Filete de fletán ao forno con brócoli

15 Xullo, 2015

Filete de fletán ao forno con brócoli

Plato

Segundo prato

Información nutricional:

Kcal: 371,6
Proteínas: 42%
Hidratos de carbono: 23.9%
Lípidos: 34,0%

Ingredientes

150 g filete fletán
60 g brócoli
80 g pataca
50 mL viño branco
30 g cebola
10 g pemento vermello
10 g pemento verde
1 cullerada sopeira (10mL) aceite oliva
perexil
sal ao gusto

Instruccións

Tempo preparación: De 20 a 30 minutos

Limpar o peixe e filetearlo. Cortar a pataca en rebandas finas e dar un toque de fritura sen que doure moito. Poñer as patacas nunha placa de forno e enriba as verduras cortadas en tiras e o viño e introducir no forno 15 minutos a 175ºC. Colocar o peixe, con sal, enriba das patacas, rociar co aceite de oliva deixar e 5 minutos máis. Retirar do forno. Servir acompañado de brócoli cocido a aprte. Decorar con perexil.

Vantaxes:
O fletán ou halibut é un peixe branco e sen espiñas, adecuado para dietas baixas en calorías polo seu pobre contido en graxas. Este peixe presenta unha cantidade notable de proteínas de boa calidade e vitaminas do grupo B. O fletán contén tamén vitamina E, cunha importante acción antioxidante. A cantidade desta vitamina no halibut é superior á da maior parte dos peixes brancos. En canto aos minerais destacan o potasio, o magnesio, o fósforo e o iodo.

Filete de porco en salsa de champiñóns

Plato Segundo prato

Información nutricional:

Kcal: 378,3
Proteínas: 29,7%
Hidratos de carbono: 24,7%
Lípidos: 45,6%

Ingredientes

120 g lombo porco
50 g pemento vermello
50 g pemento verde
50 g arroz
40 g cebola
40 g champiñón entero
1 dente (5g) allo
1 cullerada sopeira (10mL) aceite oliva
romero
sal ao gusto

Instruccións

Tempo preparación: De 20 a 30 minutos

Cortar o lombo en filetes, salpementar e facer á prancha. Refogar no aceite allo, cebola e os pementos picados, cubrir co caldo e deixar reducir, introducir os champiñóns e reservar. Acompañar de arroz fervido.

Vantaxes:
A carne de porco contén todas as substancias minerais esenciais para o organismo (excepto o calcio). Destaca o seu aporte de ferro hemo, facilmente absorbible. A carne de porco non aporta vitaminas liposolubles, fóra das vísceras como o fígado, rico en vitamina A e D. Si contén vitaminas do complexo B, excepto o ácido fólico.

Inconvenientes:
O porco dixírese con bastante máis dificultade que outras carnes, sendo o seu consumo pouco adecuado para nenos e persoas maiores. Tampouco se aconsella para hipertensos e para persoas con exceso de colesterol. Polo seu elevado índice de graxa aconséllase un consumo prudente e medido.

Alcachofas refogadas con tomate

Plato Primeiro prato

Información nutricional:

Kcal: 272,2
Proteínas: 10,5%
Hidratos de carbono: 26,3%
Lípidos: 63,2%

Ingredientes

150 g alcachofas
75 g salsa tomate
15 g bacon
1 cullerada sopeira (10mL) aceite oliva
sal ao gusto

Instruccións

Tempo preparación: De 20 a 30 minutos

Cocer as alcachofas en auga con sal. Cortar o bacon en tiras non moi finas refogar no aceite e engadir a salsa de tomate. Cortar as alcachofas á metade e mesturar.

Vantaxes:
O potasio e a fibra son dous dos nutrientes máis abundantes desta hortaliza. Tamén destaca polo seu alto contido en magnesio, fósforo e calcio. Na súa composición atopamos a cinarina, que ten efecto colerético, é dicir, que estimula a función do fígado e facilita a dixestión de graxas. Posúe, tamén, esteroles, que teñen capacidade para limitar a absorción do colesterol no intestino.

Guiso de melva

Plato Segundo prato

Información nutricional:

Kcal: 438,3
Proteínas: 23,8%
Hidratos de carbono: 25,1%
Lípidos: 51,1%

Ingredientes

150 g melva
1 (100g) pataca
20 g chícharos
20 g cebola
20 g pemento vermello
20 g pemento verde
1 dente (5g) allo
1 cullerada sopeira (10mL) aceite oliva
pementón doce
sal ao gusto

Instruccións

Tempo preparación: De 20 a 30 minutos

Limpar e cortar a melva. Refogar allo, cebola e pementos en aceite. Engadir a pataca en dados grandes e pementón. Cubrir con auga. Engadir a melva e os chícharos ata completar a súa cocción.

Vantaxes:
A melva é un peixe azul. Como tal é un alimento cun elevado valor nutricional, debido ó seu contido en proteínas de alto valor biolóxico, aporte vitamínico e o seu contido en ácidos graxos insaturados omega-3, que preveñen das enfermidades cardiovasculares e cancro.

Patacas en salsa verde

Plato Primeiro prato

Información nutricional:

Kcal: 314,6
Proteínas: 23,8%
Hidratos de carbono: 50,1%
Lípidos: 26,0%

Ingredientes

1 grande (150g) pataca
60 mL caldo peixe
25 g cebola
20 g chícharos
50 g bacallau
5 g fariña
1 dente (5g) allo
1 cullerada (5mL) aceite oliva
perexil
sal ao gusto

Instruccións

Tempo preparación: De 20 a 30 minutos

Ferver a pataca redonda e reservar. Refogar o allo, cebola picados en aceite, cubrir de fariña cubrir con caldo, engadir o perexil e os chícharos. Introducir as migas na salsa e rematar mesturando coas patacas.

Vantaxes:
O principal compoñente da pataca despois da auga, é o amidón. Cabe destacar o seu baixo aporte de proteínas e graxas. Ademais é unha importante fonte de minerais como potasio, magnesio e fósforo, e vitaminas do grupo B (tiamina, niacina) e vitamina C. Estas substancias son beneficiosas para o organismo, xa que melloran as doenzas relacionadas cos riles ou cistite. É aconsellable o seu consumo pola súa acción diurética e depuradora.

Inconvenientes:
A pesar do seu contido en vitamina C, pérdese a maior parte desta vitamina co pelado, e o resto durante o proceso de cocción.

Noticias

Archivos