Bacallau con coliflor

15 Xullo, 2015

Bacallau con coliflor

Plato

Segundo prato

Ingredientes

Racións: 1 persona

25 g Aceite de oliva
5 g Allo
195 g Bacallau fresco sen sal
180 g Coliflor
60 g Pataca
1 g Pemento doce
1 g Sal
4 g Vinagre

Instruccións

Nunha cazola con auga e sal botamos as patacas cortadas e a coliflor dividida en cachos. Cando pase un tempo de cocción, engadimos o bacallau cortado en anacos. Unha vez cocido todo, escorremos e gardamos un vaso de auga desta cocción. Douramos, nunha tixola con aceite quente, o pemento doce e o allo, agregamos o vaso de auga gardado e un chorriño de vinagre. Botamos este refrito sobre a coliflor e o bacallau.

O bacallau péscase nos mares do Atlántico norte, desde o outono ata a primavera. Antigamente o que se facía para conservar o bacallau nos barcos, desde que se pescaba ata que chegaba a porto, era salgalo, e ao chegar a porto secábase ao aire. Era considerado unha delicia na parte interior de Galicia e, en xeral, todo o peixe xa que os medios de transporte non permitían a súa chegada con demasiada frecuencia. Era un prato que se reservaba para ocasións especiais como o Nadal ou a Coresma, aínda que hoxe en día tamén se consome nas épocas de Nadal.

Bandullo

Plato Postre

Ingredientes

Racións: 1 persona

12.5 g Améndoa torrada
20 g Azucre
1 g Canela
30 g Ovo
20 g Leite
3 g Manteiga
20 g Pan
6 g Pasas de Corinto

Instruccións

Quitar a codia ao pan e esmiuzar o miolo ata conseguir dúas cuncas. Colocar o miolo de pan nunha cunca e regala co leite morno e co azucre. Cando estea ben empapado facer co pan un puré cun garfo. Relar as améndoas e agregalas ao pan xunto coas pasas, previamente remolladas, unha cullerada de manteiga ben branda e unha culleriña de canela. Cascar os ovos nunha cunca, batelos ata que estean escumosos e agregalos ao pan. Untar coa manteiga restante, un molde de bordo alto, tipo flan e verter nel o preparado. Tapar o molde con papel de aluminio e cocer ao baño maría durante 45 min.

Este é unha sobremesa típica do Carnaval que se caracteriza porque se utiliza a vexiga do porco ou tamén as tripas grosas, a xeito de recipiente, onde se cocen os ingredientes. Actualmente faise en moldes se non se teñen estas partes do porco. É típico principalmente da provincia de Pontevedra, máis concretamente na zona do Morrazo, illa de Ons, terras do Ulla e na zona de Sober, en Lugo. Na provincia de Ourense tamén se elabora o bandullo pero, neste caso, non é unha sobremesa senón un embutido. Faise coa tripa do estómago do porco que se enche sobre todo con costelas, espiñazo e rabo de porco, logo déixase curar. É posible que a súa orixe fose a necesidade de conservar aquelas partes do porco que non se podían consumir de inmediato e este embutido é outra forma máis de conservación da carne do porco.

Berberechos ao vapor

Plato Primeiro prato

Ingredientes

Racións: 1 persona

49.5 g Berberecho
0.5 g Sal

Instruccións

O máis importante é asegurarse de que os berberechos eliminen toda a area que poidan conter no seu interior. Para isto somérxense en auga con sal durante unhas horas. Escórrense e pásanse a unha pota ao lume con dous dedos de auga fría. Cando rompa a ferver apágase e déixase repousar un par de minutos. Cólanse novamente e sérvense nunha bandexa.

Os berberechos están presentes en todas as rías galegas, especialmente na ría de Arousa, na Costa da Morte e noutras localidades das Rías Baixas. A recolección de berberechos remóntase á prehistoria, á idade de bronce e á de ferro, na que era un elemento básico da dieta humana, e ademais utilizábase a cuncha, rica en calcio, para fertilizar o chan dos campos de cultivo.

Berberechos aliñados

Plato Primeiro prato

Ingredientes

Racións: 1 persona

10 g Aceite de oliva
33.75 g Berberecho
50 g Cebola
0.5 g Pemento doce
0.5 g Pemento picante
1 g Sal

Instruccións

Douramos nunha tixola unha cebola e engadimos, tras uns minutos, os berberechos previamente cocidos ao vapor. Cando a mestura tome unha cor torrada, apagamos o lume e engadimos o pemento doce e o picante. Servimos con pataca cocida.

Este prato elabórase engadindo aos berberechos pemento doce e picante. Antigamente en tempos onde non abundaban algúns alimentos, en concreto a carne, este prato podía ser un bo substituto. Podemos atopar berberechos en case todas as rías galegas. Caracterízase por ter unha cantidade de graxa practicamente nula polo que é idóneo para dietas de adelgazamento. Contén minerais como o calcio que contribúe ao crecemento e ao soporte da nosa estrutura ósea, o iodo para fortificar e normalizar as funcións da glándula tiroide, e o ferro que axuda á produción de hemoglobina, esencial en dietas para corrixir a anemia.

Ollomol ao forno

Plato Segundo prato

Ingredientes

Racións: 1 persona

10 g Aceite de oliva
3 g Allo
1 g Azafrán
150 g Ollomol
50 g Cebola
30 g Limón
15 g Pan relado
100 g Pataca
30 g Viño branco

Instruccións

Sobre un refrito de cebola e allo, previamente preparado, colócase o ollomol ao que se lle practicaron uns pequenos cortes sobre o lombo nos que se colocan uns toros de limón. Engadir un pouco de sal e abundante pan relado ata cubrir por completo o peixe. Antes de meter no forno para dourar, engadir un bo chorro de viño enriba do peixe. Ademais, se se engade un pouco de azafrán disolto en medio vaso de auga o resultado da presentación é mellor.

Esta sinxela receita é típica de Madrid e de Castela. Nos últimos anos converteuse nun prato típico do Nadal. O ollomol é un peixe azul que posúe un alto contido de ácidos graxos poliinsaturados omega 3 polo que se recomenda o seu consumo polo seu potente efecto cardioprotector. Contén poucas calorías xa que é un peixe magro e, por iso, é adecuado para incluír en dietas de adelgazamento.

Noticias

Archivos