Espinacas ao gratén

15 Xullo, 2015

Espinacas ao gratén

Plato

Primeiro prato

Información nutricional:

Kcal: 227,7
Proteínas: 28,6%
Hidratos de carbono: 20,1%
Lípidos: 51,3%

Ingredientes

150 g espinacas
1/2 vaso (100mL) leite desnatado
20 g xamón cocido
6 g fariña
5 g queixo relado
1 cullerada (5mL) aceite oliva
noz moscada
pementa branca
sal ao gusto

Instruccións

Tempo preparación: De 30 a 40 minutos

Cocer as espinacas en auga abundante, refrescar e escorrer. Separadamente, preparar unha bechamel; quentar o aceite nun cazo e engadir a fariña. Remover con variña e engadir o leite quente. Remover ata que ferva e espese. Engadir sal, pementa e noz moscada ao gusto. Engadir os taquiños de xamón e as espinacas deixando cocer todo xunto uns minutos máis. Estender nunha fonte de forno, cubrir con queixo e gratinar lixeiramente.

Vantaxes:
As espinacas son unha fonte importante de minerais como o magnesio, potasio, calcio, fósforo e sodio. Conteñen importantes cantidades de ácido fólico, e de betacarotenos, precursores da vitamina A, que actúan contra o envellecemento celular. Tamén son ricas en vitamina C e E, de acción antioxidante, e vitaminas do grupo B. Ademais, apenas conteñen graxas. Son unha das hortalizas con maior nivel de proteínas e a proporción de fibra é considerable.

Patacas con costela

Plato Primeiro prato

Información nutricional:

Kcal: 413,5
Proteínas: 16,4%
Hidratos de carbono: 34,0%
Lípidos: 49,6%

Ingredientes

1 pequeas (150g) pataca
150 g costela de porco
25 g pemento vermello
25 g pemento verde
25 g cebola
5 g pemento choriceiro
1 dente (5g) allo
1 cullerada (5mL) aceite oliva
pementón doce
sal ao gusto

Instruccións

Tempo preparación: De 40 a 50 minutos

Remollar os pementos choriceiros en auga quente para acelerar o proceso de hidratación. Nunha pota con aceite dourar a costela, engadir o pemento verde, cebola (en dados) e allo. Engadir o pementón, a pataca rota en dados. Engadir a pulpa do pemento choriceiro e cubrir con auga suficiente para cocer todo. Poñer a punto sal e deixar repousar.

Vantaxes:
O principal compoñente da pataca despois da auga, é o amidón. Cabe destacar o seu baixo aporte de proteínas e graxas. Ademais é unha importante fonte de minerais como potasio, magnesio e fósforo, e vitaminas do grupo B (tiamina, niacina) e vitamina C. Estas substancias son beneficiosas para o organismo, xa que melloran as doenzas relacionadas cos riles ou cistite. É aconsellable o seu consumo pola súa acción diurética e depuradora.

Inconvenientes:
A pesar do seu contido en vitamina C, pérdese a maior parte desta vitamina co pelado, e o resto durante o proceso de cocción.

Redondo de tenreira á cazola

Plato Segundo prato

Información nutricional:

Kcal: 506,8
Proteínas: 39,6%
Hidratos de carbono: 25,4%
Lípidos: 35,0%

Ingredientes

150 g redondo tenreira
1/2 vaso (150 mL) caldo carne
1/2 vaso (100mL) viño branco
1 (100g) pataca
40 g cebola
40 g tomate
40 g porro
40 g cenoria
1 cullerada sopeira (10mL) aceite oliva
pementa negra en gran
sal ao gusto

Instruccións

Tempo preparación: De 40 a 50 minutos

Marcar o redondo enteiro na tixola por ambas caras. Colocar nunha pota ou cazola de barro, regar co viño branco, engadir as verduras troceadas e asar no forno lentamente durante 1h a 170ºC. Retirar a carne e triturar as verduras engadindo o caldo de carne. Cortar o redondo en rebandas finas e cubrir coa salsa quente. Servir con puré de pataca.

Vantaxes:
A Tenreira Gallega é a primeira carne de vacún con control integral e certificado de garantía. A carne procedente do vacún é un alimento completo e esencial para unha dieta san e equilibrada, e destaca polo seu elevado contido proteico. Estas proteínas son altamente dixeribles e de gran valor biolóxico. Ademais, é rica en vitaminas do grupo B e en minerais como fósforo, magnesio e ferro.

Salmón ao forno

Plato Segundo prato

Información nutricional:

Kcal: 363,3
Proteínas: 30,5%
Hidratos de carbono: 15,5%
Lípidos: 54,0%

Ingredientes

150 g salmón
50 g pataca
50 mL viño branco
10 g pemento vermello
10 g pemento verde
30 g cebola
1 cullerada sopeira (10mL) aceite oliva
perexil
sal ao gusto

Instruccións

Tempo preparación: De 20 a 30 minutos

Limpar o peixe e cortalo en lombos sen espiña. Cortar a pataca en rebandas finas e dar un toque de fritura sen que doure moito. Poñer as patacas nunha placa de forno e enriba as verduras picadas e o viño, e introducir en forno 15 minutos a 175ºC. Colocar o peixe, con sal, enriba das patacas, rociar co aceite de oliva deixar e 10 minutos máis. Se quedan secas as patacas engadir un pouco de auga. Retirar do forno. Decorar con perexil.

Vantaxes:
O salmón é un peixe azul, cun alto contido en proteínas e ácidos omega 3, que contribúen a baixar o colesterol. Ademais os ácidos graxos omega-3 axudan a controlar a presión arterial, melloran a función cardíaca e reducen o impacto doutros factores de risco cardiovascular. A súa riqueza en graxa fai que o salmón conteña cantidades interesantes dalgunhas vitaminas como A e D, ademais de ser fonte de magnesio e iodo.

Inconvenientes:
Ó igual que os demais peixes azuis o salmón presenta o inconveniente de conter purinas, que no organismo se transforman en ácido úrico, polo que é aconsellable limitar o seu consumo en caso de hiperuricemia ou gota.

Macarróns 3 queixos

Plato Primeiro prato

Información nutricional:

Kcal: 339,8
Proteínas: 17,4%
Hidratos de carbono: 25,4%
Lípidos: 57,3%

Ingredientes

70 g macarrón relado
20 mL nata
20 g queixo cremoso (tipo philadelphia)
20 g queixo barra
10 g queixo relado
1 dente (5g) allo
1 cullerada sopeira (10mL) aceite oliva
sal ao gusto

Instruccións

Tempo preparación: De 30 a 40 minutos

Cocer a pasta en auga fervendo abundante con sal durante o tempo que nos indique o fabricante. Escorrer e refrescar. Separadamente, nunha pota facemos a salsa refogando en aceite o allo, engádese a nata, o queixo de barra e o queixo cremoso, deixando ferver. Triturar a salsa e poñer a punto de sal e pementa. Mesturar coa pasta e servir quente cubrindo coa mestura de queixos para pasta.

Vantaxes:
As principais características da pasta son o seu grande aporte en hidratos de carbono de absorción lenta (amidón) e en proteínas (glute), e o seu baixo contido en graxas. Ademais, ten a vantaxe de que é moi fácil de cociñar. Segundo o contido en graxa, variará o valor nutricional dos queixos, pero en termos xerais pódese dicir que son fonte de calcio, proteínas e fósforo. Ademais son aptos para intolerantes á lactosa, xa que no queixo a lactosa se converte, practicamente na súa totalidade, en ácido láctico. Tamén, o queixo contén todos os nutrientes esenciais do leite, pero concentrados.

Noticias

Archivos