Feixóns verdes con pemento

15 Xullo, 2015

Feixóns verdes con pemento

Plato

Primeiro prato

Información nutricional:

Kcal: 244,4
Proteínas: 9,8%
Hidratos de carbono: 53,1%
Lípidos: 37,1%

Ingredientes

150 g feixón verde
80 g pataca
40 g pemento piquillo
40 g cebola
1 dente (5g) allo
1 cullerada sopeira (10mL) aceite oliva
pementa
sal ao gusto

Instruccións

Tempo preparación: De 30 a 40 minutos

Trocear os feixóns verdes, cocelos en auga fervendo con sal ata que estean tenras. No aceite refogar o allo, a cebola e o pemento de piquillo. Mesturar todo e salpementar. Acompañar de pataca cocida.

Vantaxes:
Os feixóns caracterízanse polo seu baixo aporte calórico, fundamentalmente polo seu escaso contido en graxas e á súa riqueza en fibra; son pobres en sodio e conteñen vitaminas como a vitamina A e B6 (piridoxina).

Perca con tallaríns

Plato Segundo prato

Información nutricional:

Kcal: 308
Proteínas: 3,3%
Hidratos de carbono: 30,4%
Lípidos: 38,3%

Ingredientes

160 g perca
70 g tallaríns
30 g cebola
1 dente (5g) allo
1 cullerada sopeira (10mL) aceite oliva
perexil
pementa
sal ao gusto

Instruccións

Tempo preparación: De 30 a 40 minutos

Ferver a pasta o tempo que nos indique o fabricante, refrescar, escorrer. Limpar a perca, filetear e facer á prancha. Refogar o allo e a cebola no aceite, engadir os tallaríns, salpementar e servir.

Vantaxes:
A perca é un peixe branco, cun baixo contido lipídico; non presenta unha porcentaxe elevada de proteínas, pero as que contén son dun alto valor biolóxico. Ademais, contén vitaminas do grupo B e A, e minerais como potasio, fósforo, magnesio e ferro.

Ensalada de lentellas con feixóns verdes

Plato Primeiro prato

Información nutricional:

Kcal: 255,5
Proteínas: 23,8%
Hidratos de carbono: 56,8%
Lípidos: 19,4%

Ingredientes

60 g lentellas
45 g feixón verde
20 g cenoria
20 g cebola
5 mL vinagre Xerez
1 cullerada sopeira (10mL) aceite oliva
sal ao gusto

Instruccións

Tempo preparación: De 20 a 30 minutos

Facer un rustrido coa cebola picada, unha vez pochada engadir a cenoria e refogar ata que estea branda. Poñer as lentellas a cocer en auga fría con sal. Unha vez cocidas, refrescar e escorrer, cubrir co rustrido. Cocer os feixóns verdes. Refrescar, escorrer e reservar. Mesturar todo e aliñar con sal, aceite de oliva e vinagre de Xerez.

Vantaxes:
As lentellas son fonte natural de proteínas. A riqueza proteica e de ácidos nucleicos favorece a loita fronte ó envellecemento celular. As lentellas posúen un alto contido en hidratos de carbono, pero as legumes teñen a capacidade de controlar a glucosa que se incorpora no sangue. Ademais, as lentellas conteñen unha alta porcentaxe de potasio, que favorece a eliminación de líquidos do organismo. Son ricas en vitaminas do grupo B, ácido fólico e ferro.

Bonito con fritada

Plato Segundo prato

Información nutricional:

Kcal: 463,4
Proteínas: 38,7%
Hidratos de carbono: 18,9%
Lípidos: 42,4%

Ingredientes

150 g bonito
250 g tomate
50 g pemento verde
50 g cebola
10 g fariña
5 g azucre
1 cullerada sopeira (10mL) aceite oliva
sal ao gusto

Instruccións

Tempo preparación: De 40 a 50 minutos

Refogar a cebola e o pemento, ligar con fariña, engadir o tomate cortado a dados, o azucre e cociñar, marcar o bonito na prancha e cubrir coa salsa.

Vantaxes:
O bonito clasifícase dentro dos denominados peixes azuis, que se caracterizan polo seu contido en graxa omega 3. Este tipo de graxa ten un efecto moi beneficioso para a saúde, xa que contribúe a diminuír o colesterol sanguíneo e outros factores de risco das enfermidades cardiovasculares. Ademais, o peixe azul aporta proteínas de boa calidade e vitaminas, entre as que destaca a vitamina D.

Espinacas con arroz cremoso

Plato Primeiro prato

Información nutricional:

Kcal: 323,4
Proteínas: 22,5%
Hidratos de carbono: 25,9%
Lípidos: 51,6%

Ingredientes

150 g espinacas
60 g arroz
40 g queixo
5 g manteiga
1 dente (5g) allo
1 cullerada (5mL) aceite oliva
sal ao gusto

Instruccións

Tempo preparación: De 20 a 30 minutos

Cocer as espinacas. Escorrer. Ferver o arroz en abundante auga. Nunha pota pochar o allo e a cebola picados, engadimos o arroz e as espinacas, terminar co queixo e a manteiga. Ligar ata que quede cremoso.

Vantaxes:
As espinacas son unha fonte importante de minerais como o magnesio, potasio, calcio, fósforo e sodio. Conteñen importantes cantidades de ácido fólico, e de betacarotenos, precursores da vitamina A, que actúan contra o envellecemento celular. Tamén son ricas en vitamina C e E, de acción antioxidante, e vitaminas do grupo B. Ademais, apenas conteñen graxas. Son unha das hortalizas con maior nivel de proteínas e a proporción de fibra é considerable.

Noticias

Archivos