Pasta con allos frescos e atún

15 Xullo, 2015

Pasta con allos frescos e atún

Plato

Primeiro prato

Información nutricional:

Kcal: 353,5
Proteínas: 17,3%
Hidratos de carbono: 37,5%
Lípidos: 45,2%

Ingredientes

80 g macarróns
80 g salsa tomate
40 g atún en aceite
25 g allos tenros
1 cullerada (5mL) aceite oliva
pementa
sal ao gusto

Instruccións

Tempo preparación: De 30 a 40 minutos

Cocer a pasta en abundante auga con sal o tempo que indique o fabricante. Escorrer e reservar. Doutra banda, nunha tixola con aceite de oliva, refogar os allos tenros picados e antes de que se torren en exceso, engadir a pasta escorrida e a salsa de tomate caseira. Remover rápidamente para que se impregne do aroma dos allos tenros e tomate. Cubrir con pementa branca. No momento de servir agregar por enriba o atún escorrido.

Vantaxes:
As principais características da pasta son o seu grande aporte en hidratos de carbono de absorción lenta (amidón) e en proteínas (glute), e o seu baixo contido en graxas. Ademais, ten a vantaxe de que é moi fácil de cociñar.

Branqueta de tenreira con arroz

Plato Segundo prato

Información nutricional:

Kcal: 500,9
Proteínas: 27,7%
Hidratos de carbono: 33,9%
Lípidos: 38,4%

Ingredientes

150 g tenreira guisar
100 g arroz
50 mL leite desnatado
40 g cebola
40 g champiñóns
20 g chícharos
6 g fariña
1 cullerada (6mL) aceite oliva
pementa branca
perexil
sal ao gusto

Instruccións

Tempo preparación: De 30 a 40 minutos

Cocer a tenreira en auga. Escorrer e cortar en dados (de 25 gr. cada un aprox.). Preparar como unha bechamel: no aceite refogar a cebola picada sen que tome cor, engadir a fariña e posteriormente o leite quente e a mesma cantidade de auga de cocer a carne. Dar o punto de sal e pementa. Introducir a tenreira de novo na salsa e engadir os chícharos cocidos e os champiñóns. Acompañar de arroz branco ao forno.

Vantaxes:
A Tenreira Gallega é a primeira carne de vacún con control integral e certificado de garantía. A carne procedente do vacún é un alimento completo e esencial para unha dieta san e equilibrada, e destaca polo seu elevado contido proteico. Estas proteínas son altamente dixeribles e de gran valor biolóxico. Ademais, é rica en vitaminas do grupo B e en minerais como fósforo, magnesio e ferro.

Bertorella á galega

Plato Segundo prato

Información nutricional:

Kcal: 525,0
Proteínas: 30,2%
Hidratos de carbono: 32,6%
Lípidos: 37,2%

Ingredientes

150 g bertorella
150 g pataca
40 g chícharos
2 dentes (10g) allo
2 culleradas (20mL) aceite oliva
pementón doce
loureiro
sal ao gusto

Instruccións

Tempo preparación: De 30 a 40 minutos

Limpar e cortar a bertorella en rebandas. Poñer a cocer en auga con loureiro as patacas cortadas en rebandas grosas. Aos 8 minutos engadir o peixe e cocer de 5 a 8 minutos máis. Separadamente, preparar unha allada co aceite, allo e pementón. Servir a bertorella enriba das patacas acompañado por chícharos cocidos aparte e a salsa allada por enriba.

Vantaxes:
A brótola o bertorella, nome polo que se coñece comercialmente a esta especie, é un peixe branco, ainda que dependendo da época e do seu tamaño tammén se pode considerar pescado semigraso. Os pescados brancos son baixos en graxas; ricos en proteínas de alto valor biolóxico e posúen diferentes vitaminas e minerais. Destacan polo seu contido en vitaminas do grupo B (B1, B2, B3, B9, B12). En relación aos minerais, los pescados brancos posúen potasio, fósforo e magnesio, ainda que todos eles están presentes en cantidades medias si se comparan coas contidas na maior parte dos peixes.

Arroz con pementos

Plato Primeiro prato

Información nutricional:

Kcal: 201,8
Proteínas: 7,8%
Hidratos de carbono: 64,9%
Lípidos: 27,3%

Ingredientes

80 g arroz
1 vaso (200 mL) caldo verduras
60 g pemento verde
60 g pemento piquillo
30 g cebola
1 dente (5g) allo
1 cullerada sopeira (10mL) aceite oliva
colorante alimentario
perexil
sal ao gusto

Instruccións

Tempo preparación: De 40 a 50 minutos

Preparar as verduras para o rustrido, cortando a cebola, e os pementos, xa sen sementes, en cadradiños. Quentar o aceite nunha cazola e rustrir a cebola e o allo picado a lume lento durante uns cinco minutos. Engadir os pementos e deixar cocer a mestura a lume medio ata que empeza a dourarse. Poñer a punto de sal. Engadir o arroz e a cullerada de colorante alimentario e deixar refogar coas verduras. Cubrir co caldo de verduras ou con auga (o dobre de líquido que de arroz) e deixar a lume suave durante 15 minutos. Deixar repousar durante 5 minutos destapado e xa estará listo para servir.

Vantaxes:
O compoñente maioritario do arroz é o amidón (70-80%). O contido de proteínas do arroz rolda o 7%, e contén naturalmente apreciables cantidades de tiamina ou vitamina B1, riboflavina ou vitamina B2 e niacina ou vitamina B3, así como fósforo e potasio. Pero no proceso de refinamento e pulido, pérdese ata o 50% do seu contido en minerais e o 85 % das vitaminas do grupo B, quedando xa que logo convertido nun alimento sobre todo enerxético. O arroz é un alimento positivo para a prevención e mellora dalgunhas patoloxías, como a hipertensión e a hipercolesterolemia, debido ó seu baixo contido en sodio. Ademais, a súa excelente dixestibilidade, ligada a unha acción astrinxente (debida á carencia de fibra), fan do arroz un alimento indicado para recuperar a mucosa intestinal tras unha gastroenterite.

Cinta de lombo de porco con salsa de cirolas pasas

Plato Segundo prato

Información nutricional:

Kcal: 434,7
Proteínas: 33,4%
Hidratos de carbono: 31,7%
Lípidos: 34,9%

Ingredientes

150 g lombo porco
60 g cebola
50 g arroz
50 mL viño branco
20 g cirolas pasas
10 g porro
10 g cenoria
5 g fariña
1 dente (5g) allo
noz moscada
loureiro
pementa
1 cullerada sopeira (10mL) aceite oliva
sal ao gusto

Instruccións

Tempo preparación: Más de 1 hora minutos

Cortar a metade da cebola en dados grandes, xunto co porro e a cenoria, dispoñelos nunha placa de forno, incorporar o lombo (previamente marcado á prancha por ambas caras). Fornear 45 min a 160ºC aproximadamente. Regar con viño branco varias veces. Unha vez asado coar o mollo resultante da cocción. Deixar enfriar un pouco para porder cortar en rebandas finas. Cortar o resto da cebola en dados pequenos pochar no aceite xunto co allo picado e deixar que doure, ligar con fariña e mollar co caldo da cocción.Terminar coas cirolas previamente remolladas en cogñac. Se a salsa está un pouco espesa, engádese nata líquida ou leite. Sérvese nunha fonte a carne coa salsa e acompañado de arroz en branco.

Vantaxes:
A carne de porco contén todas as substancias minerais esenciais para o organismo (excepto o calcio). Destaca o seu aporte de ferro hemo, facilmente absorbible. A carne de porco non aporta vitaminas liposolubles, fóra das vísceras como o fígado, rico en vitamina A e D. Si contén vitaminas do complexo B, excepto o ácido fólico.

Noticias

Archivos