Patacas castelás

15 Xullo, 2015

Patacas castelás

Plato

Primeiro prato

Información nutricional:

Kcal: 314,6
Proteínas: 17,5%
Hidratos de carbono: 55%
Lípidos:27,5%

Ingredientes

200 g pataca
100 mL caldo carne
30 g cebola
5 g fariña
1 dente (5g) allo
1 cullerada sopeira (10mL) aceite oliva
pementón doce
loureiro
pementa
sal ao gusto

Instruccións

Tempo preparación: De 30 a 40 minutos

Nunha tixola refogar a cebola picada fina co allo picado, ata que empeza a dourarse. Engadir as patacas peladas e cortadas en dados grosos e refogar uns minutos. Cubrir co pementón e remover uns minutos. Engadir a fariña, removendo brevemente ata que comece a dourarse. Verter o caldo ou auga, ata cubrir as patacas, engadir unha folla de loureiro e salpementar. Deixar cocer a lume lento uns 20-30 minutos, ou ata que as patacas queden moi tenras.

Vantaxes:
O principal compoñente da pataca despois da auga, é o amidón. Cabe destacar o seu baixo aporte de proteínas e graxas. Ademais é unha importante fonte de minerais como potasio, magnesio e fósforo, e vitaminas do grupo B (tiamina, niacina) e vitamina C. Estas substancias son beneficiosas para o organismo, xa que melloran as doenzas relacionadas cos riles ou cistite. É aconsellable o seu consumo pola súa acción diurética e depuradora.

Polo asado con piña

Plato Segundo prato

Información nutricional:

Kcal: 456,8
Proteínas: 39,7%
Hidratos de carbono: 32,1%
Lípidos: 28,2%

Ingredientes

150 g polo enteiro
100 g piña natural
50 g puré pataca
50 mL caldo polo
50 mL zume piña
40 g cebola
1 dente (5g) allo
1 cullerada sopeira (10mL) aceite oliva
pementa
sal ao gusto

Instruccións

Tempo preparación: De 30 a 40 minutos

Trocear o polo, dourar nunha cazola cun pouco de aceite de oliva, engadir a cebola picada, o allo machacado e sal ao gusto. Cubrir con zumo de piña e caldo de polo, ferver ata que espese a salsa e o polo estea cociñado. Acompañar dunha rebanda de piña á prancha e puré de pataca.

Vantaxes:
A carne de polo contén aminoácidos esenciais de fácil asimilación, e polo tanto é unha boa fonte de vitaminas. O seu baixo contido en graxas fai que o aporte calórico non sexa elevado. Contén vitaminas do grupo B, como niacina, piridoxina, riboflavina, tiamina e ácido fólico. Ademais é rica en minerais como potasio, ferro e fósforo.

Filete de fletán con salsa lixeira de laranxa

Plato Segundo prato

Información nutricional:

Kcal: 383,4
Proteínas: 36,6%
Hidratos de carbono: 33,4%
Lípidos: 30,0%

Ingredientes

150 g filete fletán
1 (100g) pataca
50 mL zume laranxa
40 g cebola
5 g fariña
1 dente (5g) allo
1 cullerada sopeira (10mL) aceite oliva
ceboliño
sal ao gusto

Instruccións

Tempo preparación: De 30 a 40 minutos

Limpar o peixe e filetear. Cociñalo á prancha. Reservar. Refogar no aceite o allo e a cebola picados, ligar con fariña e mollar co zume de laranxa, cociñar ata que espese a salsa. Triturar e salpementar. Acompañar de pataca fervida.

Vantaxes:
O fletán ou halibut é un peixe branco e sen espiñas, adecuado para dietas baixas en calorías polo seu pobre contido en graxas. Este peixe presenta unha cantidade notable de proteínas de boa calidade e vitaminas do grupo B. O fletán contén tamén vitamina E, cunha importante acción antioxidante. A cantidade desta vitamina no halibut é superior á da maior parte dos peixes brancos. En canto aos minerais destacan o potasio, o magnesio, o fósforo e o iodo.

Ensalada de lentellas

Plato Primeiro prato

Información nutricional:

Kcal: 386,6
Proteínas: 23,3%
Hidratos de carbono: 44,7%
Lípidos: 32,0%

Ingredientes

80 g lentellas
30 g ovo
10 g pemento vermello
10 g pemento verde
10 g tomate cherry
10 g cebola
5 mL vinagre
1 cullerada sopeira (10mL) aceite oliva
sal ao gusto

Instruccións

Tempo preparación: De 30 a 40 minutos

Cocer as lentellas e refrescar. Xa en frio mesturar co resto de ingredientes picados excepto o tomate cherry, que se engade cortado á metade ou enteiro. Aliñar ao gusto.

Vantaxes:
As lentellas son fonte natural de proteínas. A riqueza proteica e de ácidos nucleicos favorece a loita fronte ó envellecemento celular. As lentellas posúen un alto contido en hidratos de carbono, pero as legumes teñen a capacidade de controlar a glucosa que se incorpora no sangue. Ademais, as lentellas conteñen unha alta porcentaxe de potasio, que favorece a eliminación de líquidos do organismo. Son ricas en vitaminas do grupo B, ácido fólico e ferro.

Inconvenientes:
O ferro de orixe vexetal é de máis difícil absorción que o ferro de orixe animal.

Coello ao viño branco con verduras

Plato Segundo prato

Información nutricional:

Kcal: 515,9
Proteínas: 23,0%
Hidratos de carbono: 23,3%
Lípidos: 53,7%

Ingredientes

150 g coello
100 mL caldo carne
60 g cenoria
50 g arroz
50 g salsa tomate
50 mL viño branco
40 g cebola
1 dente (5g) allo
1 cullerada sopeira (10mL) aceite oliva
pementa
tomiño
sal ao gusto

Instruccións

Tempo preparación: De 30 a 40 minutos

Macerar o coello co aceite e tomiño. Salpementar e dourar o coello nunha tixola. Nunha pota pochar as verduras e engadir o coello, mollar con viño branco, reducir e cocer co caldo, acompañar de arroz branco ao forno.

Vantaxes:
O coello pola súa composición está recomendado en caso de seguir dietas baixas en graxa e colesterol, en caso de trastornos cardiovasculares. Ó ser unha carne branca, o seu contido en ácido úrico é menor en comparación coas carnes vermellas, o que a converte nunha carne apta para persoas con hiperuricemia ou gota.Contén proteínas de boa calidade en cantidades similares ó resto de carnes. Destaca sobre o resto de carnes polo seu elevado contido en potasio, fósforo e calcio. Ademais, o aporte de sodio é moderado, polo tanto o seu consumo é adecuado en casos de hipertensión.

Inconvenientes:
Debido a abundancia de fibras musculares o coello é unha carne máis difícil de dixerir, e isto pódeno notar as persoas que sofren de estómago delicado.

Noticias

Archivos