Capón asado estilo Vilalba

15 Xullo, 2015

Capón asado estilo Vilalba

Plato

Segundo prato

Ingredientes

Racións: 1 persona

10 g Aceite de oliva
5 g Allo
160 g Capón
70 g Castaña
40 g Cava
15 g Fariña
5 g Limón
1 g Perexil
1 g Sal

Instruccións

Preparamos un adobo con allo, perexil, sal, aceite, cava e limón. Deixamos macerar durante polo menos 1 h. Aliñamos o capón enteiro, por dentro e por fóra, co adobo que fixemos. Introducimos dentro do galo as castañas peladas, previamente cocidas, e pechámolo (normalmente cosémolo). Adobamos de novo e levamos ao forno 1 h por cada quilo de peza.

Aínda que o capón se cría en toda Galicia o de Vilalba, capital da Terra Chá, é o máis famoso e recoñecido. Este prato converteuse en habitual no Nadal e a súa fama e consumo nestas datas vai en aumento. Desde o ano 1835 celébrase en Vilalba a Feira do Capón, onde se expoñen e se venden.

Capón asado estilo Arzúa

Plato Segundo prato

Ingredientes

Racións: 1 persona

10 g Aceite de oliva
5 g Allo
150 g Capón
40 g Coñac
100 g Pataca
1 g Perexil
50 g Pemento vermello
50 g Pemento verde
1 g Sal
40 g Viño branco

Instruccións

Preparar un adobo con allo, perexil e aceite, untar con el o capón a véspera. Poñer o capón a asar nunha fonte con pemento vermello e verde e esparexer con viño branco e coñac. Cando o capón estea dourado e a punto de rematar a cocción engadir na fonte as patacas cortadas en cadrados pequenos para que se asen co animal.

Nesta vila coruñesa son moi numerosas as feiras nas que se venden os capóns uns días antes do Nadal. Este capón deriva da galiña de Mos. O capón cástrase pouco despois de nacer e cébase. Ten unha carne tenra, saborosa e aromática. A carne do capón ten máis calorías que a do polo xa que contén máis graxa pero séguese considerando unha carne magra, polo que o pode consumir calquera persoa. Destaca na carne deste animal o contido en vitamina A necesaria para o desenvolvemento dos ósos ou o fósforo vital para a formación dos ósos e dos dentes.

Capón asado recheo de verduras

Plato Segundo prato

Ingredientes

Racións: 1 persona

10 g Aceite de oliva
5 g Allo
170 g Capón
40 g Cebola
1 g Perexil
30 g Porro
30 g Repolo
1 g Sal
40 g Cogomelo
40 g Tomate
40 g Viño branco
30 g Cenoria

Instruccións

Picar os allos xunto co perexil, co sal e un chorro de aceite. Distribuír esta mestura no interior e no exterior da peza. Picar as verduras e introducir, só a metade, no interior; xa que a outra metade colocarase arredor da peza, na fonte, que irá posteriormente ao forno. Régase todo con auga e viño, a partes iguais.

Esta forma de elaborar este prato de capón consiste en enchelo de moi diversas verduras, elixidas ao gusto, como son a cenoria, os porros, os champiñóns, os tomates ou o repolo. Énchese de verduras e, despois, cocíñase con parte desas verduras rodeando o capón, no recipiente onde se cociña. As verduras teñen multitude de vitaminas e minerais, ademais de fibra e, ademais, non conteñen apenas proteínas nin graxas, aínda que si certa cantidade de hidratos de carbono. Son unha importante fonte de vitamina A e C. Entre os minerais que teñen destacan o ferro, o magnesio, o potasio e o calcio.

Capón con ostras

Plato Segundo prato

Ingredientes

Racións: 1 persona

30 g Agulla de tenreira
120 g Capón
30 g Ovo
1 g Limón
5 g Manteiga
1 g Noz moscada
15 g Ostra
100 g Pataca
1 g Pementa negra
38 g Porro
1 g Sal
5 g Touciño

Instruccións

Frítese nunha tixola a carne de tenreira picada xunto coa noz moscada e o touciño cortado finamente. Engádenselle dez ostras e dous ovos crus, así obtemos unha masa coa que encher o capón. Enchemos con esta masa o capón xa baleirado e cósese con fío para pechar. Bótaselle o sal e o exterior do capón úntase con manteiga de porco. Introdúcese ao forno a lume medio e de cando en vez é conveniente mollalo co zume que solta. Cando leva hora e media no forno, compróbase, coa axuda dunha agulla, se está ben asado. Se a agulla se introduce con facilidade no capón isto significa que xa está listo.

O capón e as ostras foron, antano, alimentos reservados a señores e familias con recursos económicos suficientes para o goce dun manxar exclusivo das grandes ocasións. O capón, na Idade Media, formaba parte dos banquetes da xente nobre. Na actualidade, consúmese moito nas celebracións do Nadal. O capón ten un contido en graxas baixo polo que se considera unha carne magra. Destaca, pois, o seu contido proteico, ademais de minerais como o ferro, o cinc, o fósforo e o potasio. As ostras, pola súa parte, son ricas en iodo que é beneficioso para o metabolismo. Conten cinc que facilita a asimilación e o almacenamento da insulina. Entre as vitaminas que conteñen as ostras destaca a B12 que é importante para o metabolismo e, ademais, axuda á formación de glóbulos vermellos no sangue.

Carne ao caldeiro

Plato Segundo prato

Ingredientes

Racións: 1 persona

10 g Aceite de oliva
170 g Faldra de tenreira
5 g Manteiga
120 g Pataca
1 g Pemento doce
1 g Sal

Instruccións

Cortar a carne en anacos e poñer a cocer cun anaco de manteiga. Cando a carne estea branda retírase a auga e cócese a pataca en anacos grandes. Servir a carne coa pataca cocida e condimentar con aceite de oliva virxe extra, sal e pemento (mestura doce e picante).

Este prato moi popular en Galicia é habitual en feiras e, ao igual que o famoso "polbo á feira", cocíñase en grandes recipientes metálicos nestas romarías. É unha sinxela receita que pode levar diversos acompañamentos como patacas cocidas. A carne vai aliñada con aceite de oliva e pemento. A carne pode ser de vaca ou tenreira. Se é de tenreira contén menos graxas e calorías e, ademais, é máis dixerible aínda que non tan saborosa nin nutritiva, xa que contén máis auga. A carne de vacún é rica en proteínas e ferro hemo que é de doada absorción e axuda a combater a anemia.

Noticias

Archivos