Fetuccine primavera

15 Xullo, 2015

Fetuccine primavera

Plato

Primeiro prato

Información nutricional:

Kcal: 221,8
Proteínas: 10,5%
Hidratos de carbono: 53,3%
Lípidos: 36,2%

Ingredientes

70 g pasta fetuccine
75 g salsa tomate
40 g cabaciño
40 g cenoria
25 g champiñóns laminados
20 g pemento vermello
20 g cebola
1 cullerada sopeira (10mL) aceite oliva
pementa branca
sal ao gusto

Instruccións

Tempo preparación: De 20 a 30 minutos

Cocer a pasta ao dente segundo o tempo que nos indique o fabricante, escorrer e refrescar en auga fría. Cortar as hortalizas en dados e refogar. Engadir a salsa de tomate e a continuación a pasta, poñer sal e pementa ao gusto. Servir ben quente.

Vantaxes:
As principais características da pasta son o seu grande aporte en hidratos de carbono de absorción lenta (amidón) e en proteínas (glute), e o seu baixo contido en graxas. Ademais, ten a vantaxe de que é moi fácil de cociñar.
A combinación de pemento vermello, cenoria, cebola e cabaciño aporta ó organismo importantes cantidades de vitaminas do grupo B, A e C, e minerais tales como potasio, magnesio, ferro ou calcio, entre outros. Ademais presentan substancias cun elevado poder antioxidante, propiedade que favorece a loita fronte ós radicais libres que provocan o envellecemento celular.

Ensalada de feixóns verdes con vinagreta

Plato Primeiro prato

Información nutricional:

Kcal: 217,6
Proteínas: 17,6%
Hidratos de carbono: 44,3%
Lípidos: 38,1%

Ingredientes

100 g feixóns verdes
75 g pataca
30 g ovo
10 g pemento vermello
10 g cebola
10 g anchoa
1 cullerada sopeira (10mL) aceite oliva
vinagre módena
sal ao gusto

Instruccións

Tempo preparación: De 40 a 50 minutos

Cocer as patacas e os feixóns verdes por separado e escorrer. Deixar arrefriar e mesturar. Facer unha vinagreta con aceite, vinagre e anchoas non moi troceadas. Engadirlle tamén o pemento vermello e a cebola picados. Cocer o ovo e pelar, cortar en metades. Colocar os ingredientes no prato e salsear coa vinagreta. Como suxestión pódense engadir uns tomates troceados que por custiones de conservación non podemos incorporar nós.

Vantaxes:
Os feixóns caracterízanse polo seu baixo aporte calórico, fundamentalmente polo seu escaso contido en graxas e á súa riqueza en fibra; son pobres en sodio e conteñen vitaminas como a vitamina A e B6 (piridoxina).

Lentellas con tomate e cebola

Plato Primeiro prato

Información nutricional:

Kcal: 273,2
Proteínas: 17,3%
Hidratos de carbono: 42,6%
Lípidos: 40,1%

Ingredientes

40 g lentellas
100 mL auga
50 g tomate
20 g cebola
15 g cenoria
10 g touciño
5 g fariña
1 dente (5g) allo
1 cullerada (5mL) aceite oliva
comiños
pementón doce
sal ao gusto

Instruccións

Tempo preparación: De 40 a 50 minutos

Introducir en auga fría as lentellas, a cenoria, o touciño desalgado e a metade da cebola (cortado en dados). Poñer a cocer lentamente. Facer un rustrido con allo, cebola, fariña, pementón e tomate. Engadirllo ás lentellas e deixar cocer ata que estean cocidas. Poñer a punto de sal e cominos.

Vantaxes:
As lentellas son fonte natural de proteínas. A riqueza proteica e de ácidos nucleicos favorece a loita fronte ó envellecemento celular. As lentellas posúen un alto contido en hidratos de carbono, pero as legumes teñen a capacidade de controlar a glucosa que se incorpora no sangue. Ademais, as lentellas conteñen unha alta porcentaxe de potasio, que favorece a eliminación de líquidos do organismo. Son ricas en vitaminas do grupo B, ácido fólico e ferro.

Inconvenientes:
O ferro de orixe vexetal é de máis difícil absorción que o ferro de orixe animal.

Xarda á prancha con panadeira

Plato Segundo prato

Información nutricional:

Kcal: 426,3
Proteínas: 30,5%
Hidratos de carbono: 26,1%
Lípidos: 43,4%

Ingredientes

150 g xarda
1 (110g) pataca
1/2 vaso (100mL) caldo pescado
30 g cebola
30 g pemento verde
30 g pemento vermello
3 culleradas (15mL) aceite oliva
perexil
sal ao gusto

Instruccións

Tempo preparación: De 30 a 40 minutos

Limpar a xarda e filetearla. Lavar e cortar as verduras en batóns. Cortar as patacas en láminas finas. Pasar as patacas pola freidora sen que se fritan do todo e colocalas nunha placa de forno. Refogar a cebola e pementos en aceite e poñer na mesma placa, mesturando coas patacas. Incorporar o caldo de peixe e meter no forno 20min a 180ºC. Marcar os filetes de xarda na prancha volta e volta e servir sobre as patacas. Cubrir con perexil.

Vantaxes:
A xarda é un peixe azul, e como tal é fonte moi importante de ácidos graxos omega-3. Estes ácidos axudan a controlar a presión arterial, melloran a función cardíaca e reducen o impacto doutros factores de risco cardiovascular. Este peixe contén proteínas de gran valor biolóxico, vitaminas do grupo B (pero en menor proporción que noutros alimentos), e debido ó seu contido en graxa, presenta excelentes niveis de vitaminas liposolubles (A, D, E). En canto ós minerais destacan o potasio, fósforo, iodo, magnesio, ademais do ferro (aínda que en menor medida que nas carnes).

Inconvenientes:
O inconveniente da xarda é o seu contido en purinas, que o organismo transforma en ácido úrico, polo que se desaconsella en caso de hiperuricemia ou gota.

Escalope de porco en salsa de mazá

Plato Segundo prato

Información nutricional:

Kcal: 570,1
Proteínas: 32,2%
Hidratos de carbono: 24,4%
Lípidos: 43,4%

Ingredientes

150 g filetes porco
1 vaso (200mL) caldo carne
50 g puré pataca
50 g mazá
50 g cebola
50 mL viño branco
15 g uvas pasas
5 g fariña
1 dente (5g) allo
1 cullerada sopeira (10mL) aceite oliva
ourego
sal ao gusto

Instruccións

Tempo preparación: De 30 a 40 minutos

Cortar os escalopes, salpementar e pasar por fariña. Dar un toque de fritura e colocar en placa de forno. Separadamente facer a salsa refogando allo, cebola, mazá pelada, un pouco de fariña, viño branco e caldo de carne. Deixar cocer e triturar por turmix. Engadir as pasas dar o punto de sal e ourego. Verter sobre os escalopes. Meter no forno 20 minutos a 180ºC e servir quentes acompañados de puré de pataca.

Vantaxes:
A carne de porco contén todas as substancias minerais esenciais para o organismo (excepto o calcio). Destaca o seu aporte de ferro hemo, facilmente absorbible. A carne de porco non aporta vitaminas liposolubles, fóra das vísceras como o fígado, rico en vitamina A e D. Si contén vitaminas do complexo B, excepto o ácido fólico.

Inconvenientes:
O porco dixírese con bastante máis dificultade que outras carnes, sendo o seu consumo pouco adecuado para nenos e persoas maiores. Tampouco se aconsella para hipertensos e para persoas con exceso de colesterol. Polo seu elevado índice de graxa aconséllase un consumo prudente e medido.

Noticias

Archivos