Peituga de polo con berenxena e cabaciño en papillote

15 Xullo, 2015

Peituga de polo con berenxena e cabaciño en papillote

Plato

Segundo prato

Información nutricional:

Kcal: 364,3
Proteínas: 32,5%
Hidratos de carbono: 33,2%
Lípidos: 34,3%

Ingredientes

120 g peituga polo
70 g cabaciño
70 g berenxena
60 g arroz
40 g cebola
1 dente (5g) allo
1 cullerada sopeira (10mL) aceite oliva
sal ao gusto

Instruccións

Tempo preparación: De 40 a 50 minutos

Trocear as peitugas de polo en tacos non moi grosos e salar. Cortar a cebola en xuliana fina e a berenxena e o cabaciño en rebandas tamén finas. Colocar sobre unha placa de forno unha capa de xuliana de cebola e unhas rebandas de berenxena e de cabaciño. Sobre estas colocar os taquiños de peituga de polo e unha nova capa de cebola, berenxena e cabaciño. Cubrir con papel de aluminio e fornear a 180 ºC uns 20 minutos. Acompañar de arroz en branco.

Vantaxes:
A carne de polo é unha boa fonte de proteínas, con aminoácidos esenciais de fácil dixestión. Caracterízase polo seu baixo contido en graxas, e a pouca que presenta prevén contra enfermidades cardiovasculares. Predominan vitaminas do grupo B, tales como a niacina, piridoxina, roboflavina tiamina ou acedo fólico. Tamén é rica en minerais como potasio, ferro e fósforo.

Salmorejo

Plato Primeiro prato

Información nutricional:

Kcal: 309,3
Proteínas: 10,1%
Hidratos de carbono: 44,3%
Lípidos: 45,6%

Ingredientes

250 g tomate
70 g pemento vermello
50 g pan
20 mL vinagre
20 mL aceite oliva
1 dente (5g) allo
sal ao gusto

Instruccións

Tempo preparación: De 15 a 20 minutos

Mesturar todos os ingredientes cortados en dados grandes, mollados co aceite e vinagre. Deixar repousar 1 hora aproximadamente. Pasado ese tempo triturar e sazonar. Se se desexa, alixerar cun pouco de auga. Suxerencia de presentación con ovo cocido picado.

Vantaxes:
O principal beneficio do tomate radica no seu contido en licopeno (responsable da súa coloración, que vai de amarelo a vermello). O licopeno posúe excelentes propiedades antioxidantes que protexen as células da acción dos radicais libres (principais causantes no envellecemento celular, enfermidades cardiovasculares e cancro). Ademais contén potasio, magnesio e fibra; e vitaminas do grupo B e vitamina C.

Macarróns con salchichas

Plato Primeiro prato

Información nutricional:

Kcal: 331,8
Proteínas: 13,6%
Hidratos de carbono: 35,8%
Lípidos: 50,6%

Ingredientes

80 g pasta (macarrón)
80 g salsa tomate
50 g salchichas
30 g cebola
1 cullerada (5mL) aceite oliva
pementa
sal ao gusto

Instruccións

Tempo preparación: De 30 a 40 minutos

Cocer a pasta en abundante auga con sal o tempo que indique o fabricante. Refrescar e escorrer. Mentres, pochar a cebola nunha tixola con aceite de oliva. Engadir as salchichas cortadas en rebandas. Escorrer o aceite sobrante e agregar a salsa de tomate. Para rematar, mezcar coa pasta e servir.

Vantaxes:
As principais características da pasta son o seu grande aporte en hidratos de carbono de absorción lenta (amidón) e en proteínas (glute), e o seu baixo contido en graxas. Ademais, ten a vantaxe de que é moi fácil de cociñar.

Chícharos guisados

Plato Primeiro prato

Información nutricional:

Kcal: 227,6
Proteínas: 17,2%
Hidratos de carbono: 59,4%
Lípidos: 23,4%

Ingredientes

125 g chícharos
100 mL caldo verduras
75 g pataca
40 g cenoria
10 mL viño branco
10 g cebola
1 dente (5g) allo
1 cullerada (5mL) aceite oliva
loureiro
sal ao gusto

Instruccións

Tempo preparación: De 30 a 40 minutos

Pelar e torcear en cadrados as patacas e as cenorias. Separadamente cocer os chícharos. Nunha cazola quentar o aceite, dourar a cebola e engadir os chícharos e a cenoria e refogar. Para rematar engadir o viño, o dente de allo, o loureiro e o caldo de verduras. Cocer a lume lento.

Vantaxes:
Os chícharos compóñense fundamentalmente de auga, pero destacan os hidratos de carbono, vitaminas do grupo B e C, minerais (fósforo e magnesio) e fibra , que aportan numerosos beneficios para o organismo. Estas substancias (en especial a vitamina C, calcio, magnesio, ácidos e fibras solubles) favorecen a circulación do sangue diminuíndo o colesterol. Posúen un efecto regulador do azucre en sangue que intervén no mantemento dos niveis. Aportan proteínas vexetais e minerais construtivos favorecendo o desenvolvemento das células e a súa renovación.

Atún con mexillóns en salsa de tomate

Plato Segundo prato

Información nutricional:

Kcal: 516,4
Proteínas: 31,1%
Hidratos de carbono: 18,7%
Lípidos: 50,2%

Ingredientes

150 g atún
100 g salsa tomate
75 g pataca
40 g mexillón sen cuncha
1 cullerada sopeira (10mL) aceite oliva
sal ao gusto

Instruccións

Tempo preparación: De 40 a 50 minutos

Limpar as rebandas de atún quitándolles a pel, as espiñas e a parte negra central próxima á espiña. Salgar lixeiramente as rebandas. Nunha tixola quente a lume medio, cun pouco de aceite de oliva, cociñar os centros de atún volta e volta 1 minuto por cada lado, de mañeira que estean cociñados na superficie e lixeiramente rosados no centro e reservar. Lavar ben os mexillóns e colocalos nunha pota tapada, sen auga, a lume medio, ata que se abran todos. Retirar as cunchas baleiras e colocar os mexillóns (sen o seu cuncha) nunha cazoa baixa xunto cos centros de atún cociñados, salsear coa salsa de tomate. Dar un fervor de 1 minuto e acompañar de pataca cocida.

Vantaxes:
A carne do atún posúe un 12% de graxa, rica en ácidos omega-3, que axudan a rebaixar os niveis de colesterol e triglicéridos do sangue, diminuíndo o risco de doenzas como a aterosclerose, trombose, así como a prevención de enfermidades cardíacas. Ademais, destaca pola súa composición en vitaminas e minerais. Entre as primeiras destacan as do grupo B. Outros grupos importantes de vitaminas son as liposolubles, como a A e D. Os minerais que destacan na composición do atún son o fósforo e o magnesio, dando, ademais, altos niveis de ferro e iodo.

Noticias

Archivos