Arroz caldoso con chícharos

15 Xullo, 2015

Arroz caldoso con chícharos

Plato

Primeiro prato

Información nutricional:

Kcal: 211,9
Proteínas: 10,9%
Hidratos de carbono: 63,5%
Lípidos: 25,6%

Ingredientes

80 g arroz
200 mL caldo verduras
50 g chícharos
1 dente (5g) allo
30 g cebola
1 cullerada (5mL) aceite oliva
sal ao gusto

Instruccións

Tempo preparación: De 30 a 40 minutos

Rustrir a cebola xunto co allo, todo iso cortado en brounoisse, nunha cazola cun pouco de aceite de oliva. Cando a cebola e o allo estean pochados, engadir o arroz xunto cos chícharos. Mollar o arroz co dobre e medio de volume de caldo vegetal ou de auga. Poñer a punto de sal e deixar que se cocine a fervor suave e continuo durante 20 minutos.

Vantaxes:
O arroz é rico en amidón, contén vitaminas do grupo B, fósforo e potasio. É un alimento positivo para a prevención e a mellora dalgunhas patoloxías como a hipertensión e a hipercolesterolemia, debido ó seu baixo contido en sodio. A excelente dixestibilidade do arroz, ligada a unha acción astrinxente (debida a carencia de fibra), fan do arroz un alimento indicado para recuperar a mucosa intestinal tras unha gastroenterite.

Perca ao forno con salsa verde e setas

Plato Segundo prato

Información nutricional:

Kcal: 389
Proteínas: 41,9%
Hidratos de carbono: 37%
Lípidos: 21,1%

Ingredientes

150 g perca
100 g pataca
80 g setas
30 g cebola
20 g chícharos
10 g espárrago branco
100 mL caldo peixe
5 g fariña
perexil
1 dente (5g) allo
1 cullerada sopeira (10mL) aceite oliva
sal ao gusto

Instruccións

Tempo preparación: De 20 a 30 minutos

Poñer nun bandexa de forno os filetes de perca e colocar ao seu ao redor as setas. Sazonar e introducir no forno quente durante uns 15 minutos a 170 ºC. Abrir o forno e dar a volta á perca. Preparar unha salsa verde: refogar en aceite o allo e cebola picados sen que tome cor. Engadir un pouco de fariña e caldo de peixe. Deixar cocer 10 min e engadir perexil picado. Acompañar dunhas patacas redondas cocidas, chícharos e espárrago.

Vantaxes:
A perca é un peixe branco, cun baixo contido lipídico; non presenta unha porcentaxe elevada de proteínas, pero as que contén son dun alto valor biolóxico. Ademais, contén vitaminas do grupo B e A, e minerais como potasio, fósforo, magnesio e ferro.

Peituga de pavo con champiñóns e espárragos verdes

Plato Segundo prato

Información nutricional:

Kcal: 366,7
Proteínas: 39,2%
Hidratos de carbono: 23,9%
Lípidos: 36,9%

Ingredientes

150 g peituga pavo
50 g arroz
50 g champiñóns
40 g espárragos verdes
40 g cebola
1 dente (5g) allo
1 cullerada sopeira (10mL) aceite oliva
sal ao gusto

Instruccións

Tempo preparación: De 15 a 20 minutos

Filetear as peitugas de pavo e facer á prancha. Acompañar cos espárragos trigueros (previamente cocidos en abundante auga con sal) e os champiñóns, lixeiramente refogados nunha tixola, con aceite de oliva e un dente de allo; e de arroz en branco.

Vantaxes:
O pavo é fonte de proteínas, vitaminas do grupo do complexo B e ácido fólico e de minerais como o fósforo, o potasio, o magnesio, o ferro e o zinc. A carne de pavo contén maior proporción de graxa insaturada que axuda a previr os problemas do corazón. E ademais presenta menor contido en graxas saturadas e menor valor calórico.

Filete de tenreira encebolado con pataca cocida

Plato Segundo prato

Información nutricional:

Kcal: 445
Proteínas: 27,7%
Hidratos de carbono: 22,3%
Lípidos: 50%

Ingredientes

150 g tenreira tapa
100 g pataca
70 g cebola
perexil
1 cullerada sopeira (10mL) aceite oliva
sal ao gusto

Instruccións

Tempo preparación: De 15 a 20 minutos

Picar a cebola en cuadrados e pochar nunha tixola con aceite. Unha vez pochada, retirar a cebola e o exceso de aceite e cociñar os filetes volta e volta. Mentres, cocer as patacas en auga con sal. Servir os filetes e as patacas cocidas co rustrido de cebola por enriba.

Vantaxes:
A Tenreira Gallega é a primeira carne de vacún con control integral e certificado de garantía. A carne procedente do vacún é un alimento completo e esencial para unha dieta san e equilibrada, e destaca polo seu elevado contido proteico. Estas proteínas son altamente dixeribles e de gran valor biolóxico. Ademais, é rica en vitaminas do grupo B e en minerais como fósforo, magnesio e ferro.

Verduras ao forno con xamón serrano e queixo gratinado

Plato Primeiro prato

Información nutricional:

Kcal: 253,3
Proteínas: 14,8%
Hidratos de carbono: 19,7%
Lípidos: 65,5%

Ingredientes

80 g cabaciño
55 g pemento verde
55 g pemento vermello
50 g porro
15 g xamón serrano
10 g queixo
1 cullerada sopeira (10mL) aceite oliva
sal ao gusto

Instruccións

Tempo preparación: De 20 a 30 minutos

Cortar os cabaciños en rebandas finas, cubrir con sal e deixar 15 minutos para que solten auga, e secar. Lavar e cortar en tiras grosas os pementos e o porro. Untar lixeiramente as verduras cun pincel mollado en aceite de oliva, cubrir cun pouco de sal e colocar na bandexa do forno e introducir ao forno precalentado a 170ºC durante 15 minutos. Unha vez asadas as verduras cubrir con queixo relado por enriba delas e acompañar cuns cuadrados de xamón serrano. Deixar no forno ata que se gratinen lixeiramente.

Vantaxes:
Neste prato combínanse diversas verduras, cabaciño, pemento verde e vermello e porro, que aportan ao organismo importantes cantidades de vitaminas del grupo B, A e C, e minerais tales como potasio, magnesio, hierro o calcio, entre otros. Presentan substancias con un elevado poder antioxidante, propiedade que favorece a loita fronte os radicais libres que provocan o envellecemento celular.

Noticias

Archivos