Ensalada de garavanzos con pementos do piquillo

15 Xullo, 2015

Ensalada de garavanzos con pementos do piquillo

Plato

Primeiro prato

Información nutricional:

Kcal: 349.4
Proteínas: 16,5%
Hidratos de carbono: 49,4%
Lípidos: 34,1%

Ingredientes

70 g garavanzos
70 g pemento piquillo
40 g cebola
vinagre
1 cullerada sopeira (10mL) aceite oliva
pementa
sal ao gusto

Instruccións

Tempo preparación: De 30 a 40 minutos

Cocer os garavanzos, escorrer e reservar. Mesturar os garavanzos nunha ensaladera coa cebola cortada en xuliana e os pementos do piquillo cortados en tiras. Aliñar con sal, aceite de oliva e vinagre.

Vantaxes:
O nutriente principal dos garavanzos son os hidratos de carbono, dos cales o amidón é o máis abundante. Presenta un bo aporte proteico, pero sen diferenzas respecto dos demais legumes secos; ademais, son proteínas incompletas por falta de metionina (un aminoácido esencial). O contido que presenta de lípidos é maior ca no resto de legumes, destacando a presenza de ácidos insaturados como son o ácido oleico e linoleico. Os garavanzos presentan un elevado contido de folatos e tiamina, e minerais como calcio, fósforo, ferro, potasio e magnesio; ademais aportan unha gran cantidade de fibra.

Chícharos con sepia

Plato Primeiro prato

Información nutricional:

Kcal: 336,9
Proteínas: 39,5%
Hidratos de carbono: 26,8%
Lípidos: 33,7%

Ingredientes

150 g chícharos
100 mL caldo peixe
50 g sepia
50 g cebola
60 g tomate
30 g pemento verde
1 dente (5g) allo
1 cullerada sopeira (10mL) aceite oliva
sal ao gusto

Instruccións

Tempo preparación: De 40 a 50 minutos

Limpar a sepia e cortar en tiras. Rustrir a verdura nunha cazola con aceite quente e agregar as tiras de sepia. Deixar cocinar a mestura a lume suave na cazola tapada durante 1 hora. Cando a sepia comece a estar branda engadir os chícharos e cocinar o conxunto durante 15 minutos máis. No momento de servir, cubrir o preparado con perexil picado e deixar repousar 5 minutos fora do lume.

Vantaxes:
Os chícharos compóñense fundamentalmente de auga, pero destacan os hidratos de carbono, vitaminas do grupo B e C, minerais (fósforo e magnesio) e fibra , que aportan numerosos beneficios para o organismo. Estas substancias (en especial a vitamina C, calcio, magnesio, ácidos e fibras solubles) favorecen a circulación do sangue diminuíndo o colesterol. Posúen un efecto regulador do azucre en sangue que intervén no mantemento dos niveis. Aportan proteínas vexetais e minerais construtivos favorecendo o desenvolvemento das células e a súa renovación.

Entrecote de tenreira con tomate asado

Plato Segundo prato

Información nutricional:

Kcal: 423,5
Proteínas: 29,0%
Hidratos de carbono: 18,0%
Lípidos: 53,0%

Ingredientes

150 g entrecote tenreira
100 g tomate
50 g arroz
1 dente (5g) allo
1 cullerada sopeira (10mL) aceite oliva
sal ao gusto

Instruccións

Tempo preparación: De 30 a 40 minutos

Cortar os tomates á metade, quitarlles as sementes, salar un pouco e deixar escorrer. Introducilos no forno a 170 º C durante 10 minutos. Picar o allo en brounoisse e engadilo enriba dos tomates e asar todo o conxunto cun chorriño de aceite de oliva por enriba a 170 ºc durante 10 minutos. Cociñar o entrecote á prancha cun pouco de aceite de oliva, volta e volta; engadindo o sal cando xa estean cociñados. Servir os filetes de tenreira co tomate asado, acompañado de arroz branco ao forno.

Vantaxes:
A Tenreira Gallega é a primeira carne de vacún con control integral e certificado de garantía. A carne procedente do vacún é un alimento completo e esencial para unha dieta san e equilibrada, e destaca polo seu elevado contido proteico. Estas proteínas son altamente dixeribles e de gran valor biolóxico. Ademais, é rica en vitaminas do grupo B e en minerais como fósforo, magnesio e ferro.

Lombo de pescada con verduras

Plato Segundo prato

Información nutricional:

Kcal: 287,8
Proteínas: 40,9%
Hidratos de carbono: 24,9%
Lípidos: 34,2%

Ingredientes

150 g lombo pescada
75 g brócoli
60 g cenoria
50 g pataca
30 g cebola
30 g porro
1 cullerada sopeira (10mL) aceite oliva
perexil
sal ao gusto

Instruccións

Tempo preparación: De 30 a 40 minutos

Limpar os lombos de pescada, sazonar e cociñar á prancha volta e volta. Pelar e picar as verduras. Nunha cazola con aceite de oliva, pochar o porro, a cenoria e a cebola. Mentres cocer o brócoli. Engadir o refogado de verduras por enriba do brócoli escorrido. Servir a pescada á prancha coas verduras e unha pataca cocida.

Vantaxes:
A pescada é un peixe branco, é dicir, baixo en graxas; é rica en proteínas de alto valor biolóxico e posúe diferentes vitaminas e minerais. Destaca o seu contido en vitaminas do grupo B (B1, B2, B3, B9, B12). Pero, a cantidade destas vitaminas presentes na pescada non é relevante se se compara coa que conteñen alimentos ricos nestes nutrientes (cereais integrais, legumes, verduras de folla verde, fígado e carnes en xeral). En relación ós minerais, a pescada posúe potasio, fósforo e magnesio, aínda que todos eles están presentes en cantidades medias se se comparan coas contidas na maior parte dos peixes.

Peituga de pavo con mostaza

Plato Segundo prato

Información nutricional:

Kcal: 424
Proteínas: 42,7%
Hidratos de carbono: 23,9%
Lípidos: 33,4%

Ingredientes

150 g peituga pavo
50 g arroz
100 mL caldo polo
70 g cebola
10 g mostaza
5 g fariña
1 dente (5g) allo
1 cullerada sopeira (10mL) aceite oliva
sal ao gusto

Instruccións

Tempo preparación: De 30 a 40 minutos

Cortar a peituga de pavo en filetes finos e salpementalos. Facer á prancha. Preparar unha salsa refogando allo e cebola en aceite, ligar con fariña, engadir o caldo de polo e terminar coa mostaza. Triturar e cubrir o filete coa salsa. Acompañar como gornición arroz en branco.

Vantaxes:
O pavo é fonte de proteínas, vitaminas do grupo do complexo B e ácido fólico e de minerais como o fósforo, o potasio, o magnesio, o ferro e o zinc. A carne de pavo contén maior proporción de graxa insaturada que axuda a previr os problemas do corazón. Ademais presenta menor contido en graxas saturadas e menor valor calórico.

Noticias

Archivos