Espinacas refogadas con champiñóns

15 Xullo, 2015

Espinacas refogadas con champiñóns

Plato

Primeiro prato

Información nutricional:

Kcal: 119,3
Proteínas: 30,2%
Hidratos de carbono: 24,8%
Lípidos: 45,0%

Ingredientes

150 g espinacas
50 g champiñóns
40 g cebola
1 dente (5g) allo
1 cullerada sopeira (10mL) aceite oliva
pementa
sal ao gusto

Instruccións

Tempo preparación: De 20 a 30 minutos

Cocer as espinacas. Refogar o allo e a cebola cortada en tiras, engadir os champiñóns laminados. Mesturar coas espinacas. Salpementar.

Vantaxes:
As espinacas son unha fonte importante de minerais como o magnesio, potasio, calcio, fósforo e sodio. Conteñen importantes cantidades de ácido fólico, e de betacarotenos, precursores da vitamina A, que actúan contra o envellecemento celular. Tamén son ricas en vitamina C e E, de acción antioxidante, e vitaminas do grupo B. Ademais, apenas conteñen graxas. Son unha das hortalizas con maior nivel de proteínas e a proporción de fibra é considerable.

Inconvenientes:
O ferro de orixe animal absórbese mais facilmente que o presente nos vexetais. Por tanto, para un bo aporte de ferro é necesario o consumo de alimentos de orixe animal.

Champiñóns con gambas

Plato Primeiro prato

Información nutricional:

Kcal: 193,2
Proteínas: 38,1%
Hidratos de carbono: 21,1%
Lípidos: 40,8%

Ingredientes

150 g champiñóns laminados
60 mL viño branco
50 g gambas
1 dente (5g) allo
chile
1 cullerada (5mL) aceite oliva
sal ao gusto

Instruccións

Tempo preparación: De 15 a 20 minutos

Poñer na tixola os allos en láminas, refogalos e engadir a guindilla. Incorporar os champiñóns cortados en láminas e refogar ata que estean tenros, engadir as gambas e o viño branco e comprobar de sal.

Vantaxes:
O champiñón é un dos fungos máis consumidos debido ás súas propiedades remineralizantes e organolépticas. Non presenta un gran contido en minerais, pero si presenta unha gran variedade dos mesmos. Contén, ademais, pequenas cantidades de vitamina A, C, D e B1. O contido calórico deste alimento é baixo, sendo moi adecuado en dietas depurativas ou para perder peso. O seu aporte de fibra non soluble favorece un efecto saciante. Aporta un contido en graxas moi baixo sendo estas moi saudables (acedo linoleico). E o seu contido en selenio confírelle un efecto antioxidante.

Salmón con gambas

Plato Segundo prato

Información nutricional:

Kcal: 532,5
Proteínas: 40,2%
Hidratos de carbono: 22,1%
Lípidos: 37,7%

Ingredientes

150 g salmón
1 (100g) pataca
100 mL caldo peixe
50 g gambas
60 g cebola
5 g fariña
1 cullerada (5mL) aceite oliva
sal ao gusto

Instruccións

Tempo preparación: De 20 a 30 minutos

Limpar o peixe e cortar en lombos. Se sazona con sal e marca lixeiramente na prancha. Facer a salsa velouté: refogar a fariña no aceite sen que se torre e engadir o caldo de peixe quente. Salgar, debe quedar como unha bechamel lixeira. Engadir as gambas. Cocer pataca en rebandas separadamente e colocar o salmón sobre a pataca e cubrir coa salsa.

Vantaxes:
O salmón é un peixe azul, cun alto contido en proteínas e ácidos omega 3, que contribúen a baixar o colesterol. Ademais os ácidos graxos omega-3 axudan a controlar a presión arterial, melloran a función cardíaca e reducen o impacto doutros factores de risco cardiovascular. A súa riqueza en graxa fai que o salmón conteña cantidades interesantes dalgunhas vitaminas como A e D, ademais de ser fonte de magnesio e iodo.

Inconvenientes:
Ó igual que os demais peixes azuis o salmón presenta o inconveniente de conter purinas, que no organismo se transforman en ácido úrico, polo que é aconsellable limitar o seu consumo en caso de hiperuricemia ou gota.

Perca en salsa de allos tenros

Plato Segundo prato

Información nutricional:

Kcal: 441,5
Proteínas: 38,5%
Hidratos de carbono: 32,7%
Lípidos: 28,8%

Ingredientes

150 g perca
1 (100g) pataca
125 mL caldo peixe
25 g allos tenros
20 g cebola
6 g fariña
1 cullerada (6mL) aceite oliva
perexil
sal ao gusto

Instruccións

Tempo preparación: De 20 a 30 minutos

Poñer a cocer en auga con loureiro e cebola as patacas cortadas en rebandas grosas. Refogar os allos tenros e a cebola picados no aceite, engadir a fariña removendo sen parar. Mollar co caldo de peixe e deixar cocer desfacendo posibles grumos. Poñer un toque de perexil picado. Marcar o peixe na prancha e colocar sobre as patacas. Cubrir coa salsa.

Vantaxes:
A perca é un peixe branco, cun baixo contido lipídico; non presenta unha porcentaxe elevada de proteínas, pero as que contén son dun alto valor biolóxico. Ademais, contén vitaminas do grupo B e A, e minerais como potasio, fósforo, magnesio e ferro.

Pescada ás finas herbas

Plato Segundo prato

Información nutricional:

Kcal: 434,6
Proteínas: 36,6%
Hidratos de carbono: 33,3%
Lípidos: 30,1%

Ingredientes

150 g pescada
1 (100g) pataca
50 mL caldo peixe
50 mL viño branco
40 g cebola
40 g salsa tomate
25 g porro
6 g fariña
1 dente (5g) allo
perexil
ourego
pementa
sal ao gusto

Instruccións

Tempo preparación: De 30 a 40 minutos

Limpar o peixe e cortar en rebandas. Facer a salsa: refogar o allo, a cebola e o porro, mollar con viño, engadir a fariña sen que se torre, mollar co caldo de peixe quente, terminar con salsa de tomate. Introducir o peixe na salsa, cociñar, cubrir coas herbas aromáticas picadas. Acompañar de pataca cocida.

Vantaxes:
A pescada é un peixe branco, é dicir, baixo en graxas; é rica en proteínas de alto valor biolóxico e posúe diferentes vitaminas e minerais. Destaca o seu contido en vitaminas do grupo B (B1, B2, B3, B9, B12). Pero, a cantidade destas vitaminas presentes na pescada non é relevante se se compara coa que conteñen alimentos ricos nestes nutrientes (cereais integrais, legumes, verduras de folla verde, fígado e carnes en xeral). En relación ós minerais, a pescada posúe potasio, fósforo e magnesio, aínda que todos eles están presentes en cantidades medias se se comparan coas contidas na maior parte dos peixes.

Noticias

Archivos