Arroz en paella con cogomelos

15 Xullo, 2015

Arroz en paella con cogomelos

Plato

Primeiro prato

Ingredientes

Racións: 1 persona

5 g Aceite de oliva
5 g Allo
60 g Arroz
10 g Caldo de polo
0.5 g Sal
40 g Cogomelo

Instruccións

Comezamos o guiso cun rustrido de allo (e se queremos pemento). Saltéase no rustrido o arroz, bótase o caldo e os cogomelos (variando as especies se pode ser). Cando a auga deixa de ser visible, báixase o lume e déixase cocer, lentamente, logo déixase repousar 10 min.

Posto que a época dos cogomelos silvestres é no outono e no inverno este prato sería idóneo para preparar nestas datas. Os árabes introduciron o arroz en España pero o seu consumo en China remóntase a hai miles de anos. O arroz é rico en hidratos de carbono, fibra, calcio, ferro e outros minerais en menor proporción.

Bacallau á mariñeira

Plato Segundo prato

Ingredientes

Racións: 1 persona

10 g Aceite de oliva
5 g Allo
150 g Bacallau fresco sen sal
60 g Ceboliña
30 g Mexillón
100 g Pataca
1 g Sal
50 g Viño branco

Instruccións

Poñemos nunha cazola un pouco de aceite, a ceboliña, as patacas en toros, o allo e un pouco de auga. Deixamos que ferva, a lume lento, durante 10 min, pasados os cales, colocamos o bacallau e os mexillóns.

O bacallau é un peixe cun contido en graxa e en calorías baixo. Ten unha gran cantidade de proteínas de elevado valor biolóxico. É rico en calcio, necesario para fortalecer os ósos, e tamén en potasio, elemento moi necesario para a saudable contracción dos músculos e do corazón. Os mexillóns ao igual que o bacallau son unha fonte proteica de excelente calidade. Conteñen un baixo nivel de colesterol ao igual que de graxas. Tanto o bacallau como o mexillón teñen iodo que regula o funcionamento da glándula tiroide. Ademais, o mexillón unha cantidade significativa de ferro.

Bacallau asado

Plato Segundo prato

Ingredientes

Racións: 1 persona

10 g Aceite de oliva
140 g Bacallau fresco sen sal
10 g Limón
5 g Manteiga
0.5 g Noz moscada
15 g Pan relado
90 g Pataca
1 g Perexil
0.5 g Pementa branca

Instruccións

Colocamos o bacallau con aceite nunha bandexa, bótaselle a pementa, a noz moscada, o perexil e o pan relado. Énchese co zume de limón e úntase de manteiga. Lévase ao forno ata que estea asado.

O bacallau é un peixe pobre en graxas. É un dos peixes brancos máis consumidos en Europa e dos máis coñecidos no mundo. O bacallau é un peixe de doada dixestión e baixo en calorías, axeitado para dietas hipocalóricas ou de adelgazamento. Contén ácidos graxos omega 3 polo que é adecuado para persoas con risco de padecer enfermidades cardiovasculares. É rico en calcio, o que axuda a evitar osteoporose e outras enfermidades óseas. Tamén contén fósforo, necesario para o bo funcionamento do cerebro e iodo para regular o funcionamento da glándula tiroide.

Bacallau con allada

Plato Segundo prato

Ingredientes

Racións: 1 persona

15 g Aceite de oliva
2 g Allo
160 g Bacallau fresco sen sal
50 g Cebola
120 g Pataca
1 g Pemento doce
3 g Vinagre

Instruccións

Precocemos as patacas xunto coa cebola ata alcanzar o punto medio de cocción. Engadimos o bacallau desalgado e cortado en toros. Á parte, preparamos unha allada nunha tixola na que douramos o allo en aceite e despois engadímoslle a auga de cocción, o vinagre e o pemento. Esparexemos coa mestura e servimos.

Este era un prato moi recorrido na Coresma ata a segunda metade do século XX. O bacallau era un peixe barato e abundante. Considerábase un prato de pobres e era un bo substituto da carne. Acompañábase de patacas que se cocían xunto co bacallau. Pola súa parte o allo é bo para persoas que sofren hipertensión, artereoesclerose e taquicardia e cabe destacar o seu contido en vitamina C.

Bacallau fresco ao viño branco

Plato Segundo prato

Ingredientes

Racións: 1 persona

10 g Aceite de oliva
10 g Allo
180 g Bacallau fresco
20 g Fariña
140 g Pataca
1 g Pemento doce
0.5 g Sal
50 g Viño branco

Instruccións

Córtase o bacallau en toros e pásanse por fariña. Frítense en aceite moi quente e resérvanse. Noutra tixola frítense, un pouco, as patacas cortadas en cuartos. Poñemos nunha cazola un baño de viño branco e, cando estea quente, engádenselle os toros fritos de bacallau cubrindo o fondo e, por enriba, as patacas toradas. Déixase ao lume ata que as patacas estean no punto. Compróbase que está listo se picamos cun escarvadentes. Nunha tixola á parte, dóuranse os allos cortados finos en aceite, engádeselle o pemento doce e cóbrese con esta salsa o bacallau e as patacas. Está listo para servir.

Este prato, na antigüidade, facíase con outros peixes que se podían consumir frescos que non é o caso do bacallau, xa que antes chegaba salgado a porto para conservalo. Hoxe en día esta receita tamén se fai con bacallau fresco. O viño branco é un excelente acompañante do peixe xa que o seu sabor é menos intenso que o do viño tinto, e iso permite que ao acompañar carnes magras estas non oculten o seu sabor.

Noticias

Archivos