Melva á bilbaína

15 Xullo, 2015

Melva á bilbaína

Plato

Segundo prato

Información nutricional:

Kcal: 405,3
Proteínas: 23,1%
Hidratos de carbono: 10,6%
Lípidos: 66,2%

Ingredientes

150 g melva
1/4 (40 g) pataca
1/2 (3 g) allo
3 culleradas (15 mL) aceite oliva
sal ao gusto
perexil

Instruccións

Tempo preparación: De 20 a 30 minutos

Sazonar e marcar á prancha o peixe. Dorar o allo fileteado no aceite, poñer caiena, engadir vinagre e verter sobre o peixe. Cubrir con perexil e introducir ó forno 5 min. a 180ºC. Acompañar de pataca cocida ó vapor.

Vantaxes:
A melva é un peixe azul. Como tal é un alimento cun elevado valor nutricional, debido ó seu contido en proteínas de alto valor biolóxico, aporte vitamínico e o seu contido en ácidos graxos insaturados omega-3, que preveñen das enfermidades cardiovasculares e cancro.

Berenxenas reenchidas

Plato Primeiro prato

Información nutricional:

Kcal: 219,4
Proteínas: 19%
Hidratos de carbono: 18,4%
Lípidos: 62,6%

Ingredientes

125 g berenxena
30 g xamón cocido
1/3 (40 g) cebola
10 g queixo relado
50 g tomate pelado lata
1 cullerada (5mL) aceite oliva
sal ao gusto

Instruccións

Tempo preparación: De 30 a 40 minutos

Cortar a berenxena pola metade lonxitudinalmente e facer incisión cun coitelo. Introducir 10 min. no forno e sacar a carne coa axuda dunha culler para picala despois. Nunha cazola con aceite refogar a cebola picada, engadir a berenxena, o tomate e o xamón picado. Deixar cocer un par de minutos e probar de sal. Reencher as berenxenas coa mestura. Cubrir de queixo e gratinar lixeiramente.

Vantaxes:
A berenxena é moi pouco enerxética, o 92% da súa composición é auga. Contén vitaminas do grupo B, A, C e ácido fólico; o mineral máis abundante é o potasio, e en menor medida fósforo, calcio, magnesio e ferro. O seu leve sabor amargo é debido á gran cantidade de compoñentes antioxidantes que posúe, por iso é recomendado o seu consumo en dietas de adelgazamento.

Peras ao caramelo

Plato Sobremesa

Información nutricional:

Kcal: 287,7
Proteínas: 2,0%
Hidratos de carbono: 89,3%
Lípidos: 8,7%

Ingredientes

80 g pera en almíbar
5 g améndoas
15 g caramelo líquido

Instruccións

Tempo preparación: De 15 a 20 minutos

Preparar un caramelo louro con auga e azucre. Cando comece coller cor dourada engadir auga quente (precaución porque se producen salpicaduras) e volver cocer uns minutos. Presentar as peras no prato coa salsa de caramelo e améndoa fileteada torrada encima.

Vantaxes:
As peras son ricas en azucre e en vitamina C. Contén pequenas cantidades de vitamina A e E. Tamén presenta importantes cantidades de pectina (fibra natural). Polo seu contido en ferro, recoméndase en casos de anemia e problemas cardiovasculares.

Abadexo con espinacas e piñóns

Plato Segundo prato

Información nutricional:

Kcal: 308,9
Proteínas: 40,1%
Hidratos de carbono: 8,3%
Lípidos: 51,5%

Ingredientes

150 g abadexo
100 g espinacas
20 g piñóns
1 dente (5g) allo
1 cullerada sopeira (10mL) aceite oliva
sal ao gusto

Instruccións

Tempo preparación: De 20 a 30 minutos

Limpar e marcar o lombo de abadexo na prancha. Cocer as espinacas en auga abundante, refrescar e escorrer. Saltear os piñóns torrados en aceite co allo e engadir as espinacas. Presentar as espinacas no fondo do prato e o peixe por riba.

Vantaxes:
O abadexo é un peixe branco cun baixo contido lipídico. É rico en vitaminas A, D e B12. Aporta proteínas de gran valor biolóxico e graxas insaturadas do tipo omega 3 que protexe ó corazón. Ademais contén cantidades moderadas de substancias antioxidantes, favorables fronte ó envellecemento celular. As espinacas son unha fonte importante de minerais como o magnesio, potasio, calcio, fósforo e sodio. Conteñen importantes cantidades de ácido fólico, e de betacarotenos, precursores da vitamina A, que actúan contra o envellecemento celular. Tamén son ricas en vitamina C e E, de acción antioxidante, e vitaminas do grupo B. Ademais, apenas conteñen graxas, son unha das hortalizas con maior nivel de proteínas e a proporción de fibra é considerable. Os piñóns son ricos en calcio, magnesio e ferro polo que son recomendables en persoas con osteoporose e descalcificación. Os seus ácidos graxos mono e poliinsaturados son moi adecuados para combater o colesterol e as enfermidades cardiovasculares.

Chícharos con xamón

Plato Primeiro prato

Información nutricional:

Kcal: 221,3
Proteínas: 21,3%
Hidratos de carbono: 29,4%
Lípidos: 49,2%

Ingredientes

150 g chícharos
20 g cebola
20 g xamón serrano
1 cullerada (5mL) aceite oliva
sal ao gusto

Instruccións

Tempo preparación: De 20 a 30 minutos

Cocer os chícharos en auga fervendo, refrescar e escorrer. No aceite, refogar a cebola picada e o xamón cortado en tacos, engadir os chícharos e deixar quentar o conxunto. Suxerencia de presentación con ovo escalfado.

Vantaxes:
Os chícharos compóñense fundamentalmente de auga, pero destacan os hidratos de carbono, vitaminas do grupo B e C, minerais (fósforo e magnesio) e fibra , que aportan numerosos beneficios para o organismo. Estas substancias (en especial a vitamina C, calcio, magnesio, ácidos e fibras solubles) favorecen a circulación do sangue diminuíndo o colesterol. Posúen un efecto regulador do azucre en sangue que intervén no mantemento dos niveis. Aportan proteínas vexetais e minerais construtivos favorecendo o desenvolvemento das células e a súa renovación.

Noticias

Archivos