Brócoli á galega

15 Xullo, 2015

Brócoli á galega

Plato

Primeiro prato

Ingredientes

Racións: 1 persona

5 g Aceite de oliva
75 g Brócoli
80 g Pataca
0.5 g Pemento doce
0.5 g Sal
20 g Cenoria

Instruccións

Lavamos e mondamos as patacas e as cenorias. Poñémolas a cocer, na pota rápida, cun vaso de auga e sal durante 10 min.

O brócoli contén moi poucas calorías e unha alta cantidade de fibra. Entre os minerais que contén están o potasio e o ferro, necesarios para a formación de glóbulos vermellos, e o calcio que axuda a fortalecer os ósos. Ten un gran valor nutritivo polo seu contido en antioxidantes e betacarotenos. As cenorias que acompañan o brócoli tamén conteñen fibra e teñen poder de saciedade. Polo seu contido en vitamina A son adecuadas para manter unha boa visión. As patacas son moi enerxéticas polo seu contido en hidratos de carbono. Conteñen vitamina C, potasio e magnesio. As patacas son interesantes para persoas que queren perder peso debido ao seu contido en fibra e o seu baixo contido en calorías.

Botelo

Plato Segundo prato

Ingredientes

Racións: 1 persona

15 g Allo
270 g Costela de porco
150 g Pataca
0.5 g Pemento doce
0.5 g Pemento picante
50 g Rabo de porco
250 g Repolo
0.20000000298023224 g Sal
10 g Tripa de tenreira

Instruccións

Ponse a cocer nunha pota, a lume lento, o botelo. Un botelo que pese un quilo deberá cocer unhas dúas horas. Incorporamos a verdura 45 min antes da súa cocción. Por último, 30 min antes da cocción, engadiranse as patacas. A súa salsa vermella será o complemento ideal que dará a cor, o aroma e o sabor ás verduras e ás patacas. Sérvese nunha fonte fonda, coa gornición rodeando o botelo.

Crese que a súa orixe é romana e que o consumiron os romanos durante a súa estancia na bisbarra do Bierzo. Posteriormente converteuse nun manxar reservado para abades, bispos e reis e consumíase en datas sinaladas. Pola proximidade xeográfica existente, tamén se elabora na zona da montaña luguesa e ourensá. Está composto de carne e ósos de porco embutidos dentro das tripas máis grosas do porco. Faise cos ósos do costelar, do espiñazo e do rabo de porco. Consómese cocido e acompañado de patacas e repolo.

Pudin de verduras

Plato Primeiro prato

Ingredientes

Racións: 1 persona

5 g Aceite de oliva
5 g Allo
40 g Cebola
30 g Ovo
40 g Leite
3 g Manteiga
15 g Pan relado
83 g Pataca
1 g Perexil
0.20000000298023224 g Pementa branca
166 g Repolo
0.20000000298023224 g Sal

Instruccións

Cocemos as patacas e, á parte, o repolo cun chorriño de aceite. Facemos un rustrido coa cebola, cos allos, co perexil e coa verdura, cocida xa. Facemos un puré coa pataca cocida, a manteiga, o leite, o sal e a pementa. Mesturamos o puré co rustrido anterior e incorporamos os ovos enteiros. Botamos a mestura nunha fonte, previamente untada de aceite e esparexemos de pan relado. Levamos ao forno uns 30 min, tras os cales retiraremos, deixaremos arrefriar e sacaremos do molde.

Polo repolo que contén este prato posúe niveis considerables de fibra, hidratos de carbono, minerais, vitaminas e auga. O seu contido de calorías é escaso. Pola súa banda, o ovo enriquece o prato con proteínas dunha excelente calidade biolóxica pero tamén contribúe, xunto á manteiga, a aumentar o valor de calorías do prato. Así pois, non deben abusar do seu consumo aquelas persoas que padezan sobrepeso ou que estean a seguir dietas de control de peso. A pataca resalta polo seu elevado contido en hidratos de carbono complexos en forma de amidón que lle van dar a esta receita o seu carácter enerxético.

Boi de mar

Plato Primeiro prato

Ingredientes

Racións: 1 persona

100 g Boi de mar
1 g Loureiro
0.5 g Sal

Instruccións

O tempo de cocción é de 15 min por kg de boi. O tempo de cocer varía segundo o boi estea vivo ou non. No caso de que estea vivo colócase en auga de mar fría cunha folla de loureiro e empézase a contar o tempo de cociñado a partir de que rompa a ferver. No caso de que contemos co boi morto ou conxelado engádese á pota cando rompa a ferver.

O boi de mar é o cangrexo europeo de maior tamaño. No mercado galego, podemos atopar por un lado o autóctono galego procedente das rías e, por outro, o francés, na súa práctica totalidade de Francia e das illas Británicas. A mellor tempada para o consumo do boi de mar é o inverno. Moitas e variadas son as formas de preparar este excelente e alcanzable marisco. O seu fígado e as súas ovas considéranse exquisitos. O boi de mar é un crustáceo rico en proteínas. Destacan na súa composición as vitaminas dos grupos B (principalmente B3 e B12) e E. As primeiras regulan procesos como a formación de glóbulos vermellos e producen hormonas sexuais e síntese de material xenético; mentres que a vitamina E, liposoluble, actúa como antioxidante. Os minerais que se atopan na súa carne son principalmente iodo, magnesio e sodio.

Cabala á brasa envolta en verza

Plato Primeiro prato

Ingredientes

Racións: 1 persona

100 g Xarda
2 g Loureiro
40 g Repolo
1 g Sal

Instruccións

Introducimos unha folla de loureiro na peza a través dun pequeno corte, despois cubrimos completamente a cabala cunha folla de verza ou repolo, de maneira que ao colocala nas brasas esta a protexa do fogo directo. Por último engadimos o sal. Retiramos a peza cando a folla comece a parecer torrada. Comeremos quente.

Esta forma de cociñar a cabala é moi interesante polo seu contido en graxa xa que é un xeito de que perda parte dela. Para asala é necesario que o tamaño da cabala sexa mediano. Envólvese cunha verza para protexela á hora de asala xa que debido ao seu grosor evita que se queime. Esta forma de asar pódese aplicar a outros peixes de certo tamaño.

Noticias

Archivos