Peixe espada á cordobesa

15 Xullo, 2015

Peixe espada á cordobesa

Plato

Segundo prato

Información nutricional:

Kcal: 378,3
Proteínas: 31,1%
Hidratos de carbono: 33,0%
Lípidos: 35,9%

Ingredientes

150 g peixe espada
1 (100g) pataca
75 g salsa tomate
40 g cebola
1 dente (5g) allo
1 cullerada sopeira (10mL) aceite oliva
perexil
sal ao gusto

Instruccións

Tempo preparación: De 30 a 40 minutos

Cortar o peixe espada e marcalo na prancha volta e volta. Separadamente nunha pota refogar o allo picado, engadir a cebola picada e cando estea case pochada engadir o tomate. Verter sobre o peixe cubrir de perexil e meter ao forno 10 min a180ºC. Acompañar de pataca cortada en rebandas ao vapor.

Vantaxes:
O peixe espada é un peixe semigraxo. O seu contido en proteínas non é moi elevado, pero son dun alto valor biolóxico, xa que inclúen todos os aminoácidos esenciais. Ademais contén diferentes vitaminas e minerais, entre os que destacan as vitaminas do grupo B e A, e a presenza de fósforo e magnesio, posto que este peixe é o máis rico nestes minerais.

Refogado de setas con gambas

Plato Primeiro prato

Información nutricional:

Kcal: 133,1
Proteínas: 35,6%
Hidratos de carbono: 19,6%
Lípidos: 44,8%

Ingredientes

120 g setas
40 g gambas
3 dentes (20 g) allo
1 cullerada sopeira (10mL) aceite oliva
caiena
perexil
sal ao gusto

Instruccións

Tempo preparación: De 15 a 20 minutos

Quentar o aceite, engadir o allo picado e caiena. Engadir as setas e ao cabo de 5 min as gambas. Deixar un minuto máis e servir cubrindo de perexil. Como suxestión engadir un par de ovos e remover ata callar convertendo o prato en revolto.

Vantaxes:
As setas conteñen un 90% de auga, hidratos de carbono e fibra, polo que se recomendan en dietas de adelgazamento. Son ricas en vitaminas do grupo B, potasio, fósforo, iodo, calcio, e outras substancias beneficiosas para o organismo. Recoméndase o consumo de porro polo seu alto contido en sales minerais (potasio, fósforo e calcio). Ademais é aconsellable cando se padece de reuma e anemia, e é un gran axente depurativo para o sangue.

Puré de cabaciño con gambas

Plato Primeiro prato

Información nutricional:

Kcal: 293,8
Proteínas: 49,4%
Hidratos de carbono: 26,0%
Lípidos: 24,6%

Ingredientes

150 mL caldo peixe
125 g cabaciño
50 g pataca
50 g gambas
25 g porro
20 g cebola
1 cullerada sopeira (10mL) aceite oliva
pementón doce
sal ao gusto

Instruccións

Tempo preparación: De 30 a 40 minutos

Refogar en aceite o branco do porro e cebola. Engadir o cabaciño lavado e cortado en dados coa pel. Agregar a pataca troceada. Poñer pementón e mollar con caldo de peixe. Deixar cocer de 20 a 30min. Triturar con turmix e coar por chinés, poñer o punto de sal. Engadir as gambas refogadas á parte e deixar levantar fervor.

Vantaxes:
O cabaciño caracterízase polo seu elevado contido en auga, seguido dos hidratos de carbono, e o seu baixo contido en lípidos e proteínas; estas características, ligadas a presenza de fibra, fan do cabaciño un alimento adecuado para dietas de adelgazamento. Contén vitamina A, B, C; magnesio, sodio, iodo, ferro, calcio e potasio; substancias que axudan na produción de glóbulos vermellos e brancos, na síntese do material xenético ou na formación de anticorpos do sistema inmunolóxico. Ademais, posúen acción antioxidante, regula os niveis de auga na célula, e mellora o funcionamento intestinal e dixestivo.

Froita fresca (cereixa)

Plato Sobremesa

Información nutricional:

Kcal: 70,5
Proteínas: 4,8%
Hidratos de carbono: 95,2%
Lípidos: 0,0%

Ingredientes

150 g cereixas

Instruccións

Lavar e servir.

Vantaxes:
As cereixas presentan propiedades remineralizantes, son moi depurativas, e destacan polo seu aporte en ferro. Esta froita contén sustancias que axudan a eliminar os niveis de ácido úrico en sangue. É laxante e diurética grazas ao seu contido en fibra, auga e potasio. Aconséllase o seu consumo na pre-menopausia, debido ó seu aporte en ferro, calcio e vitamina C. A súa riqueza en bioflavonoides evita a dexeneración celular.

Coello ao allo

Plato Segundo prato

Información nutricional:

Kcal: 440,0
Proteínas: 19,5%
Hidratos de carbono: 25,2%
Lípidos: 55,3%

Ingredientes

150 g coello
125 mL caldo carne
50 g arroz
50 mL viño branco
5 g fariña
2 dentes (10g) allo
1 cullerada sopeira (10mL) aceite oliva
pementa
caiena
perexil
sal ao gusto

Instruccións

Tempo preparación: De 30 a 40 minutos

Trocear o coello. Salpementar. Fritir ata dourar. Separadamente nunha pota rustrir en aceite o allo fileteado e a caiena. Engadir o coello, cubrir con fariña mesturando ben e mollar con viño branco. Deixar reducir. Poñer o caldo de carne e perexil picado deixando cocer un bo intre. Acompañar de arroz branco ao forno.

Vantaxes:
Pola súa composición está recomendado en caso de seguir dietas baixas en graxa e colesterol e en caso de trastornos cardiovasculares. Ó ser unha carne branca, o seu contido en ácido úrico é menor en comparación coas carnes vermellas, o que a converte nunha carne apta para persoas con hiperuricemia ou gota. É magra e branda, polo que resulta fácil de mastigar. Contén proteínas de boa calidade en cantidades similares ó resto de carnes. En canto ós minerais, destaca sobre o resto de carnes polo seu elevado contido en potasio, fósforo e calcio. Ademais, o aporte de sodio é moderado, polo tanto o seu consumo é adecuado en casos de hipertensión. A carne de coello presenta vitaminas do grupo B, especialmente B3 (niacina) e B12 (cobalamina).

Noticias

Archivos