Biquiños de coco relado

15 Xullo, 2015

Biquiños de coco relado

Plato

Postre

Ingredientes

Racións: 1 persona

20 g Azucre
34 g Clara de ovo
28 g Coco relado
0.5 g Manteiga

Instruccións

Separamos as claras dos ovos. Xunto cun chisco de sal e outro de azucre, batemos as claras ata alcanzar case o punto de neve. Xusto nese instante, botamos o azucre, pouco a pouco, ata conseguir un merengue. Despois, botamos coco relado e mesturamos novamente. Untamos unha bandexa e colocamos, en montonciños separados, a mestura anterior e enfornamos a lume medio.

É unha sobremesa que ten a súa orixe na cociña venezolana, aínda que está presente noutros países da zona caribeña como Porto Rico. É habitual consumilos durante a Semana Santa. O coco achéganos importantes minerais como o potasio, o magnesio e o calcio. Ademais, é rico en fibra, o que axuda a un mellor funcionamento do noso intestino pero débese consumir en pequenas cantidades polo seu elevado contido de graxas saturadas.

Bica

Plato Postre

Ingredientes

Racións: 1 persona

20 g Azucre
30 g Fariña de millo
30 g Ovo
2 g Fermento
3 g Manteiga

Instruccións

Prequentamos o forno a 150 ºC e mentres mesturamos ben o azucre xunto coa manteiga derretida. Botamos os ovos e removemos todo ben. Despois, imos botando, lentamente, a fariña e o fermento xa mesturados sen parar de bater. Botamos a masa nun recipiente e metémola no forno.

Na antigüidade, este doce substituía ao pan cando este se acababa. Está feito por unha masa fermentada de ovos, manteiga, azucre, rela de limón e canela enfornada. É típica da provincia de Ourense, sobre todo da zona oriental da bisbarra de Trives, por iso se coñece tamén como bica de Trives. É moi consumida durante o Entroido na zona de Laza en Ourense.

Lumbrigante cocido

Plato Primeiro prato

Ingredientes

Racións: 1 persona

15 g Aceite de oliva
190 g Lumbrigante
30 g Cebola
1 g Loureiro
30 g Pemento vermello
1 g Sal
10 g Vinagre

Instruccións

Botamos o lumbrigante en auga con sal ou, se é posible, en auga de mar e poñémolo a cocer 20 min por cada quilo de exemplar. Podemos servilo aberto pola metade se este non é moi grande para facilitar o seu consumo. Se o lumbrigante é máis grande procederemos a eliminar as patas, a cabeza e a cola para servilo.

É dos máis tradicionais e apreciados en Galicia. A carne dun bo lumbrigante cociñado é branca, con fíos avermellados, brillante, compacta, firme, pouco graxa, moi saborosa, perfumada, de gran valoración culinaria e rica en proteínas e sales minerais. Cocido e servido con varias salsas é a forma máis habitual de preparalo pero para coñecer o seu sabor en estado puro a mellor forma é simplemente cocido. A carne do lumbrigante contén ácidos graxos omega 3, substancias que reducen o risco de enfermidades cardíacas. É rico en proteínas, potasio, magnesio, calcio, fósforo, ferro, cinc e vitaminas A, B2 (riboflavina), B3 (niacina), B6 e B12.

Bonito con tomate ao viño

Plato Segundo prato

Ingredientes

Racións: 1 persona

10 g Aceite de oliva
150 g Bonito
50 g Cebola
1 g Loureiro
120 g Pataca
1 g Sal
40 g Tomate
40 g Viño branco

Instruccións

Douramos en aceite a cebola e cando adquira cor botamos os tomates. Minutos máis tarde salgamos e incorporamos á mestura o viño branco e o loureiro. Tras 10 min, engadimos o bonito e deixamos que se cociñe ata o punto óptimo. Serviremos acompañado con patacas cocidas que se introducirán na cazola minutos antes.

En Galicia hai dous portos moi importantes con respecto ao volume de pesca do bonito: Burela e Celeiro, situados na mariña lucense. O bonito é un peixe cun gran contido en calorías por este motivo se considera que provoca gran sensación de fartura. Hoxe en día, as ventrescas de bonito considéranse un prato exquisito. Existen numerosas formas de preparación, con tomate, rebozado, ao forno ou empanado.

Bonito encebolado

Plato Segundo prato

Ingredientes

Racións: 1 persona

10 g Aceite de oliva
150 g Bonito
75 g Cebola
120 g Pataca
1 g Sal
40 g Viño branco

Instruccións

Quentamos o bonito, un pouco, en aceite quente e retiramos. É importante que sexa o mesmo aceite o que se use para, posteriormente, dourar a cebola que regaremos con viño branco. Volvemos incorporar o bonito que rematará de cociñarse coa cebola e co viño, coa calor do lume a salsa será cada vez máis espesa.

O bonito é un peixe azul de carne saborosa e textura suave. É un peixe graxo, rico en ácidos graxos omega 3 esenciais para previr enfermidades cardiovasculares e reducir o colesterol. Cabe destacar o seu contido en antioxidantes que interveñen na prevención dalgúns tipos de cancro. O inconveniente do bonito é o seu contido en purinas polo que está desaconsellado para persoas con gota.

Noticias

Archivos