Noticias

Noticias y actualidad del Grupo Cuevas

Archivos

Pasta salteada con verduras

15 Xullo, 2015

Pasta salteada con verduras

Pasta salteada con verduras

Información nutricional:

Kcal: 181,2
Proteínas: 17,5%
Hidratos de carbono: 68,4%
Lípidos: 14,1%

Ingredientes

  • 80 g pasta
  • 30 g pemento verde
  • 30 g pemento vermello
  • 30 g cenoria
  • 40 g cabaciño
  • 80 g cogomelos
  • 1 cullerada (5mL) aceite oliva
  • sal ao gusto

Instruccións

Tempo preparación: De 20 a 30 minutos

Cocer a pasta en auga son sal. Á parte, nunha sartén con aceite saltear as verduras, empezando pola cenoria e os pementos, uns minutos despois engadir o cabaciño; e por último as setas. Poñer a punto de sal e servir todo xunto.

Vantaxes:
Neste prato combínase o valor calórico e nutricional da pasta cos beneficios das verduras (cenoria, pemento, cabaciño). Destacan as propiedades antioxidantes, o aporte vitamínico, fundamentalmente, vitaminas do grupo B, A e C; e minerais como potasio, magnesio e fósforo.

Polo “á cazadora”

Polo

Polo "á cazadora"

Información nutricional:

Kcal: 336,2
Proteínas: 33,7%
Hidratos de carbono: 22,3%
Lípidos: 44,0%

Ingredientes

  • 125 g xamonciño de polo
  • 110 g champiñóns
  • 50 g chícharos
  • 1/3 (40 g) cebola
  • 1/3 (50 g) tomate enlatado
  • 1 (100g) pataca
  • 1/2 vaso (100 mL) viño branco
  • 1 cullerada sopeira (10mL) aceite oliva
  • sal ao gusto
  • perexil
  • loureiro

Instruccións

Tempo preparación: De 20 a 30 minutos

Salpementar e dourar os xamonciños na prancha ou tixola para que se douren. Preparar a salsa á parte refogando en aceite, o loureiro, a cebola picada e o tomate, viño branco e champiñones. Engadirlle os chícharos cocidos e caldo de carne. Introducir o polo no forno a 180ºC, coa salsa ata que esté tenro. Sazonar con perexil. Servir acompañado dunha pataca.

Vantaxes:
A carne de polo é boa fonte de proteínas, con aminoácidos esenciais de fácil dixestión. Caracterízase polo seu baixo contido en graxas, e a pouca que presenta prevén contra enfermidades cardiovasculares. Predominan vitaminas do grupo B, tales como a niacina, piridoxina, roboflavina tiamina ou acedo fólico. Tamén é rica en minerais como potasio, ferro e fósforo.

Espinacas á crema con gambas

Espinacas á crema con gambas

Espinacas á crema con gambas

Información nutricional:

Kcal: 213,7
Proteínas: 43,8%
Hidratos de carbono: 22,4%
Lípidos: 33,7%

Ingredientes

  • 150 g espinacas
  • 1/2 vaso (100 mL) leite
  • 50 g gambas
  • 6 g fariña
  • 1 cullerada (5mL) aceite oliva
  • sal ao gusto
  • noz moscada
  • pementa branca

Instruccións

Tempo preparación: De 20 a 30 minutos

Cocer as espinacas en auga con sal. Escorrer e reservar. Nunha tixola con aceite refogar as gambas. Para facer a bechamel quentar aceite nun cazo e engadir fariña, remover e engadir o leite. Remover ata que espese. Engadir sal, pementa e noz moscada ó gusto. Engadir as gambas e as espinacas, deixando cocer un minuto máis.

Vantaxes:
As espinacas son unha fonte importante de minerais como o magnesio, potasio, calcio, fósforo e sodio. Conteñen importantes cantidades de ácido fólico, e de betacarotenos, precursores da vitamina A, que actúan contra o envellecemento celular. Tamén son ricas en vitamina C e E, de acción antioxidante, e vitaminas do grupo B. Ademais, apenas conteñen graxas. Son unha das hortalizas con maior nivel de proteínas e a proporción de fibra é considerable.

Inconvenientes:
O ferro de orixe animal absórbese mais facilmente que o presente nos vexetais. Por tanto, para un bo aporte de ferro é necesario o consumo de alimentos de orixe animal.

Arroz con leite

Arroz con leite

Arroz con leite

Información nutricional:

Kcal: 384
Proteínas: 8,1%
Hidratos de carbono: 73,9%
Lípidos:17,9%

Ingredientes

  • 50 g arroz
  • 50 g azucre
  • 1 vaso (200 mL) leite
  • 1 monda de limón e laranxa
  • canela en rama

Instruccións

Tempo preparación: De 15 a 20 minutos

Branquear o arroz en auga abundante fervendo durante 12 min. Á parte, ferver o leite coa monda de laranxa, limón e canela en rama. Pasar o arroz escorrido do auga ó leite e cocer ata que estea cremoso e cocido. Engadir o azucre xusto antes de sacar do lume e deixar arrefriar. Cubrir de canela molida.

Vantaxes:
Esta sobremesa contén as grandes propiedades do arroz, como prevención de certas patoloxías, e as excelentes propiedades do leite. O leite é un dos alimentos máis completos. Entre os seus compoñentes atopamos vitaminas A, C, e do grupo B, riboflavina e niacina; ademais de ferro, calcio, e proteínas. O seu consumo habitual diminúe nun 60% o risco de contraer cancro de mama, grazas á lactosa; o seu contido en calcio fai que sexa indispensable para evitar a osteoporose, e o seu contido vitamínico fai que o seu consumo habitual supla un terzo das nosas necesidades diarias.

Ensalada de remolacha

Ensalada de remolacha

Ensalada de remolacha

Información nutricional:

Kcal: 237,4
Proteínas: 11,3%
Hidratos de carbono: 47,1%
Lípidos: 41,6%

Ingredientes

  • 50 g remolacha
  • 1 grande (150g) pataca
  • 1 (20 g) cenoria
  • 15 g atún en aceite
  • 10 g maionesa
  • sal ao gusto
  • perexil

Instruccións

Tempo preparación: De 15 a 20 minutos

Cocer a pataca enteira con pel e a continuación pelala. Deixar enfriar e mesturar co resto dos ingredientes. A cenoria e a remolacha cócense enteiras e despois cortánse en dados. Cubrir con perexil picado.

Vantaxes:
A remolacha é unha hortaliza con pouco valor calórico, está composta por auga e hidratos de carbono. Contén antocianos, que posúen un elevado poder antioxidante. Presenta unha favorable acción diurética debido ó seu contido en potasio. Outros minerais que contén son iodo, sodio e, en menor medida fósforo, magnesio e calcio. Ademais destaca a presenza de vitaminas do grupo B e en menor cantidade, provitamina A e vitamina C.