Alcachofas refogadas

15 Xullo, 2015

Alcachofas refogadas

Plato

Primeiro prato

Información nutricional:

Kcal: 225,1
Proteínas: 11,8%
Hidratos de carbono: 20,8%
Lípidos: 67,4%

Ingredientes

100 g alcachofas
20 g xamón serrano
1 cullerada sopeira (10mL) aceite oliva
sal ao gusto

Instruccións

Tempo preparación: De 20 a 30 minutos

Cocer as alcachofas en auga con sal. Mentres, refogar as tiras de xamón en aceite. Servir o rustrido por riba das alcachofas xa cocidase escoadas. Suxerencia de presentación con ovo escalfado.

Vantaxes:
O potasio e a fibra son dous dos nutrientes máis abundantes desta hortaliza. Tamén destaca polo seu alto contido en magnesio, fósforo e calcio. Na súa composición atopamos a cinarina, que ten efecto colerético, é dicir, que estimula a función do fígado e facilita a dixestión de graxas. Posúe, tamén, esteroles, que teñen capacidade para limitar a absorción do colesterol no intestino.

Xarda ó forno con verduras

Plato Segundo prato

Información nutricional:

Kcal: 459
Proteínas: 22,6%
Hidratos de carbono: 29%
Lípidos: 48,4%

Ingredientes

150 g xarda
50 g cabaciño
1 grande (120g) pataca
1/4 (30 g) pemento vermello
1/4 (30 g) cebola
1/2 (30 g) cenoria
20 g porro
1 cullerada (5mL) aceite oliva
sal ao gusto

Instruccións

Tempo preparación: De 15 a 20 minutos

Limpar a xarda e fileteala. Lavar e cortar as verduras en tiras. Refogar as verduras en aceite e poñer nunha placa de forno a 180ºC durante aproximadamente 10 minutos. Dourar os filetes de xarda na prancha, volta e volta, e colocar sobre as verduras. Introducir no forno 5 minutos e servir.

Vantaxes:
A xarda é un peixe azul, e como tal é fonte moi importante de ácidos graxos omega-3. Estes ácidos axudan a controlar a presión arterial, melloran a función cardíaca e reducen o impacto doutros factores de risco cardiovascular. Este peixe contén proteínas de gran valor biolóxico, vitaminas do grupo B (pero en menor proporción que noutros alimentos), e debido ó seu contido en graxa, presenta excelentes niveis de vitaminas liposolubles (A, D, E). En canto ós minerais destacan o potasio, fósforo, iodo, magnesio, ademais do ferro (aínda que en menor medida que nas carnes).

Inconvenientes:
O inconveniente da xarda é o seu contido en purinas, que o organismo transforma en ácido úrico, polo que se desaconsella en caso de hiperuricemia ou gota.

Laranxa con azucre

Plato Sobremesa

Información nutricional:

Kcal: 93,3
Proteínas: 5,2%
Hidratos de carbono: 94,8%
Lípidos: 0%

Ingredientes

160 g laranxa
10 g azucre

Instruccións

Tempo preparación: Menos de 5 minutos

Pelar e picar a laranxa. Engadirlle azucre.

Vantaxes:
A laranxa é unha importante fonte de vitamina C, flavonoides e beta-caroteno. Outros compoñentes que lle reportan numerosos beneficios son ácido fólico e fibra soluble, elevado contido en auga, potasio, ácido cítrico e ácido oxálico. Entre estes beneficios cabe destacar a función antioxidante, inhibición da oxidación do LDL-c (colesterol “malo”), polo que se fai moi interesante de cara á prevención de enfermidades. Ten un efecto diurético e favorece a eliminación do ácido úrico e das súas sales.

Inconvenientes:
O ácido oxálico que conteñen as laranxas pode formar sales co calcio e formar oxalato cálcico, polo que o seu consume pode agravar casos de cálculos renais.

Mexillóns con fideos

Plato Primeiro prato

Información nutricional:

Kcal: 256,7
Proteínas: 33,3%
Hidratos de carbono: 22,9%
Lípidos: 43,8%

Ingredientes

40 g mexillóns
40 g pasta fideua
100 mL caldo peixe
10 g cebola
10 g pemento vermello
10 g salsa tomate
1 dente (4g) allo
colorante alimentario
perexil picado
1 cullerada sopeira (10mL) aceite oliva
sal ao gusto

Instruccións

Tempo preparación: De 20 a 30 minutos

Quentar o aceite nunha cacerola, engadir allo, cebola, pemento vermello e tomate. Engadir os mexillóns sen casca e o caldo de peixe co colorante. Verter os fideos e deixar cocer a pasta. Repousar uns minutos e servir cubrindo con perexil picado.

Vantaxes:
O mexillón aporta proteínas de boa calidade, contén pouca cantidade de lípidos, polo que o seu valor calórico non é moi elevado. Destaca o seu contido en iodo, ferro, calcio, sodio, fósforo e magnesio. Ademais é fonte de vitaminas do grupo B, especialmente ácido fólico, e vitamina E. A este prato hai que engadirlle as principais características da pasta, que son o seu gran aporte en hidratos de carbono de absorción lenta (amidón) e en proteínas (glute), e o seu baixo contido en graxas.

Dourada ao forno

Plato Segundo prato

Información nutricional:

Kcal: 336,2
Proteínas: 36,2%
Hidratos de carbono: 30,1%
Lípidos: 33,7%

Ingredientes

150 g dourada
100 g pataca
50 mL viño branco
30 g cebola
10 g pemento vermello
10 g pemento verde
1 cullerada (10mL) aceite oliva
sal ao gusto
perexil picado

Instruccións

Tempo preparación: De 20 a 30 minutos

Limpar e sazonar o peixe. Nunha bandexa de forno colocar as verduras picadas. Picar tamén a pataca e colocala na bandexa. A continuación, engadir a dourada. Regar con viño branco e introducir ó forno a 180ºC ata que estea feita.

Vantaxes:
A dourada contén proteínas de alto valor biolóxico e niveis relativamente baixos de graxa, polo que o seu valor calórico é reducido. Destaca o seu contido en vitaminas do grupo B (niacina e cobalamina), A e E. Os minerais máis abundantes neste peixe son o potasio e o fósforo. Por outra parte o principal compoñente da pataca despois da auga, é o amidón. Cabe destacar o seu baixo aporte de proteínas e graxas. Ademais é unha importante fonte de minerais como potasio, magnesio e fósforo, e vitaminas do grupo B (tiamina, niacina) e vitamina C. Estas substancias son beneficiosas para o organismo, xa que melloran as doenzas relacionadas cos riles ou cistite. É aconsellable o seu consumo pola súa acción diurética e depuradora.

Noticias

Archivos