Xurelo ao forno con anchoas

15 Xullo, 2015

Xurelo ao forno con anchoas

Plato

Segundo prato

Información nutricional:

Kcal: 439,2
Proteínas: 27,9%
Hidratos de carbono: 25,1%
Lípidos: 46,9%

Ingredientes

150 g xurelo
1 (100g) pataca
60 mL viño branco
25 g cebola
25 g tomate
10 g anchoa
1 dente (5g) allo
1 cullerada sopeira (10mL) aceite oliva
colorante alimentario
perexil
sal ao gusto

Instruccións

Tempo preparación: De 20 a 30 minutos

Pochar nunha cazola con aceite, cebola, allo e tomate pelado e troceado. Unha vez cociñado colocar estas verduras nunha fonte de forno e enriba poñer os xurelo limpos e sazonados. Agregar o viño branco por ennriba co colorante introducir ao forno a 160ºC durante 15 min. Acompañar de pataca cocida e anchoas.

Vantaxes:
O xurelo clasifícase como peixe azul debido o seu contido en lípidos. Na súa composición destacan minerais como ferro, iodo e magnesio, e vitamina D que intervén na absorción e utilización de calcio e fósforo, e cobalamina que participa na maduración dos glóbulos vermellos e favorece a absorción de ferro.

Caldeirada de lombo de porco adubado

Plato Segundo prato

Información nutricional:

Kcal: 416,2
Proteínas: 32,8%
Hidratos de carbono: 21,8%
Lípidos: 45,4%

Ingredientes

150 g lombo porco
50 g arroz
40 g cabaciño
40 g champiñóns laminados
30 g cenoria
30 g cebola
30 g pemento verde
1 cullerada sopeira (10mL) aceite oliva
sal ao gusto

Instruccións

Tempo preparación: De 30 a 40 minutos

Cortar en bastóns a cebola, o cabaciño e o pemento verde. Trocear en rebandas pequenas a cenoria e os dentes de allo. Refogar nunha cazola non moi alta as verduras cun pouco de aceite de oliva. Cando as verduras estean comezando a abrandarse engadir os champiñóns limpos e o lombo de porco troceado. Refogar o conxunto e cubrir ata a metade de auga, tapar a cazola e deixar que se cociñe a lume suave por espazo de 20 minutos. Poñer a punto de sal. Servir todo o conxunto en cuencos xa que adoita quedar lixeiramente caldoso.

Vantaxes:
A carne de porco contén todas as substancias minerais esenciais para o organismo (excepto o calcio). Destaca o seu aporte de ferro hemo, facilmente absorbible. A carne de porco non aporta vitaminas liposolubles, fóra das vísceras como o fígado, rico en vitamina A e D. Si contén vitaminas do complexo B, excepto o ácido fólico.

Inconvenientes:
O porco dixírese con bastante máis dificultade que outras carnes, sendo o seu consumo pouco adecuado para nenos e persoas maiores. Tampouco se aconsella para hipertensos e para persoas con exceso de colesterol. Polo seu elevado índice de graxa aconséllase un consumo prudente e medido.

Berenxenas gratinadas en salsa caseira

Plato Primeiro prato

Información nutricional:

Kcal: 170,3
Proteínas: 19,4%
Hidratos de carbono: 30,1%
Lípidos: 50,5%

Ingredientes

150 g berenxena
100 g tomate
40 g pemento verde
40 g cebola
10 g queixo relado
1 dente (5g) allo
1 cullerada (5mL) aceite oliva
sal ao gusto

Instruccións

Tempo preparación: De 20 a 30 minutos

Trocear a berexena e asar ao forno a 170 ºC durante 20 minutos aproximadamente. Cortar a cebola, o pemento verde e o allo todo iso en brounoisse e rustrir o conxunto cun pouco de aceite de oliva nunha tixola. Cando a cebola tome cor engadir o tomate natural troceado e deixar que se cocine durante 15 minutos. Nunha fonte de forno facer unha cama de salsa caseira, dispoñer a berenxena enriba, cubrir lixeiramente con queixo relando e introducir no forno a 200ºC ata que se gratine a superficie.

Vantaxes:
A berenxena é moi pouco enerxética, o 92% da súa composición é auga. Contén vitaminas do grupo B, A, C e ácido fólico; o mineral máis abundante é o potasio, e en menor medida fósforo, calcio, magnesio e ferro. O seu leve sabor amargo é debido á gran cantidade de compoñentes antioxidantes que posúe, por iso é recomendado o seu consumo en dietas de adelgazamento.

Crema Vichyssoise (de pataca e porro)

Plato Primeiro prato

Información nutricional:

Kcal: 218,9
Proteínas: 7,8%
Hidratos de carbono: 50,3%
Lípidos: 41,9%

Ingredientes

100 g pataca
100 g porro
100 mL caldo verduras
1 cullerada sopeira (10mL) aceite oliva
sal ao gusto

Instruccións

Tempo preparación: De 30 a 40 minutos

Cortar os ingredientes en rebandas finas e refogar nunha pota con aceite de oliva. Cubrir co caldo de verduras e cociñar durante 10 minutos. Triturar e servir quente.

Vantaxes:
O principal compoñente da pataca despois da auga, é o amidón. Cabe destacar o seu baixo aporte de proteínas e graxas. Ademais é unha importante fonte de minerais como potasio, magnesio e fósforo, e vitaminas do grupo B (tiamina, niacina) e vitamina C. Estas substancias son beneficiosas para o organismo, xa que melloran as doenzas relacionadas cos riles ou cistite. É aconsellable o seu consumo pola súa acción diurética e depuradora.

Inconvenientes:
A pesar do seu contido en vitamina C, pérdese a maior parte desta vitamina co pelado, e o resto durante o proceso de cocción.

Braseado de verduras con pataca e aliño de módena

Plato Primeiro prato

Información nutricional:

Kcal: 205,6
Proteínas: 10,0%
Hidratos de carbono: 66,8%
Lípidos: 23,2%

Ingredientes

120 g pataca
100 g cebola
70 g tomate
60 g pemento verde
60 g pemento vermello
vinagre módena
1 cullerada sopeira (10mL) aceite oliva
pementa
sal ao gusto

Instruccións

Tempo preparación: De 30 a 40 minutos

Fornear todas as verduras enteiras, previamente lavadas, a 170 ºC. Retirar cando estean asadas (aproximadamente 1 hora). Seguidamente, quitar as sementes dos pementos e cortar en tiras, cortar en cuartos a cebola e o tomate e colocar nunha fonte fonda para que se mesturen todos os mollos. Engadir sal, aceite de oliva e vinagre de módena. Deixar a mestura en maceración polo menos durante unha hora. Acompañar de pataca cocida. Servir quente ou frío.

Vantaxes:
A combinación de pementos verde e vermello, cebola e tomate aporta ao organismo importantes cantidades de vitaminas do grupo B, A e C, e minerales tales como potasio, magnesio, ferro ou calcio, entre outros. Ademais presentan substancias cun elevado poder antioxidante, propiedade que favorece a loita fronte aos radicais libres que provocan o envellecemento celular.

Noticias

Archivos