Coello á provenzal

15 Xullo, 2015

Coello á provenzal

Plato

Segundo prato

Información nutricional:

Kcal: 452,8
Proteínas: 18,3%
Hidratos de carbono: 19,6%
Lípidos: 62,1%

Ingredientes

150 g coello
60 g tomate
50 g pataca
40 g cabaciño
30 g pemento vermello
25 g berenxena
25 g cebola
15 g salsa tomate
1 cullerada sopeira (10mL) aceite oliva
sal ao gusto

Instruccións

Tempo preparación: De 40 a 50 minutos

Trocear e salpementar o coello. Dourar nunha tixola con aceite de oliva e reservar. Mentres, nunha cazola, pochar os dentes de allo e a cebola picados, e pemento vermello troceado, cando a cebola estea case transparente, engadir a berenxena e o cabaciño cortados en cubos, mesturar ben e engadir os tomates pelados cortados en cubos coa salsa de tomate. Engadir o coello troceado, tapar e deixar cocer a lume lento durante uns 40 minutos. Acompañar de pataca cocida.

Vantaxes:
O coello pola súa composición está recomendado en caso de seguir dietas baixas en graxa e colesterol, en caso de trastornos cardiovasculares. Ó ser unha carne branca, o seu contido en ácido úrico é menor en comparación coas carnes vermellas, o que a converte nunha carne apta para persoas con hiperuricemia ou gota.Contén proteínas de boa calidade en cantidades similares ó resto de carnes. Destaca sobre o resto de carnes polo seu elevado contido en potasio, fósforo e calcio. Ademais, o aporte de sodio é moderado, polo tanto o seu consumo é adecuado en casos de hipertensión.

Inconvenientes:
Debido a abundancia de fibras musculares o coello é unha carne máis difícil de dixerir, e isto pódeno notar as persoas que sofren de estómago delicado.

Tallaríns gratinados con feixóns verdes e gambas

Plato Primeiro prato

Información nutricional:

Kcal: 313,9
Proteínas: 23,1%
Hidratos de carbono: 36,7%
Lípidos: 40,1%

Ingredientes

80 g pasta (tallaríns)
70 g feixón verde
40 g gambas
30 g cebola
10 g queixo relado
1 dente (5g) allo
1 cullerada sopeira (10mL) aceite oliva
sal ao gusto

Instruccións

Tempo preparación: De 30 a 40 minutos

Cocer os tallaríns en abundante auga fervendo cunha pizca de sal. Refrescar e escorrer. Nunha tixola, refogar a cebola e os feixóns verdes xunto cos dentes de allo, todo iso cortado en brounoisse (cuadradiños pequenos). Unha vez refogada a verdura, engadir as gambas. Subir a intensidade do lume e deixar que se mesture, poñer a punto de sal e, nese momento, agregar a pasta cocida. Refogar todo o preparado uns instantes e cubrir co queixo relado e gratinar.

Vantaxes:
As principais características da pasta son o seu grande aporte en hidratos de carbono de absorción lenta (amidón) e en proteínas (glute), e o seu baixo contido en graxas. Ademais, ten a vantaxe de que é moi fácil de cociñar. Ademais este prato complétase co aporte en proteínas de alto valor biolóxico e tamén cos minerais das gambas. E con la riqueza en fibra dos feixóns verdes.

Filete de perca ao vapor con verduras

Plato Segundo prato

Información nutricional:

Kcal: 320,2
Proteínas: 27,1%
Hidratos de carbono: 37,0%
Lípidos: 35,8%

Ingredientes

150 g perca
50 g arroz
50 g cabaciño
40 g cebola
30 g cenoria
30 g porro
5 g mel
5 mL vinagre módena
5 mL salsa soia
1 dente (5g) allo
1 cullerada sopeira (10mL) aceite oliva
pementa branca

Instruccións

Tempo preparación: De 50 a 1 hora minutos

Picar a cebola e o perexil. Mesturar vinagre, pementa e mel. Engadir a salsa de soia e aceite de oliva, sen deixar de bater. Cando a salsa estea emulsionada, engadir a cebola e o perexil picados e reservar. Colocar unha pota ao lume con auga (do mesmo tamaño do cesto de cocción ao vapor) e agregar perexil, allo e cebola picada. Cando o auga empece a ferver, colocar os filetes de perca sobre a base do cesto. Cubrir o peixe co porro, a cenoria e o cabaciño cortados en bastóns. En canto o auga rompa a ferver, colocar o cesto na pota e tapala; baixar o lume a temperatura media e deixar cocer uns 6-8 minutos, aproximadamente, ata que o peixe cambie de cor. Retirar e servir con arroz en branco e a salsa separadamente.

Vantaxes:
A perca é un peixe branco, cun baixo contido lipídico; non presenta unha porcentaxe elevada de proteínas, pero as que contén son dun alto valor biolóxico. Ademais, contén vitaminas do grupo B e A, e minerais como potasio, fósforo, magnesio e ferro.

Medallóns de tenreira ao viño tinto

Plato Segundo prato

Información nutricional:

Kcal: 538,6
Proteínas: 29,8%
Hidratos de carbono: 28,9%
Lípidos: 41,2%

Ingredientes

150 g tenreira tapa
1 (100g) pataca
50 mL viño tinto
30 mL caldo carne
30 g cebola
10 g fariña
5 g azucre moreno
1 dente (5g) allo
1 cullerada sopeira (10mL) aceite oliva
perexil
pementa
romero
sal ao gusto

Instruccións

Tempo preparación: De 40 a 50 minutos

Facer os medallóns de tenreira á prancha, volta e volta, xa que deben quedar xugosos. Nunha tixola refogar a cebola picada fina, incorporar o vaso de viño tinto e deixar reducir. Engadir unhas ramitas de romero fresco e o caldo de carne. Deixar reducir un pouco máis. Incorporar o azucre moreno e unha vez que espese, coar e rectificar de sal e pementa se fose necesario. Rociar a carne coa salsa e servir con pataca frita dado.

Vantaxes:
A Tenreira Gallega é a primeira carne de vacún con control integral e certificado de garantía. A carne procedente do vacún é un alimento completo e esencial para unha dieta san e equilibrada, e destaca polo seu elevado contido proteico. Estas proteínas son altamente dixeribles e de gran valor biolóxico. Ademais, é rica en vitaminas do grupo B e en minerais como fósforo, magnesio e ferro.

Solombo de porco con pementos do piquillo e pataca

Plato Segundo prato

Información nutricional:

Kcal: 544,3
Proteínas: 26,3%
Hidratos de carbono: 19,0%
Lípidos: 54,6%

Ingredientes

150 g solombo porco
1 (100g) pataca
80 g pemento piquillo
1 dente (5g) allo
1 cullerada sopeira (10mL) aceite oliva
sal ao gusto

Instruccións

Tempo preparación: De 30 a 40 minutos

Cortar os solombos en medallóns, salpementar e facer á prancha. Mentres, refogar con aceite o allo picado e os pementos cortados en xulianana. Servir o solombo acompañado da fritada de pementos e unhas patacas fritas cortadas en dados.

Vantaxes:
A carne de porco contén todas as substancias minerais esenciais para o organismo (excepto o calcio). Destaca o seu aporte de ferro hemo, facilmente absorbible. A carne de porco non aporta vitaminas liposolubles, fóra das vísceras como o fígado, rico en vitamina A e D. Si contén vitaminas do complexo B, excepto o ácido fólico.

Inconvenientes:
O porco dixírese con bastante máis dificultade que outras carnes, sendo o seu consumo pouco adecuado para nenos e persoas maiores. Tampouco se aconsella para hipertensos e para persoas con exceso de colesterol. Polo seu elevado índice de graxa aconséllase un consumo prudente e medido.

Noticias

Archivos