Pasta con chourizo

15 Xullo, 2015

Pasta con chourizo

Plato

Primeiro prato

Información nutricional:

Kcal: 378,6
Proteínas: 14,3%
Hidratos de carbono:26,6%
Lípidos: 59,2%

Ingredientes

75 g pasta
30 g chourizo caseiro
75 g salsa tomate
10 g queixo relado
1 cullerada (5mL) aceite oliva
perexil
sal ao gusto

Instruccións

Tempo preparación: De 20 a 30 minutos

Cocer a pasta en auga fervendo con sal o tempo que indique o fabricante removendo sobre todo ó principio para que non se agarre. Escorrer e refrescar. Nunha pota á parte, quentar o aceite e engadir o chourizo cortado en medias rebandas. Refogar lixeiramente e engadir a pasta. Agregar a salsa de tomate e mesturar. Cubrir co queixo e perexil picado.

Vantaxes:
As principais características da pasta son o seu gran aporte en hidratos de carbono de absorción lenta (amidón) e en proteínas (glute), e o seu baixo contido en graxas.
Este prato tamén presenta un gran contido en tomate. O principal beneficio deste comestible radica no seu contido en licopeno (responsable da súa coloración, que vai de amarelo a vermello). O licopeno posúe excelentes propiedades antioxidantes que protexen as células da acción dos radicais libres (principais causantes do envellecemento celular, enfermidades cardiovasculares e cancro). Ademais, contén potasio, magnesio, fibra, e vitaminas do grupo B e vitamina C.

Inconvenientes:
Aínda que presenta proteínas de gran valor biolóxico, debemos moderar o consumo de chourizo debido ó seu alto contido enerxético e graxo.

Pescada en salsa mariñeira

Plato Segundo prato

Información nutricional:

Kcal: 336,3
Proteínas: 52,5%
Hidratos de carbono: 37,7%
Lípidos: 9,7%

Ingredientes

150 g lombo de pescada
1/2 vaso (100mL) caldo pescado
1 (100g) pataca
30 g cebola
25 g salsa tomate
20 g chícharos
1 dente (5g) allo
5 g fariña
perexil
colorante alimentario

Instruccións

Tempo preparación: De 30 a 40 minutos

Preparar a salsa mariñeira: refogar en aceite o allo e a cebola picados, engadir un pouco de fariña e caldo de peixe lixeiramente coloreado, engadir a salsa de tomate e perexil picado deixando cocer uns minutos. Á parte, marcar o lombo de pescada na prancha e colocalo nunha fonte de forno, cubrir coa salsa e fornear 10 min. a 180ºC. Acompañar dunhas patacas e chícharos cocidos á parte.

Vantaxes:
A pescada é un peixe branco, é dicir, baixo en graxas; é rica en proteínas de alto valor biolóxico e posúe diferentes vitaminas e minerais. Destaca o seu contido en vitaminas do grupo B (B1, B2, B3, B9, B12). Pero, a cantidade destas vitaminas presentes na pescada non é relevante se se compara coa que conteñen alimentos ricos nestes nutrientes (cereais integrais, legumes, verduras de folla verde, fígado e carnes en xeral). En relación ós minerais, a pescada posúe potasio, fósforo e magnesio, aínda que todos eles están presentes en cantidades medias se se comparan coas contidas na maior parte dos peixes.

Pisto de verduras

Plato Primeiro prato

Información nutricional:

Kcal: 160,4
Proteínas: 5,6%
Hidratos de carbono: 24,4%
Lípidos: 70%

Ingredientes

75 g cabaciño
50 g salsa tomate
25 g pemento verde
25 g pemento vermello
25 g cebola
1 cullerada sopeira (10mL) aceite oliva
sal ao gusto

Instruccións

Tempo preparación: De 20 a 30 minutos

Cortar as verduras en dados. Refogar por orde de dureza en aceite de oliva, primeiro a cebola e pementos, despois o cabaciño e finalmente a salsa de tomate. Poñer a punto de sal. Suxerencia de presentación con ovo escalfado.

Vantaxes:
A combinación de pemento verde e vermello, tomate, cebola e cabaciño, aporta ó organismo importantes cantidades de vitaminas do grupo B, A e C; e minerais, tales como potasio, magnesio, ferro ou calcio, entre outros. Ademais presentan substancias cun elevado poder antioxidante, propiedade que favorece a loita fronte ós radicais libres que provocan o envellecemento celular.

Sepia á prancha con falso alioli

Plato Segundo prato

Información nutricional:

Kcal: 400
Proteínas: 31,3%
Hidratos de carbono: 17,0%
Lípidos: 51,8%

Ingredientes

175 g sepia
50 g arroz
20 g maionesa
1 dente (5g) allo
1 cullerada (5mL) zume limón
1 cullerada (5mL) aceite oliva
perexil
sal ao gusto

Instruccións

Tempo preparación: De 20 a 30 minutos

Cortar a sepia en cadrados non moi pequenos. Preparar a salsa mesturando a maionesa con allo moi picado ou machucado no morteiro. Preparar un arroz branco ó forno para acompañar de gornición. Salgar a sepia e dourar na prancha. Colocar o arroz debaixo e a sepia enriba coa salsa á beira. Cubrir con perexil.

Vantaxes:
A sepia é un marisco con un baixo aporte calórico, fácilmente dixerible, con un alto contido en proteínas e baixo en graxas. É rica en vitaminas do grupo B, fósforo, potasio e magnesio.

Inconvenientes:
Debe controlarse o consumo de maionesa, debido ó seu alto contido en graxas.

Fabada asturiana

Plato Primeiro prato

Información nutricional:

Kcal: 759
Proteínas: 16,9%
Hidratos de carbono: 32,3%
Lípidos: 50,8%

Ingredientes

1 vaso (185 mL) auga
90 g fabas
25 g morcilla
25 g chourizo
25 g febra de porco salgada
15 g cebola
20 g orella porco
1 dente (5g) allo
30 g pataca
1 cullerada (4mL) aceite oliva
comiño moído
loureiro
sal ao gusto
colorante alimentario

Instruccións

Tempo preparación: De 30 a 40 minutos

Remollar as fabas, polo menos 12h. en auga fría con sal. Poñer a cocer todos os ingredientes en auga fría e cocer lentamente. Pódense asustar as fabas con auga fría un par de veces para favorecer a cocción. Cando todo estea cocido, facerlle un rustrido con allo e cebola picados no aceite. Dar o toque de comiño e sal se procede. Este prato estará máis saboroso ó día seguinte de realizalo.

Vantaxes:
As fabas son alimentos ricos en fibra, folatos, potasio e ferro, pero os seus compoñentes principais son os hidratos de carbono. Aportan unha cantidade importante de proteína vexetal, de peor calidade cá de orixe animal, xa que non presentan todos os aminoácidos esenciais. Axudan a previr o estrinximento, diminuír o colesterol en sangue e manter os niveis de glucosa en sangue grazas ó seu elevado contido en fibra soluble.

Noticias

Archivos