Patacas á rioxana

15 Xullo, 2015

Patacas á rioxana

Plato

Primeiro prato

Información nutricional:

Kcal: 317,6%
Proteínas: 10%
Hidratos de carbono: 44,3
Lípidos: 45,7%

Ingredientes

1 (150g) pataca
1/3 (50 g) pemento verde
25 g cebola
20 g pemento chouriceiro
25 g chourizo
1 dente (5g) allo
1 cullerada (5mL) aceite oliva
sal ao gusto
pementón doce

Instruccións

Tempo preparación: De 30 a 40 minutos

Remollar os pementos chouriceirosen auga quente para acelerar o proceso de hidratación. Refogar en aceite o pemento verde, a cebola (en dados) e o allo. Engadir o pemento, a pataca cortada en dados. Engadir a polpa do pemento choricero e cubrir con auga suficiente para cocer todo. Poñer a punto de sal e deixar repousar.

Vantaxes:
O principal compoñente da pataca despois da auga, é o amidón. Cabe destacar o seu baixo aporte de proteínas e graxas. Ademais é unha importante fonte de minerais como potasio, magnesio e fósforo, e vitaminas do grupo B (tiamina, niacina) e vitamina C. Estas substancias son beneficiosas para o organismo, xa que melloran as doenzas relacionadas cos riles ou cistite. É aconsellable o seu consumo pola súa acción diurética e depuradora.

Inconvenientes:
A pesar do seu contido en vitamina C, pérdese a maior parte desta vitamina co pelado, e o resto durante o proceso de cocción.

Ensalada de ave

Plato Primeiro prato

Información nutricional:

Kcal: 298,5
Proteínas: 18,4%
Hidratos de carbono: 16,6%
Lípidos: 65%

Ingredientes

60 g polo
25 g maionesa
10 g ketchup
1/2 (80 g) mazá
sal ao gusto
salsa tabasco
salsa perríns
1 mL zume limón
perexil

Instruccións

Tempo preparación: De 15 a 20 minutos

Cocer a peituga de ave ó vapor. Pelar a mazá e untar con limón (para que non se oxide). Peparar a salsa rosa con maionesa, ketchup, unhas gotas de tabasco e salsa perrins. Cortar a mazá e a peituga (unha vez fría) en dados. Mesturar coa salsa rosa. Recoméndase servir sobre leituga cortada en tiras e decorar con ovo cocido mesturado con perexil picado.

Vantaxes:
Este prato presenta todas as vantaxes do consumo de carne de ave e de mazá. É boa fonte de proteínas; presenta baixo contido en graxas, predominan vitaminas do grupo B, tales como a niacina, piridoxina, B1 e B2, ou ácido fólico, vitamina C e E; azucres como a fructosa; e minerais como potasio, ferro e fósforo.

Inconvenientes:
Debe controlarse o consumo de maionesa, debido ó seu alto contido en graxas.

Pementos do piquillo reenchidos

Plato Primeiro prato

Información nutricional:

Kcal: 218,6
Proteínas: 16,4%
Hidratos de carbono: 39,5%
Lípidos: 44,1%

Ingredientes

1 (125g) pemento do piquillo
1/2 vaso (100 mL) leite
20 g xamón cocido
3 culleradas (15 g) salsa tomate
10 g cebola
12 g fariña
1 cullerada sopeira (10mL) aceite oliva
sal ao gusto
pementa branca
noz moscada

Instruccións

Tempo preparación: De 30 a 40 minutos

Preparar a bechamel: quentar o aceite nun cazo e engadir a fariña. Remover con variña ou batedor manual e engadir o leite quente. Remover ata que ferva e espese. Picar o xamón cocido en dados pequenos, engadir á bechamel e remover. Coa axuda dunha culler reencher os pementos. Quentar no forno uns minutos a 180º. Pódense acompañar con salsa de tomate.

Vantaxes:
Os hidratos de carbono son o compoñente maioritario dos pementos. Tamén teñen un elevado contido en auga e o seu contido en lípidos é moi escaso, isto fai que o seu valor calórico sexa baixo. É un dos alimentos máis ricos en vitamina C, incluso proporciona o dobre desta vitamina que a laranxa. Pero tamén é rico en carotenos, como o beta-caroteno ou provitamina A. Ademais, como as verduras en xeral, os pementos son ricos en fibra. E en canto ós minerais, contén, principalmente, fósforo, potasio, magnesio e calcio.

Coello á sidra

Plato Segundo prato

Información nutricional:

Kcal: 483,3
Proteínas: 33,1%
Hidratos de carbono: 22,9%
Lípidos: 44%

Ingredientes

150 g coello
40 g chícharos
20 g cebola
80 mL sidra
1 (100g) pataca
1 cullerada (15mL) aceite oliva
sal ao gusto
perexil picado
pementa

Instruccións

Tempo preparación: De 30 a 40 minutos

Talar o coello e sazonar. Pasar por fariña e fritir ata dourar. Á parte, nunha pota, rustrir en aceite a cebola picada. Deixar pasar. Engadir o coello e mollar coa sidra. Completar con auga ata cubrir e deixar cocer ata que estea tenro. Cortar as patacas en dados grandes e fritir o exterior. A continuación deixalas cocer co coello. Os chícharos engádense ó final xa cocidos.

Vantaxes:
Pola súa composición está recomendado en caso de seguir dietas baixas en graxa e colesterol, en caso de trastornos cardiovasculares. Ó ser unha carne branca, o seu contido en ácido úrico é menor en comparación coas carnes vermellas, o que a converte nunha carne apta para persoas con hiperuricemia ou gota. É magra e branda, polo que resulta fácil de mastigar. Contén proteínas de boa calidade en cantidades similares ó resto de carnes. En canto ós minerais, destaca sobre o resto de carnes polo seu elevado contido en potasio, fósforo e calcio. Ademais, o aporte de sodio é moderado, polo tanto o seu consumo é adecuado en casos de hipertensión. A carne de coello presenta vitaminas do grupo B, especialmente B3 (niacina) e B12 (cobalamina).

Inconvenientes:

Macedonia de pomelo

Plato Sobremesa

Información nutricional:

Kcal: 144,6
Proteínas: 3,2%
Hidratos de carbono: 94,3%
Lípidos: 2,6%

Ingredientes

90 g pomelo
25 g cirolas pasas
15 g mazá
50 g auga
10 g azucre
canela en rama

Instruccións

Tempo preparación: De 15 a 20 minutos

Pelar o pomelo. Cortar en rebandas e quitar a membrana. Escaldar as cirolas pasas para poder separar o óso. Nun cazo pequeno poñer auga, azucre e zume de limón a lume medio ata que ferva. Somerxer no xarope as cirolas pasas e a mazá picada darlles unha volta e escorrer. Deixar enfriar o xarope e votar por riba da froita.

Vantaxes:
O pomelo destaca polo seu contido en vitamina C. É rico en minerais como potasio,fluor, calcio e magnesio. Ademais, é unha das froitas menos calóricas. Debido ó seu contido en substancias como a pectina, flavonoides, carotenoides e terpenoide presenta excelentes propiedades beneficiosas para a saúde como favorecer a dixestión, diminuír os niveis de colesterol no sangue, impedir a proliferación de células cancerosas no organismo e ser un poderoso antioxidante.

Inconvenientes:
Non é recomendable o consumo de máis dun pomelo ou dun zume de dous pomelos o día.

Noticias

Archivos