Noticias

Noticias y actualidad del Grupo Cuevas

Archivos

Polo con fabas

15 Xullo, 2015

Polo con fabas

Polo con fabas

Información nutricional:

Kcal: 495,1
Proteínas: 30,2%
Hidratos de carbono: 29%
Lípidos: 40,9%

Ingredientes

  • 120 g peituga polo
  • 80 g tomate
  • 50 g fabas
  • 40 g cebola
  • 20 g pemento vermello
  • 15 g xamón serrano
  • 1 dente (5g) allo
  • 1 cullerada sopeira (10mL) aceite oliva
  • loureiro
  • pementa
  • sal ao gusto

Instruccións

Tempo preparación: Más de 1 hora minutos

Poñer as fabas a remollo a noite anterior. Pelar e picar finamente a cebola e o allo; cortar o tomate, o pemento e o xamón en dados. Poñer as fabas e a folla de loureiro nunha cazola, cubrir con auga e cocer durante 40 min, asustando con auga fría para evitar que se rompan. Mentres, salpementar as peitugas e dourar nunha tixola cun pouco de aceite de oliva e reservar. Nese mesmo aceite, rustrir a cebola e o allo durante 5 min, incorporar o xamón e fritir lixeiramente. Agregar o rustrido á cazola das fabas, engadir o tomate, o pemento e deixar cocer 10 min. Para rematar, engadir polo e continuar coa cocción 10 min máis.

Vantaxes:
A carne de polo é boa fonte de proteínas, con aminoácidos esenciais de fácil dixestión. Caracterízase polo seu baixo contido en graxas, e a pouca que presenta prevén contra enfermidades cardiovasculares. Predominan vitaminas do grupo B, tales como a niacina, piridoxina, roboflavina tiamina ou acedo fólico. Tamén é rica en minerais como potasio, ferro e fósforo.

Macarróns con bechamel de espinacas

Macarróns con bechamel de espinacas

Macarróns con bechamel de espinacas

Información nutricional:

Kcal: 275,9
Proteínas: 22,6%
Hidratos de carbono: 49%
Lípidos: 28,4%

Ingredientes

  • 80 g pasta (macarrón)
  • 100 mL leite desnatado
  • 90 g espinacas
  • 10 g fariña
  • 10 g queixo relado
  • 1 cullerada (5mL) aceite oliva
  • noz moscada
  • pementa
  • sal ao gusto

Instruccións

Tempo preparación: De 30 a 40 minutos

Cocer os macarróns o tempo que indique o fabricante. Refrescar e escorrer. Facer unha bechamel co aceite, a fariña e o leite quente e introducir as espinacas fervidas e troceadas. Cubrir a pasta coa salsa.

Vantaxes:
As principais características da pasta son o seu grande aporte en hidratos de carbono de absorción lenta (amidón) e en proteínas (glute), e o seu baixo contido en graxas. Ademais, ten a vantaxe de que é moi fácil de cociñar. As espinacas son unha fonte importante de minerais como o magnesio, potasio, calcio, fósforo e sodio. Conteñen importantes cantidades de ácido fólico, e de betacarotenos, precursores da vitamina A, que actúan contra o envellecemento celular. Tamén son ricas en vitamina C e E, de acción antioxidante, e vitaminas do grupo B. Ademais, apenas conteñen graxas. Son unha das hortalizas con maior nivel de proteínas e a proporción de fibra é considerable.

Arroz con feixóns verdes e setas

Arroz con feixóns verdes e setas

Arroz con feixóns verdes e setas

Información nutricional:

Kcal: 238,9
Proteínas: 7,2%
Hidratos de carbono: 52,1%
Lípidos:40,6%

Ingredientes

  • 75 g arroz
  • 160 g caldo de verduras
  • 50 g feixóns verdes
  • 30 g setas
  • 20 g cebola
  • 1 dente (5g) allo
  • 1 cullerada (10mL) aceite oliva
  • sal ao gusto

Instruccións

Tempo preparación: De 30 a 40 minutos

Picar a cebola e o allo en brounoisse (cadradito moi fino) e os feixóns verdes en xuliana (tiriñas moi finiñas). Nunha paelleira rustrir a cebola e o allo ata que empeza a tomar cor. Incorporar os feixóns verdes e as setas. Refogar todo o conxunto e engadir o arroz. Mollar co dobre de cantidade de caldo que de arroz, pon a punto de sal e deixar que coza uns 18 minutos. Unha vez cociñado sacar do lume e deixar repousar durante 5 minutos.

Vantaxes:
O compoñente maioritario do arroz é o amidón (70-80%). O contido de proteínas do arroz rolda o 7%, e contén naturalmente apreciables cantidades de tiamina ou vitamina B1, riboflavina ou vitamina B2 e niacina ou vitamina B3, así como fósforo e potasio. Pero no proceso de refinamento e pulido, pérdese ata o 50% do seu contido en minerais e o 85 % das vitaminas do grupo B, quedando xa que logo convertido nun alimento sobre todo enerxético. O arroz é un alimento positivo para a prevención e mellora dalgunhas patoloxías, como a hipertensión e a hipercolesterolemia, debido ó seu baixo contido en sodio. Ademais, a súa excelente dixestibilidade, ligada a unha acción astrinxente (debida á carencia de fibra), fan do arroz un alimento indicado para recuperar a mucosa intestinal tras unha gastroenterite.

Refogado de gulas e champiñóns

Refogado de gulas e champiñóns

Refogado de gulas e champiñóns

Información nutricional:

Kcal: 204,4
Proteínas: 23,4%
Hidratos de carbono: 14,6%
Lípidos: 62%

Ingredientes

  • 125 g champiñóns
  • 80 g gulas
  • 50 g tomate cherry
  • 1 dente (5g) allo
  • 1 cullerada sopeira (10mL) aceite oliva
  • chile
  • sal ao gusto

Instruccións

Tempo preparación: De 10 a 15 minutos

Limpar e cortar en láminas os champiñóns. Pelar e cortar en láminas os dentes de allo. Refogar nunha tixola con aceite de oliva os dentes de allo e cando comeza a dourarse, agregar os champiñóns laminados. Tapar a tixola e deixar cociñar a lume suave durante 10 minutos, removendo de cando en vez para que se cociñen de xeito uniforme. Unha vez cocinados os champiñóns agregar as gulas, remover, poñer a punto de sal, cubrir cun pouco de perexil e reservar. Acompañar con tomatiño cherry.

Vantaxes:
Neste prato combínanse as propiedades das gulas (surimi) que son un concentrado de proteínas insolubles e posúen baixa cantidade de lípidos, coas características dos champiñóns que é un dos fungos máis consumidos debido ás súas propiedades remineralizantes e organolépticas. Éstes non presentan un gran contido en minerais, pero si presentan unha gran variedade dos mesmos. Contén, ademais, pequenas cantidades de vitamina A, C, D e B1. O contido calórico deste alimento é baixo, sendo moi adecuado en dietas depurativas ou para perder peso. O seu aporte de fibra non soluble favorece un efecto saciante. Aporta un contido en graxas moi baixo sendo estas moi saudables (acedo linoleico). E o seu contido en selenio confírelle un efecto antioxidante.

Chícharos con bacon

Chícharos con bacon

Chícharos con bacon

Información nutricional:

Kcal: 360,3
Proteínas: 13%
Hidratos de carbono: 21,6%
Lípidos: 65,4%

Ingredientes

  • 150 g chícharos
  • 30 g bacon
  • 40 g cebola
  • 1 dente (5g) allo
  • 1 cullerada sopeira (10mL) aceite oliva
  • sal ao gusto

Instruccións

Tempo preparación: De 15 a 20 minutos

Cocer os chícharos en abundante auga fervendo e sal. Unha vez cocidos enfrialo rápidamente para que manteñan a cor verde intenso. Picar os allos e a cebola en brunoisse (picado fino) e rustrir nunha tixola co aceite de oliva a lume suave. Cando a cebola e o allo estean dourados engadir o bacon en tiras e refogar ata que este quede cruxente. A continuación agregar os chícharos e dar un fervor a todo o conxunto, ata que estes adquiran o brillo do refogado de bacon.

Vantaxes:
Os chícharos compóñense fundamentalmente de auga, pero destacan os hidratos de carbono, vitaminas do grupo B e C, minerais (fósforo e magnesio) e fibra , que aportan numerosos beneficios para o organismo. Estas substancias (en especial a vitamina C, calcio, magnesio, ácidos e fibras solubles) favorecen a circulación do sangue diminuíndo o colesterol. Posúen un efecto regulador do azucre en sangue que intervén no mantemento dos niveis. Aportan proteínas vexetais e minerais construtivos favorecendo o desenvolvemento das células e a súa renovación.