Ensalada de arroz á vinagreta

15 Xullo, 2015

Ensalada de arroz á vinagreta

Plato

Primeiro prato

Información nutricional:

Kcal: 279,1
Proteínas: 11,8%
Hidratos de carbono: 33,5%
Lípidos: 54,7%

Ingredientes

60 g arroz
20 g ovo cocido
20 g xamón cocido
20 g millo
20 g chícharos
10 g cebola
10 g pemento verde
15 g pemento vermello
1 cullerada sopeira (10mL) aceite oliva
vinagre
perexil
sal ao gusto

Instruccións

Tempo preparación: De 20 a 30 minutos

Cocer o arroz en auga abundante con sal durante 20 minutos, e deixar enfriar. Cocer os chícharos. Separadamente, cortar en dados o resto dos ingredientes, excepto o millo. Mesturar as verduras e o ovo e engadir a vinagreta. Xuntar co arroz e mesturar. Pódese servir morna ou fría.

Vantaxes:
O arroz é rico en amidón, contén vitaminas do grupo B, fósforo e potasio. É un alimento positivo para a prevención e a mellora dalgunhas patoloxías como a hipertensión e a hipercolesterolemia, debido ó seu baixo contido en sodio. A excelente dixestibilidade do arroz, ligada a unha acción astrinxente (debida a carencia de fibra), fan do arroz un alimento indicado para recuperar a mucosa intestinal tras unha gastroenterite.

Refogado vexetal

Plato Primeiro prato

Información nutricional:

Kcal: 220,7
Proteínas: 16,1%
Hidratos de carbono: 38,9%
Lípidos: 43,0%

Ingredientes

150 g espinacas
80 g pataca
40 g porro
20 g cenoria
caiena
perexil
pementa
1 cullerada (5mL) aceite oliva
sal ao gusto

Instruccións

Tempo preparación: De 20 a 30 minutos

Limpar as espinacas e reservar. Pelar a cenoria e o porro e cortalos en bastóns grosos. Nunha pota cocer as espinacas e escorrer, separadamente nunha paelleira refogar en aceite a cenoria co porro, unha vez listos verter sobre a espinaca, refogar e servir.

Vantaxes:
As espinacas son unha fonte importante de minerais como o magnesio, potasio, calcio, fósforo e sodio. Conteñen importantes cantidades de ácido fólico, e de betacarotenos, precursores da vitamina A, que actúan contra o envellecemento celular. Tamén son ricas en vitamina C e E, de acción antioxidante, e vitaminas do grupo B. Ademais, apenas conteñen graxas. Son unha das hortalizas con maior nivel de proteínas e a proporción de fibra é considerable.

Inconvenientes:
O ferro de orixe animal absórbese máis facilmente ca o vexetal. Polo tanto, para un bo aporte de ferro é necesario o consumo de alimentos de orixe animal.

Pementos reenchidos de porro con salsa de queixo

Plato Primeiro prato

Información nutricional:

Kcal: 365,9
Proteínas: 22,1%
Hidratos de carbono: 23,2%
Lípidos: 54,7%

Ingredientes

125 g pementos piquillo
60 g queixo Arzúa
40 g porro
40 g cebola
35 mL auga
10 mL caldo verduras
10 g fariña
1 cullerada sopeira (10mL) aceite oliva
sal ao gusto

Instruccións

Tempo preparación: De 30 a 40 minutos

Para elaborar o reenchido: picar o porro e refogar no aceite, engadir as patacas cortadas en dados e mollar co caldo. Coa axuda dunha culler reencher os pementos. Para elaborar a salsa: refogar a cebola picada, engadir a fariña sen que se queime, cubrir con auga e rematar co queixo ata fundir.

Vantaxes:
Os hidratos de carbono son o compoñente maioritario dos pementos. Tamén teñen un elevado contido en auga e o seu contido en lípidos é moi escaso, isto fai que o seu valor calórico sexa baixo. É un dos alimentos máis ricos en vitamina C, incluso proporciona o dobre desta vitamina que a laranxa. Pero tamén é rico en carotenos, como o beta-caroteno ou provitamina A. Ademais, como as verduras en xeral, os pementos son ricos en fibra. E en canto ós minerais, contén, principalmente, fósforo, potasio, magnesio e calcio.

Verduras ao forno

Plato Primeiro prato

Información nutricional:

Kcal: 224,5
Proteínas: 6,6%
Hidratos de carbono: 53,9%
Lípidos: 39,5%

Ingredientes

1 (100g) pataca
60 g pemento vermello
50 g cabaciño
50 g cebola
40 g berenxena
1 dente (5g) allo
1 cullerada (5mL) aceite oliva
perexil
sal ao gusto

Instruccións

Tempo preparación: De 20 a 30 minutos

Colocar todas as verduras nunha placa de forno e asar a 180ºC ata a súa cocción. Acompañar dunhas patacas cocidas. Aliñar.

Vantaxes:
A berenxena e o cabaciño caracetrízanse polo seu elevado contido en auga. Presentan vitaminas do grupo B, A, C y ácido fólico y minerales como potasio, fósforo, ferro e calcio. Ambos alimentos son ricos en substancias antioxidantes, que regulan os niveis de auga na célula, e melloran o funcionamento intestinal e dixestivo.

Zancos de polo con tomate

Plato Segundo prato

Información nutricional:

Kcal: 462,3
Proteínas: 38,1%
Hidratos de carbono: 13,0%
Lípidos: 48,9%

Ingredientes

150 g zanco polo
120 g salsa tomate
50 g arroz
50 g cebola
40 mL caldo carne
1 dente (5g) allo
1 cullerada sopeira (10mL) aceite oliva
sal ao gusto

Instruccións

Tempo preparación: De 30 a 40 minutos

Poñer nunha pota con aceite a dourar o allo fileteado, engadir a cebola moi picada e refogar uns minutos. Incorporar a salsa de tomate, engadir o caldo de carne e deixar cocinar. Nunha tixola, fritir o polo sazonado e incorporar á salsa, deixar ao lume uns minutos máis e servir. Acompañar de arroz.

Vantaxes:
A carne de polo é boa fonte de proteínas, con aminoácidos esenciais de fácil dixestión. Caracterízase polo seu baixo contido en graxas, e a pouca que presenta prevén contra enfermidades cardiovasculares. Predominan vitaminas do grupo B, tales como a niacina, piridoxina, roboflavina tiamina ou ácido fólico. Tamén é rica en minerais como potasio, ferro e fósforo.

Noticias

Archivos