Palometa en adubo

15 Xullo, 2015

Palometa en adubo

Plato

Segundo prato

Información nutricional:

Kcal: 343,6
Proteínas: 37,4%
Hidratos de carbono: 16,0%
Lípidos: 46,6%

Ingredientes

150 g palometa
40 g pemento vermello
40 g pemento verde
40 g cebola
10 g fariña
1 dente (5g) allo
1 cullerada sopeira (10mL) aceite oliva
vinagre
ourego
pementa
pementa negra en gran
sal ao gusto

Instruccións

Tempo preparación: De 20 a 30 minutos

Macerar todos os ingredientes (excepto a fariña) durante 2 horas. Escorrer os anacos de palometa e cubrir con fariña. Fritir en aceite quente. Acompañar coas verduras refogadas (pemento vermello, pemento verde, cebola).

Vantaxes:
A palometa é un peixe semigraxo. Destaca polo seu contido en proteínas, superior ó da grande parte dos peixes, sendo estas de gran valor biolóxico. A palometa tamén aporta diferentes vitaminas e minerais, sendo a vitamina B12 a máis abundante, ata superando os niveis que conteñen ovos e algunhas carnes.

Xurelo á rioxana

Plato Segundo prato

Información nutricional:

Kcal: 445,1
Proteínas: 24,7%
Hidratos de carbono: 28,7%
Lípidos: 46,5%

Ingredientes

150 g xurelo
1 (100g) pataca
60 g salsa tomate
40 g pemento vermello
40 g cebola
5 g pemento choriceiro
1 dente (5g) allo
1 cullerada sopeira (10mL) aceite oliva
pementón doce
loureiro
sal ao gusto

Instruccións

Tempo preparación: De 30 a 40 minutos

Refogar o allo, a cebola e os pementos en tiras. Poñer a folla de laurel, o pementón e a carne de pemento choriceiro, engadir a salsa de tomate e cocer 20 min. Triturar. O xurel márcase á prancha. Colocar nunha placa de forno, cubrir con salsa e introducir no forno 10 min aproximadamente, a 180ºC. Acompañar de patacas fervidas en rebandas.

Vantaxes:
O xurelo clasifícase como peixe azul debido o seu contido en lípidos. Na súa composición destacan minerais como ferro, iodo e magnesio, e vitamina D que intervén na absorción e utilización de calcio e fósforo, e cobalamina que participa na maduración dos glóbulos vermellos e favorece a absorción de ferro.

Brócoli á crema con xamón

Plato Primeiro prato

Información nutricional:

Kcal: 301,8
Proteínas: 18,4%
Hidratos de carbono: 43,1%
Lípidos: 38,6%

Ingredientes

150 g brócoli
1 (100g) pataca
100 mL leite desnatado
20 g xamón en tacos
6 g fariña
1 cullerada (5mL) aceite oliva
noz moscada
pementa branca
sal ao gusto

Instruccións

Tempo preparación: De 30 a 40 minutos

Cocer o brócoli en auga abundante, refrescar e escorrer. Á parte preparar unha bechamel: quentar o aceite nun cazo e engadir a fariña. Remover con variña e engadir o leite quente. Remover ata que ferva e espese. Engadir sal, pementa e noz moscada ao gusto. Engadir os taquiños de xamón e o brócoli deixando cocer todo xunto uns minutos máis. Acompañar de pataca cocida.

Vantaxes:
O brócoli é un alimento con alto contido de antioxidantes e betacarotenos. Igualmente posúe un elevado aporte de vitaminas A, B2 e C, con propiedades diuréticas e depuradoras do sangue. Este vexetal está composto, ademais, por unha elevada cantidade de auga (80-90%). Aporta gran cantidade de fibra dietética e ácido fólico. Con respecto ós minerais, subministra cantidades significativas de potasio, fósforo, ferro e calcio, o que lle confiren importantes propiedades antianémicas.

Dourada ao Ribeiro

Plato Segundo prato

Información nutricional:

Kcal: 362,2
Proteínas: 45,2%
Hidratos de carbono: 31,8%
Lípidos: 23,0%

Ingredientes

150 g dourada
1 (100g) pataca
60 mL caldo peixe
60 mL viño branco
6 g fariña
1 cullerada (6mL) aceite oliva
sal ao gusto

Instruccións

Tempo preparación: De 30 a 40 minutos

Limpar a dourada e filetear. Se sazona con sal e marca lixeiramente na prancha. Facer a salsa de ribeiro: refogar a fariña no aceite sen que se queime e engadir o caldo de peixe quente e o ribeiro fervido (para que lle marche o alcol). Salgar, debe quedar como unha bechamel lixeira pero máis escura. Cocer pataca en rebandas á parte e colocar a dourada sobre a pataca e cubrir coa salsa. Cubrir con perexil.

Vantaxes:
A dourada contén proteínas de alto valor biolóxico e niveis relativamente baixos de graxa, polo que o seu valor calórico é reducido. Destaca o seu contido en vitaminas do grupo B (niacina e cobalamina), A e E. Os minerais máis abundantes neste peixe son o potasio e o fósforo. Por outra parte o principal compoñente da pataca despois da auga, é o amidón. Cabe destacar o seu baixo aporte de proteínas e graxas. Ademais é unha importante fonte de minerais como potasio, magnesio e fósforo, e vitaminas do grupo B (tiamina, niacina) e vitamina C. Estas substancias son beneficiosas para o organismo, xa que melloran as doenzas relacionadas cos riles ou cistite. É aconsellable o seu consumo pola súa acción diurética e depuradora.

Ensalada de legumes

Plato Primeiro prato

Información nutricional:

Kcal: 364,9
Proteínas: 20,6%
Hidratos de carbono: 43,6%
Lípidos: 35,8%

Ingredientes

35 g lentellas
35 g garavanzos
35 g pemento piquillo
25 g espárrago triguero
25 g ovo
10 g cebola
1 cullerada sopeira (10mL) aceite oliva
vinagre
sal ao gusto

Instruccións

Tempo preparación: De 40 a 50 minutos

Cocer as lentellas, os garavanzos, o ovo e os espárragos por separado. Deixar arrefriar e mesturar. Facer unha vinagreta con aceite, vinagre e engadir a cebola, o pemento e o ovo picados. Mesturar todo.

Vantaxes:
O nutriente principal de lentellas e garavanzos son os hidratos de carbono, pero as legumes teñen a capacidade de controlar a glucosa que se incorpora no sangue. Estas legumes presentan un bo contido en minerais como potasio, que favorece a eliminación de líquidos do organimso. As lentellas son ricas en vitaminas do grupo B, ácido fólico e ferro. O contido en lípidos dos garavanzos é maior que no resto de legumes, destacando a presenza de ácidos insaturados como son o ácido oleico e linoleico.

Noticias

Archivos