Sepia á prancha con falso alioli

15 Xullo, 2015

Sepia á prancha con falso alioli

Plato

Segundo prato

Información nutricional:

Kcal: 400
Proteínas: 31,3%
Hidratos de carbono: 17,0%
Lípidos: 51,8%

Ingredientes

175 g sepia
50 g arroz
20 g maionesa
1 dente (5g) allo
1 cullerada (5mL) zume limón
1 cullerada (5mL) aceite oliva
perexil
sal ao gusto

Instruccións

Tempo preparación: De 20 a 30 minutos

Cortar a sepia en cadrados non moi pequenos. Preparar a salsa mesturando a maionesa con allo moi picado ou machucado no morteiro. Preparar un arroz branco ó forno para acompañar de gornición. Salgar a sepia e dourar na prancha. Colocar o arroz debaixo e a sepia enriba coa salsa á beira. Cubrir con perexil.

Vantaxes:
A sepia é un marisco con un baixo aporte calórico, fácilmente dixerible, con un alto contido en proteínas e baixo en graxas. É rica en vitaminas do grupo B, fósforo, potasio e magnesio.

Inconvenientes:
Debe controlarse o consumo de maionesa, debido ó seu alto contido en graxas.

Fabada asturiana

Plato Primeiro prato

Información nutricional:

Kcal: 759
Proteínas: 16,9%
Hidratos de carbono: 32,3%
Lípidos: 50,8%

Ingredientes

1 vaso (185 mL) auga
90 g fabas
25 g morcilla
25 g chourizo
25 g febra de porco salgada
15 g cebola
20 g orella porco
1 dente (5g) allo
30 g pataca
1 cullerada (4mL) aceite oliva
comiño moído
loureiro
sal ao gusto
colorante alimentario

Instruccións

Tempo preparación: De 30 a 40 minutos

Remollar as fabas, polo menos 12h. en auga fría con sal. Poñer a cocer todos os ingredientes en auga fría e cocer lentamente. Pódense asustar as fabas con auga fría un par de veces para favorecer a cocción. Cando todo estea cocido, facerlle un rustrido con allo e cebola picados no aceite. Dar o toque de comiño e sal se procede. Este prato estará máis saboroso ó día seguinte de realizalo.

Vantaxes:
As fabas son alimentos ricos en fibra, folatos, potasio e ferro, pero os seus compoñentes principais son os hidratos de carbono. Aportan unha cantidade importante de proteína vexetal, de peor calidade cá de orixe animal, xa que non presentan todos os aminoácidos esenciais. Axudan a previr o estrinximento, diminuír o colesterol en sangue e manter os niveis de glucosa en sangue grazas ó seu elevado contido en fibra soluble.

Froita fresca (piña)

Plato Sobremesa

Información nutricional:

Kcal: 55,2
Proteínas: 3,9%
Hidratos de carbono: 90,8%
Lípidos: 5,3%

Ingredientes

120 g piña natural

Instruccións

Cortar, pelar e servir.

Vantaxes:
A piña contén un elevado contido de auga e destaca o seu aporte en hidratos de carbono e bromelaína, enzima que facilita a dixestión de proteínas, polo que é un alimento que facilita a dixestión. Ademais destaca o seu contido en potasio, iodo e vitamina C. Grazas ó aporte desta vitamina a piña contribúe a reducir o risco de múltiples enfermidades, entre elas as cardiovasculares, as dexenerativas e mesmo o cancro.

Crema de setas

Plato Primeiro prato

Información nutricional:

Kcal: 161,7
Proteínas: 13,9%
Hidratos de carbono: 27,0%
Lípidos: 59,1%

Ingredientes

1/2 vaso (100mL) leite desnatado
1/2 vaso (100 mL) auga
75 g setas
40 g porro
1 cullerada sopeira (10mL) aceite oliva
ceboliño
sal ao gusto

Instruccións

Tempo preparación: De 20 a 30 minutos

Nun cazo refogar en aceite de oliva a parte branca do porro sen que tome cor. Engadir as setas deixando cociñar un par de minutos. Cubrir con leite e auga deixando cocer 15 min. Triturar e pasar por coador chinés. Dar o punto de sal e cubrir con perexil.

Vantaxes:
As setas conteñen un 90% de auga, hidratos de carbono e fibra, polo que se recomendan en dietas de adelgazamento. Son ricas en vitaminas do grupo B, potasio, fósforo, iodo, calcio, e outras substancias beneficiosas para o organismo. Recoméndase o consumo de porro polo seu alto contido en sales minerais (potasio, fósforo e calcio). Ademais é aconsellable cando se padece de reuma e anemia, e é un gran axente depurativo para o sangue.

Tenreira guisada con verduras

Plato Segundo prato

Información nutricional:

Kcal: 548,8
Proteínas: 24,5%
Hidratos de carbono: 26,1%
Lípidos: 49,4%

Ingredientes

140 g tenreira (cuarto dianteiro)
1 (100g) pataca
1/2 vaso (100 mL) auga
50 g salsa tomate
60 mL viño branco
30 g cebola
30 g cenoria
25 g pemento vermello
25 g pemento verde
20 g porro
1 dente (5g) allo
sal ao gusto

Instruccións

Tempo preparación: De 30 a 40 minutos

Cortar a carne en anacos non moi grandes, salgar e dourar nunha tixola cun pouco de aceite moi quente. Pasar a unha pota. Nesa tixola dourar as verduras picadas en dados non moi pequenos. Engadir viño á carne e deixar reducir. Engadir as verduras e a salsa de tomate. Mollar co caldo e cocer ata que a carne estea tenra. Cortar as patacas e dados e fritir lixeiramente para engadir ó final á carne.

Vantaxes:
A Tenreira Gallega é a primeira carne de vacún con control integral e certificado de garantía. A carne procedente do vacún é un alimento completo e esencial para unha dieta san e equilibrada, e destaca polo seu elevado contido proteico. Estas proteínas son altamente dixeribles e de gran valor biolóxico. Ademais, é rica en vitaminas do grupo B e en minerais como fósforo, magnesio e ferro.

Noticias

Archivos