tórase o coello e dóurase nunha cazola con aceite. Resérvase. Na mesma cazola dóuranse os dentes de allo cunha folla de loureiro, engádese o coello, sálgase e cóbrese con dobre medida de viño por cada medida de vinagre. Cocíñase lentamente ata que a carne estea tenra. Retírase do líquido de cocción e déixase arrefriar. Sérvese frío.

Esta receita permitía nas casas galegas de antano que o coello estivese dispoñible todo o ano para o seu consumo. O coello escabechábase para que se conservase todo o ano e se puidese recorrer a el en caso de escaseza doutro tipo de carne. Facíase tanto para os coellos de monte coma para os domésticos. Tamén era un prato moi valorado pola clase alta á que o campesiñado obsequiaba ou pagaba con esta conserva.

Congro á galega

Congro á galega

Congro á galega

Ingredientes

Racións: 1 persona

  • 15 g Aceite de oliva
  • 1 g Azafrán
  • 50 g Cebola
  • 160 g Congro
  • 60 g Chícharo
  • 155 g Pataca
  • 1 g Pemento picante
  • 1 g Sal

Instruccións

Cortamos as patacas en toros grosos e cocémolas co congro en auga con loureiro. Para elaborar a allada douramos nunha tixola con aceite, o pemento doce e o allo. Cocemos os chícharos noutro recipiente. Para presentar o prato poñemos na base as patacas, enriba destas o congro cos chícharos cocidos e, por último, cubrimos todo coa allada.

O congro é un peixe semigraxo. O seu contido proteico non é moi elevado. Destaca a presenza de vitamina B1 que transforma os carbohidratos en enerxía e a vitamina B2, necesaria para manter o estado da pel, mucosas e unha boa visión. Os chícharos son unha boa fonte de hidratos de carbono, proteínas e fibra. Tamén conteñen ferro, concretamente cobren unha cuarta parte da cantidade diaria recomendada. Os chícharos teñen un efecto acidificante sobre o organismo debido ao seu contido en sales minerais ácidos. Por iso non están recomendados en casos de reumatismos, artrite, enfermos renais ou con problemas gastrointestinais.

Congro con arroz

Congro con arroz

Congro con arroz

Ingredientes

Racións: 1 persona

  • 10 g Aceite de oliva
  • 1 g Allo
  • 50 g Arroz
  • 1 g Azafrán
  • 25 g Cebola
  • 168 g Congro
  • 1 g Perexil
  • 1 g Pemento doce
  • 1 g Pementa negra

Instruccións

Adobamos o congro cortado en toros con perexil, pementa e allo. Posteriormente, introducímolo nunha cazola sobre unha base de cebola previamente estufada. Bañaremos con auga, azafrán e pemento para darlle, así, cor ao prato. Engadiremos o arroz unha vez que ferva a auga e coceremos ata que o arroz estea no seu punto óptimo.

O congro é un peixe de corpo cilíndrico que pode alcanzar os dous metros de lonxitude. Trátase dun depredador que se alimenta de crustáceos, luras e peixes. Está presente nas augas do Atlántico e do Mediterráneo. É un peixe semigraxo. Contén cantidades significativas de vitamina B2, necesaria para a integridade da pel, as mucosas e de forma especial para a córnea. Tamén destaca a vitamina A que aumenta a función inmunitaria e desempeña un papel importante no desenvolvemento dunha boa visión. Para a preparación deste prato con arroz aconséllase utilizar a cola do congro xa que a parte do ventre contén moitas espiñas.

Congro con fideos

Congro con fideos

Congro con fideos

Ingredientes

Racións: 1 persona

  • 10 g Aceite de oliva
  • 0.5 g Azafrán
  • 50 g Cebola
  • 100 g Congro
  • 45 g Fideo
  • 40 g Chícharo
  • 0.5 g Pemento doce
  • 30 g Pemento verde
  • 0.5 g Sal
  • 30 g Tomate pelado

Instruccións

Fervemos 15 min nunha cazola, preferiblemente de barro, a mestura torada de cebola e pemento verde, engadimos a esta mestura o aceite, o azafrán, o pemento, os chícharos e un vaso de auga. Pasado ese tempo, botamos os fideos á mestura. Un cuarto de hora despois engadimos os toros de congro e os tomates previamente preparados. Tras 10 min, o prato estará listo para servir.

A carne de congro considérase de excelente calidade e moi firme. O congro é un peixe azul, semigraxo, ten 3 g de graxa por cada 100 g de porción comestible. Ao ser un peixe azul contén ácidos graxos omega 3 que se consideran como esenciais en calquera dieta equilibrada para persoas con colesterol alto porque proporcionan beneficios moi importantes para previr enfermidades cardiovasculares. Destaca o seu contido en vitamina A, fundamental para os tecidos corporais. Tamén é relevante o seu contido en vitamina B2 que é fundamental para a produción de enerxía no organismo e para manter unha boa visión.