Bacallau en salsa de pementos

15 Xullo, 2015

Bacallau en salsa de pementos

Plato

Segundo prato

Información nutricional:

Kcal: 364,3
Proteínas: 31,7%
Hidratos de carbono: 30,2%
Lípidos: 38,1%

Ingredientes

150 g bacallau
1 (100g) pataca
50 g salsa tomate
15 g cebola
15 g pemento vermello
15 g pemento verde
1 dente (5g) allo
1 cullerada sopeira (10mL) aceite oliva
1 folla loureiro
perexil picado
sal ao gusto

Instruccións

Tempo preparación: De 40 a 50 minutos

Nunha cacerola refogar o allo, cebola e todos os pementos. Poñer a folla de loureiro e engadir o tomate en salsa deixando cocer 20-30 min. O bacallau márcase á prancha. Cortar a pataca en rebandas grosas e cocer ó vapor. Nunha cazola de barro poñer a pataca cocida no fondo, encima o bacallau e a salsa. Introducir no forno 15 minutos a 180ºC e servir cubrindo de perexil.

Vantaxes:
O bacallau é un peixe branco, polo que posúe un baixo contido graxo. É rico en proteínas de alto valor biolóxico e ademais posúe gran variedade de vitaminas e minerais.
O bacallau salgado contén importantes cantidades de sodio, pero cando se pon a remollo esta cantidade diminúe considerablemente, polo tanto, as persoas que padezan hipertensión ou con problemas de retención de líquidos poden consumilo perfectamente, sempre que o proceso de desalgado sexa adecuado.
Ademais, hai que engadir que os pementos son un dos alimentos máis ricos en vitamina C, son abundantes en carotenos, e como as verduras en xeral, os pementos son ricos en fibra. E en canto ós minerais, contén principalmente fósforo, potasio, magnesio e calcio.

Sopa Xuliana

Plato Primeiro prato

Información nutricional:

Kcal: 254,8
Proteínas: 32,2%
Hidratos de carbono: 11,5%
Lípidos: 56,3%

Ingredientes

1 (36 g) cenoria
24 g cebola
24 g porro
24 g acelgas
18 g chícharos
90 mL caldo ave
30 mL auga
1 cullerada (6mL) aceite oliva
pementón doce
sal ao gusto

Instruccións

Tempo preparación: De 15 a 20 minutos

Refogar a cebola, o porro e a cenoria (todo cortado en tiras) no aceite durante 5 minutos. Engadir o pemento doce e a continuación o caldo de ave. Deixar levantar fervor e engadir a acelga (en tiras) e finalmente os chícharos. Probar de sal.

Vantaxes:
Ó combinar diferentes verduras, como cenoria, acelgas, chícharos e porros, abastecemos ó organismo de substancias antioxidantes, vitaminas do grupo B, A, C e E, minerais como potasio, fósforo, calcio ou magnesio, e fibra.

Xelatina de piña

Plato Sobremesa

Información nutricional:

Kcal: 160,4
Proteínas: 1,7%
Hidratos de carbono: 98,3%
Lípidos: 0%

Ingredientes

200 mL zume piña
8 g xelatina neutra
10 g azucre

Instruccións

Tempo preparación: De 10 a 15 minutos

Remollar as follas de xelatina en auga fría. Quentar sen fervor un pouco do zume nun cazo, engadir o azucre e a xelatina. Mesturar co resto do zume e poñer nun molde. Para desmoldar, quentar o recipiente por fóra en auga quente e darlle a volta sobre o prato.

Vantaxes:
A xelatina é coláxeno hidrolizado, a proteína que forma os tendóns, texidos cartilaxenosos, osos e texidos conectores. Este alimento contribúe á mellora na hidratación e nenos e tamén en adultos. Presenta un baixo contido en azucres e colesterol, e non presenta materia grasa, polo que diminúe o risco de obesidade infantil.

Lacón con grelos

Plato Segundo prato

Información nutricional:

Kcal: 715,1
Proteínas: 20,0%
Hidratos de carbono: 17,3%
Lípidos: 62,7%

Ingredientes

130 g grelos
125 g lacón
1 (100g) pataca
50 g chourizo caseiro
sal ao gusto

Instruccións

Tempo preparación: De 30 a 40 minutos

Cocer o lacón previamente desalgado en auga abundante. Nesa mesma auga, unha vez retirado o lacón, cocer as patacas, grelos e chourizo. Servir todo xunto.

Vantaxes:
O lacón constitúe unha boa fonte de proteínas de alto valor biolóxico. A súa composición nutricional é similar á da paleta, e como tal presenta máis graxa (ó redor do 20%) e menos proteína que o xamón curado. A carne de porco, en xeral, é unha fonte importante de vitaminas do grupo B, excepto de ácido fólico. Ademais, é a carne que menor cantidade de bases púricas contén, substancias que ó metabolizarse dan lugar ó ácido úrico, elemento restrinxido en persoas que padecen gota. Os grelos presentan un alto contido en vitamina A, C e ácido fólico, ademais de diversos minerais como calcio, potasio, sodio e ferro. Nesta especie predominan unha serie de substancias relacionadas co seu amargor (glucosinolatos alifáticos) ás que se atribúen propiedades anticanceríxenas.

Crema de chícharos

Plato Primeiro prato

Información nutricional:

Kcal: 260,4
Proteínas: 15,6%
Hidratos de carbono: 48,4%
Lípidos: 36,0%

Ingredientes

75 g chícharos
1 pequena (75g) pataca
50 g porro
1/2 vaso (100mL) leite desnatado
1/2 vaso (100 mL) auga
1 cullerada sopeira (10mL) aceite oliva
sal ao gusto

Instruccións

Tempo preparación: De 20 a 30 minutos

Refogar en aceite o porro, engadir a pataca en láminas e mollar coa auga e leite. Cando comece a ferver engadir os chícharos e deixar cocer. Pasar por turmix e chinés. Dar o toque de sal.

Vantaxes:
O principal compoñente dos chícharos é a auga, destacando tamén o seu contido en hidratos de carbono, vitaminas do grupo B e C, minerais (fósforo e magnesio) e fibra, que aportan numerosos beneficios para o organismo. Estas substancias (en especial a vitamina C, calcio, magnesio, ácidos e fibras solubles) favorecen a circulación do sangue diminuíndo o colesterol. Posúen un efecto regulador do azucre en sangue que intervén no mantemento dos niveis. Aportan proteínas vexetais e minerais construtivos favorecendo o desenvolvemento das células e a súa renovación.

Noticias

Archivos