Tenreira refogada con arroz

15 Xullo, 2015

Tenreira refogada con arroz

Plato

Segundo prato

Información nutricional:

Kcal: 457,1
Proteínas: 38,6%
Hidratos de carbono: 20,6%
Lípidos: 40,7%

Ingredientes

150 g tenreira tapa
1/2 vaso (100mL) caldo carne
50 g arroz
40 g salsa tomate
30 g pemento vermello
30 g pemento verde
10 g chícharos
1 dente (4g) allo
30 g cenoria
1 cullerada sopeira (10mL) aceite oliva
colorante alimentario
perexil
sal ao gusto

Instruccións

Tempo preparación: De 30 a 40 minutos

Nun wok ou tixola refogar en aceite a tenreira cortada en tiras e reservar. Nunha cazola refogar o allo e as verduras, engadir a carne e o tomate. Cubrir con caldo de carne e deixar cocer. Engadir os chícharos cocidos case ao final. Acompañar dun arroz coloreado ao forno.

Vantaxes:
A Tenreira Gallega é a primeira carne de vacún con control integral e certificado de garantía.
A carne procedente do vacún é un alimento completo e esencial para unha dieta san e equilibrada, e destaca polo seu elevado contido proteico. Estas proteínas son altamente dixeribles e de gran valor biolóxico. Ademais, é rica en vitaminas do grupo B e en minerais como fósforo, magnesio e ferro.

Pavo con champiñóns á pementa verde

Plato Segundo prato

Información nutricional:

Kcal: 419,7
Proteínas: 42,7%
Hidratos de carbono: 21,0%
Lípidos: 36,2%

Ingredientes

150 g peituga pavo
1/2 vaso (125 mL) caldo carne
50 g arroz
25 g champiñóns laminados
5 g fariña
1 dente (5g) allo
1 cullerada (5mL) aceite oliva
pementa
pementa verde en gran
sal ao gusto

Instruccións

Tempo preparación: De 20 a 30 minutos

Cortar o pavo en dados e despois salpementar. Nunha tixola moi quente con aceite douralo ben. Retirar e reservar. Nese mesmo aceite, refogar o allo e os champiñóns. Engadir un pouco de fariña e logo o caldo quente. Deixar ferver e introducir o pavo na salsa. Poñemos a pementa e deixamos cocer todo xunto uns minutos. Acompañar de arroz branco ao forno.

Vantaxes:
O pavo é fonte de proteínas, vitaminas do grupo do complexo B e ácido fólico e de minerais como o fósforo, o potasio, o magnesio, o ferro e o zinc. A carne de pavo contén maior proporción de graxa insaturada que axuda a previr os problemas do corazón. E ademais presenta menor contido en graxas saturadas e menor valor calórico.

Potaxe de vixilia

Plato Primeiro prato

Información nutricional:

Kcal: 392,1
Proteínas: 29,3%
Hidratos de carbono: 35,9%
Lípidos: 34,7%

Ingredientes

60 g garavanzos
50 g bacallau
40 g espinacas
25 g ovo
20 g cebola
1 dente (5g) allo
1 cullerada sopeira (10mL) aceite oliva
pementón doce
sal ao gusto

Instruccións

Tempo preparación: De 40 a 50 minutos

Poñer auga a ferver e introducir os garavanzos (previamente remollados 12h). Cando os garavanzos comecen a estar cocidos, engadir o bacallau cortado en dados e as espinacas. Deixar cocer 10 minutos máis mentres se prepara un sofrito en aceite con allo e cebola picados, pementón doce; e engadilo ao potaxe case ao final.

Vantaxes:
O nutriente principal dos garavanzos son os hidratos de carbono, dos cales o amidón é o máis abundante. Presenta un bo aporte proteico, pero sen diferenzas respecto dos demais legumes secos; ademais, son proteínas incompletas por falta de metionina (un aminoácido esencial). O contido que presenta de lípidos é maior ca no resto de legumes, destacando a presenza de ácidos insaturados como son o ácido oleico e linoleico. Os garavanzos presentan un elevado contido de folatos e tiamina, e minerais como calcio, fósforo, ferro, potasio e magnesio; ademais aportan unha gran cantidade de fibra.

Pescada á cazola

Plato Segundo prato

Información nutricional:

Kcal: 594,6
Proteínas: 32,5%
Hidratos de carbono: 22,3%
Lípidos: 45,2%

Ingredientes

150 g pescada
1 (100g) pataca
50 g ovo
75 mL caldo peixe
20 g chícharos
20 mL viño branco
20 g espárrago branco
20 g cebola
8 g fariña
1 dente (5g) allo
2 culleradas (20mL) aceite oliva
sal ao gusto

Instruccións

Tempo preparación: De 30 a 40 minutos

Preparar unha salsa verde: refogando en aceite o allo e cebola picados, sen deixar que tome cor. Engadir fariña e viño deixando reducir o alcol. Mollar co caldo de peixe e deixar cocer 5 min. Engadir o perexil picado e salgar. Colocar a pescada na cazola e engadir a salsa. Meter no forno 10-15 minutos a 180ºC e ao sacar acompañar de pataca cocida, espárrago branco, chícharos cocidos e ovo duro.

Vantaxes:
A pescada é un peixe branco, é dicir, baixo en graxas; é rica en proteínas de alto valor biolóxico e posúe diferentes vitaminas e minerais. Destaca o seu contido en vitaminas do grupo B (B1, B2, B3, B9, B12). Pero, a cantidade destas vitaminas presentes na pescada non é relevante se se compara coa que conteñen alimentos ricos nestes nutrientes (cereais integrais, legumes, verduras de folla verde, fígado e carnes en xeral). En relación ós minerais, a pescada posúe potasio, fósforo e magnesio, aínda que todos eles están presentes en cantidades medias se se comparan coas contidas na maior parte dos peixes.

Filetes de rapante ao forno

Plato Segundo prato

Información nutricional:

Kcal: 286,7
Proteínas: 39,5%
Hidratos de carbono: 20,1%
Lípidos: 40,4%

Ingredientes

150 g filetes rapante
50 mL viño branco
50 g pataca
30 g cebola
10 g pemento verde
10 g pemento vermello
1 cullerada sopeira (10mL) aceite oliva
perexil
sal ao gusto

Instruccións

Tempo preparación: De 30 a 40 minutos

Limpar o peixe e filetealo. Cortar a pataca en rebandas finas e dar un toque de fritura sen que doure moito. Poñer as patacas nunha praca de forno e enriba as verduras picadas e o viño e introducir en forno 15 minutos a 175ºC. Colocar o peixe, con sal, enriba das patacas, rociar co aceite de oliva deixar e 5 minutos máis. Retirar do forno. Decorar con perexil.

Vantaxes:
O rapante é un peixe branco de moi baixo contido graxo. Aporta proteínas dun elevado valor biolóxico, pero o seu contido neste nutriente é inferior ó da maioría de peixes. En relación ás vitaminas, destaca a presenza da B6 e B9. En canto ós minerais cabe destacar o contido de fósforo, potasio, magnesio e iodo, aínda que as súas cantidades non son moi elevadas comparándoas coas presentes noutras especies.

Noticias

Archivos