Acelgas refogadas con ovo cocido

15 Xullo, 2015

Acelgas refogadas con ovo cocido

Plato

Primeiro prato

Información nutricional:

Kcal: 271,4
Proteínas: 14,8%
Hidratos de carbono: 33,3%
Lípidos: 51,9%

Ingredientes

125 g acelgas
60 g pataca
60 g salsa tomate
25 g ovo
20 g cebola
1 dente (5g) allo
1 cullerada sopeira (10mL) aceite oliva
pementón doce
sal ao gusto

Instruccións

Tempo preparación: De 20 a 30 minutos

Cocer as acelgas en auga abundante con sal, cando estean cocidas escorrer. Refogar o allo e cebola picada no aceite e engadir as acelgas. Adicionar a salsa de tomate e deixar facer uns minutos. Acompañar de ovo cocido.

Vantaxes:
O principal compoñente das acelgas é a auga, e as porcentaxes dos macronutrientes (proteínas, hidratos de carbono e lípidos) son moi baixas, polo que se converte nun alimento moi recomendado en dietas de adelgazamento. As acelgas son ricas en nutrientes reguladores como fibra, minerais e vitaminas, presenta un elevado contido en folatos, provitamina A e vitamina C. En canto os minerais, contén potasio, magnesio, sodio, iodo, ferro e calcio. Todas estas substancias aportan numerosos beneficios para o organismo. Ademais contén ácido oxálico, que prevén a formación de cálculos renais e artrites.

Pasta de arroz con pavo

Plato Primeiro prato

Información nutricional:

Kcal: 265,6
Proteínas: 21,3%
Hidratos de carbono: 47,9%
Lípidos: 30,3%

Ingredientes

80 g pasta arroz (macarrón)
50 g champiñóns laminados
30 g salsa tomate
50 g pavo fiambre
25 g pemento vermello
20 g cebola
10 g queixo relado
1 dente (5g) allo
1 cullerada (5mL) aceite oliva
pementa branca
sal ao gusto

Instruccións

Tempo preparación: De 30 a 40 minutos

Cocer a pasta en auga abundante con sal o tempo que nos indique o fabricante. Refrescar e escorrer. Separadamente no aceite quente rustir o allo, a cebola en dados, o pemento vermello en dados e o champiñón laminado e o pavo en dados. Engadir a salsa de tomate e deixar cocer uns minutos. Mesturar coa pasta e deixar quentar todo. Servir quente cubrindo co queixo.

Vantaxes:
O compoñente maioritario do arroz é o amidón (70-80%). O contido de proteínas do arroz rolda o 7%, e contén naturalmente apreciables cantidades de tiamina ou vitamina B1, riboflavina ou vitamina B2 e niacina ou vitamina B3, así como fósforo e potasio. Pero no proceso de refinamento e pulido, pérdese ata o 50% do seu contido en minerais e o 85 % das vitaminas do grupo B, quedando xa que logo convertido nun alimento sobre todo enerxético. O arroz é un alimento positivo para a prevención e mellora dalgunhas patoloxías, como a hipertensión e a hipercolesterolemia, debido ó seu baixo contido en sodio. Ademais, a súa excelente dixestibilidade, ligada a unha acción astrinxente (debida á carencia de fibra), fan do arroz un alimento indicado para recuperar a mucosa intestinal tras unha gastroenterite.

Pescada á vasca

Plato Segundo prato

Información nutricional:

Kcal: 461,7
Proteínas: 47,2%
Hidratos de carbono: 26,9%
Lípidos: 25,9%

Ingredientes

150 g lombo pescada
1/2 vaso (150mL) caldo pescado
1 (100g) pataca
30 g cebola
25 g ameixa xapónica
20 g chícharos
10 g espárrago branco
7 g fariña
1 dente (5g) allo
perexil
sal ao gusto

Instruccións

Tempo preparación: De 20 a 30 minutos

Preparar unha salsa verde: refogar en aceite o allo e cebola picados sen que tome cor. Engadir un pouco de fariña e caldo de peixe. Deixar cocer 10 min. e engadir perexil picado. Introducir o lombo de pescada na salsa e meter no forno coas ameixas e chícharos durante 8 min. Acompañar na mesma cazola con patacas redondas cocidas e espárrago.

Vantaxes:
A pescada é un peixe branco, é dicir, baixo en graxas; é rica en proteínas de alto valor biolóxico e posúe diferentes vitaminas e minerais. Destaca o seu contido en vitaminas do grupo B (B1, B2, B3, B9, B12). Pero, a cantidade destas vitaminas presentes na pescada non é relevante se se compara coa que conteñen alimentos ricos nestes nutrientes (cereais integrais, legumes, verduras de folla verde, fígado e carnes en xeral). En relación ós minerais, a pescada posúe potasio, fósforo e magnesio, aínda que todos eles están presentes en cantidades medias se se comparan coas contidas na maior parte dos peixes.

Refogado de verduras con arroz

Plato Primeiro prato

Información nutricional:

Kcal: 155,3
Proteínas: 8,4%
Hidratos de carbono: 61,3%
Lípidos: 30,3%

Ingredientes

60 g arroz
25 g cabaciño
25 g pemento vermello
25 g pemento verde
25 g cenoria
20 g cebola
20 g chícharos
1 cullerada sopeira (10mL) aceite oliva
sal ao gusto

Instruccións

Tempo preparación: De 20 a 30 minutos

Cocer o arroz en branco con moita auga e sal. Refrescar e escorrer. Cortar as verduras en dados e refogar en aceite. Engadir o arroz e os chícharos deixando cocer un minuto mais. Dar o toque de sal.

Vantaxes:
Con este prato beneficiámonos das propiedades do arroz, sendo un alimento positivo para a prevención e mellora de patoloxías como a hipertensión e a hipercolesterolemia, debido ó seu baixo contido en sodio e á súa excelente dixestibilidade ligada a unha acción astrinxente pola carencia de fibra; e das propiedades das verduras (cabaciño, cenoria e pementos), que aportan ó organismo substancias cunha elevada acción antioxidante, vitaminas do grupo B, A, E, C, e minerais como potasio, fósforo, calcio ou magnesio.

Coello á cazola

Plato Segundo prato

Información nutricional:

Kcal: 585,3
Proteínas: 32,7%
Hidratos de carbono: 21,2%
Lípidos: 46,1%

Ingredientes

150 g coello
1 (100g) pataca
1/2 vaso (150 mL) caldo carne
50 g salsa tomate
40 g cenorias
25 g cebola
20 g chícharos
3 culleradas (15mL) aceite oliva
1 dente (5g) allo
pementa
perexil
sal ao gusto

Instruccións

Tempo preparación: De 40 a 50 minutos

Trocear o coello. Salpementar. Dourar en aceite. Separadamente, nunha pota rustrir en aceite a cebola picada, pemento vermello e a cenoria deixando pochar sen que tome cor. Engadimos o coello e a salsa de tomate e mollamos con caldo de carne ata que cubra e deixamos cocer ata que estea tenro. Engadir os chícharos cocidos. A pataca córtase en dados e dáselle unha fritura antes de incorporar ao guiso.

Vantaxes:
O coello pola súa composición está recomendado en caso de seguir dietas baixas en graxa e colesterol, en caso de trastornos cardiovasculares. Ó ser unha carne branca, o seu contido en ácido úrico é menor en comparación coas carnes vermellas, o que a converte nunha carne apta para persoas con hiperuricemia ou gota.Contén proteínas de boa calidade en cantidades similares ó resto de carnes. Destaca sobre o resto de carnes polo seu elevado contido en potasio, fósforo e calcio. Ademais, o aporte de sodio é moderado, polo tanto o seu consumo é adecuado en casos de hipertensión.

Inconvenientes:
Debido a abundancia de fibras musculares o coello é unha carne máis difícil de dixerir, e isto pódeno notar as persoas que sofren de estómago delicado.

Noticias

Archivos