Palometa con piperada

15 Xullo, 2015

Palometa con piperada

Plato

Segundo prato

Información nutricional:

Kcal: 422,3
Proteínas: 33,8%
Hidratos de carbono: 20,0%
Lípidos: 46,3%

Ingredientes

150 g palometa
50 g pataca
50 g salsa tomate
25 g pemento amarelo
25 g pemento vermello
25 g pemento verde
25 g cebola
50 mL viño branco
2 dentes (10g) allo
3 culleradas (15 mL) aceite oliva
perexil
caiena
sal ao gusto

Instruccións

Tempo preparación: De 30 a 40 minutos

Limpar, quitar a pel e cortar a palometa en tranchas e marcalos na prancha volta e volta. Á parte, nunha cazola preparar a salsa piperada cortando a cebola e pementos en tiras, refogando en aceite sen que tomen cor. Engadir o viño e a salsa de tomate. Verter a salsa sobre o peixe cubrir de perexil e meter ao forno 10-15 min. Acompañar de pataca cocida.

Vantaxes:
A palometa é un peixe semigraxo. Destaca polo seu contido en proteínas, superior ó da grande parte dos peixes, sendo estas de gran valor biolóxico. A palometa tamén aporta diferentes vitaminas e minerais, sendo a vitamina B12 a máis abundante, ata superando os niveis que conteñen ovos e algunhas carnes.
Por outra parte, o allo presenta numerosas propiedades medicinais. Desde unha acción depurativa e tonificante do organismo a propiedades vitalizadoras. Tamén se lle atribúen propiedades antirreumáticas e antigotosas; ademais son expectorantes e anticatarrais.

Inconvenientes:

Crema de alcachofas con xamón

Plato Primeiro prato

Información nutricional:

Kcal: 214,1
Proteínas: 19,6%
Hidratos de carbono: 37,9%
Lípidos: 42,4%

Ingredientes

1/2 vaso (120 mL) auga
1/2 vaso (120mL) leite desnatado
100 g alcachofas
50 g porro
20 g pataca
15 g xamón serrano
1 cullerada sopeira (10mL) aceite oliva
sal ao gusto

Instruccións

Tempo preparación: De 30 a 40 minutos

Refogar no aceite de oliva o branco de porro, engadir posteriormente a pataca todo cortado en dados. Engadir o auga e o leite. Cando comece a ferver engadir as alcachofas. Deixar cocer lentamente 15 minutos. Triturar e pasar por chinés. Refogar o xamón en dados lixeiramente na tixola e mesturar coa crema. Dar punto de sal.

Vantaxes:
O potasio e a fibra son dous dos nutrientes máis abundantes desta hortaliza. Tamén destaca polo seu alto contido en magnesio, fósforo e calcio. Na súa composición atopamos a cinarina, que ten efecto colerético, é dicir, que estimula a función do fígado e facilita a dixestión de graxas. Posúe, tamén, esteroles, que teñen capacidade para limitar a absorción do colesterol no intestino.

Peituga de polo á crema

Plato Segundo prato

Información nutricional:

Kcal: 411,7
Proteínas: 37,0%
Hidratos de carbono: 13,8%
Lípidos: 49,2%

Ingredientes

150 g peituga polo
1/2 vaso (100mL) leite desnatado
25 mL nata
25 g champiñóns laminados
6 g fariña
1 dente (5g) allo
1 cullerada sopeira (10mL) aceite oliva
pementa branca
sal ao gusto

Instruccións

Tempo preparación: De 30 a 40 minutos

Salpementar a peituga. Cortar en dados grandes e pasar por tixola lixeiramente. Á parte, facer unha bechamel co aceite e fariña engadindo o leite quente e deixando cocer. Engadir as peitugas e os champiñóns. Terminar con nata.

Vantaxes:
A carne de polo é boa fonte de proteínas, con aminoácidos esenciais de fácil dixestión. Caracterízase polo seu baixo contido en graxas, e a pouca que presenta prevén contra enfermidades cardiovasculares. Predominan vitaminas do grupo B, tales como a niacina, piridoxina, roboflavina tiamina ou acedo fólico. Tamén é rica en minerais como potasio, ferro e fósforo.

Arroz á oriental

Plato Primeiro prato

Información nutricional:

Kcal: 251,5
Proteínas: 28,0%
Hidratos de carbono: 47,4%
Lípidos: 24,6%

Ingredientes

75 g arroz
50 g chícharos
50 g gambas
50 mL caldo verduras
40 g champiñóns laminados
40 g brótelos soia
3 g salsa soia
1 cullerada (5mL) aceite oliva

Instruccións

Tempo preparación: De 30 a 40 minutos

Nunha paelleira ou similar refogar os champiñóns en aceite, engadir o arroz e brótelos de soia. Mollar con caldo quente. Engadir os chícharos e as gambas. Meter ao forno 18 min.a 180ºC. Unha vez fora do lume engadir a salsa de soia na súa xusta medida (ten moita sal) e mesturar.

Vantaxes:
O compoñente maioritario do arroz é o amidón (70-80%). O contido de proteínas do arroz rolda o 7%, e contén naturalmente apreciables cantidades de tiamina ou vitamina B1, riboflavina ou vitamina B2 e niacina ou vitamina B3, así como fósforo e potasio. Pero no proceso de refinamento e pulido, pérdese ata o 50% do seu contido en minerais e o 85 % das vitaminas do grupo B, quedando xa que logo convertido nun alimento sobre todo enerxético. O arroz é un alimento positivo para a prevención e mellora dalgunhas patoloxías, como a hipertensión e a hipercolesterolemia, debido ó seu baixo contido en sodio. Ademais, a súa excelente dixestibilidade, ligada a unha acción astrinxente (debida á carencia de fibra), fan do arroz un alimento indicado para recuperar a mucosa intestinal tras unha gastroenterite.

Perca panadeira

Plato Segundo prato

Información nutricional:

Kcal: 287,2
Proteínas: 46,5%
Hidratos de carbono: 24,4%
Lípidos: 29,0%

Ingredientes

150 g perca
50 mL viño branco
50 mL caldo peixe
50 g pataca
30 g cebola
15 g pemento vermello
15 g pemento verde
1 cullerada sopeira (10mL) aceite oliva
colorante alimentario
perexil
sal ao gusto

Instruccións

Tempo preparación: De 30 a 40 minutos

Limpar o peixe e filetealo ou ben en tranchas con espiña. Cortar a pataca en rebandas finas e dar un toque de fritura sen que doure moito. Poñer as patacas nunha placa de forno e enriba as verduras picadas, mellor refogadas. Engadir o viño e o caldo coloreado, introducir en forno 15 minutos a 175ºC. Colocar o peixe, con sal, enriba das patacas e deixar 10 minutos máis. Retirar do forno. Decorar con perexil.

Vantaxes:
A perca é un peixe branco, cun baixo contido lipídico; non presenta unha porcentaxe elevada de proteínas, pero as que contén son dun alto valor biolóxico. Ademais, contén vitaminas do grupo B e A, e minerais como potasio, fósforo, magnesio e ferro.

Noticias

Archivos